Kjo̱a̱chaꞌaá 5:17 - Xo̱jo̱n eén Néná

¹⁷ Kuíni nga je ndasen tikón ini̱ma̱jne̱, kuíni nga je inda inda kjimaxa̱ ndyikonjne̱.

Kjo̱a̱chaꞌaá 5:17 ပူးပေါင်းရင်းမြစ်များ

Joo̱b 17:7

Jè tjísichjá má ndyikón án ta̱ngatꞌanii̱ xi so xi ndakjaa̱n, kó kjo̱a̱niꞌánkjóna, xikoó tsi ngo tji̱nkꞌi̱én kjimá.

Xo̱jo̱n Salmoo̱ 31:9

Ji Ne, ngatamani̱ma̱a̱ an, ngatꞌa̱ achichí nda̱ kjimana, kjo̱a̱ndasee̱n tjítsꞌénkjié ndyikón án, ko̱jo ini̱ma̱na, ko̱jo ngayeje ngi̱yaa̱ yojona.

Xo̱jo̱n Salmoo̱ 38:8

Jè kamáꞌinda an, kó achichí jè onna, ni̱ma̱ tꞌíxián an, ta̱ngatꞌanii̱ ni xi kjimaa̱ ini̱ma̱na.

Xo̱jo̱n Salmoo̱ 6:7

Nde ngiti̱ ndajín tsijenna, ta̱ngatꞌanii̱ kui kjo̱a̱ni̱ma̱a̱, ¡jè kjima ti̱ka̱ má an, ta̱ngatꞌanii̱ ngayeje kondra̱na!

Xo̱jo̱n Salmoo̱ 69:3

Jè jenda an nga tsꞌénmíꞌá an nga tjín xí ko̱síko̱jona, jè tsiejénꞌón nga kixíjén na̱xo̱na. Jè tjísichjá má ndyikón án nga tsꞌénkoyàa̱ Néna.

Kjo̱a̱chaꞌaá 1:13

Ndeskande nkꞌa jàn katsangiyana ngo ndiꞌí xí ngaskande ńdana jachótꞌaa̱. Ngo chja̱ya̱ íjñá ndi̱yàna, kó kijíꞌoyá ngiñá an. Jè íjñámasien kjin kjinna, kó jmíni̱xtjin kjife kjo̱a̱ni̱ma̱ xi tsꞌénfoaꞌatio an.

Kjo̱a̱chaꞌaá 1:22

Ti̱ꞌin ji nga ngindyikin ji kjo̱chó ngayeje ni xi ndajín xi ndyi̱tsꞌèn. Kó bo̱a̱ ti̱ꞌinje̱ ji xikó kiniꞌínje̱ní án kjo̱a̱a̱ ngayeje jé xí katsꞌen an. ¡Achichí ni̱ma̱ tꞌíxián an, kó je mejeén kjiꞌme ini̱ma̱na!

Kjo̱a̱chaꞌaá 2:11

Ndyikón án, kjifotjoo̱ ndándyíkon xikoó ndejèꞌ, ¡kó achichí ni xi kjimaa̱ ngi̱jin yojona! Ini̱ma̱na, xikoó tsi kjima tsobeé, ta̱ngatꞌanii̱ nga je kiniꞌánkjié xota̱ na̱xi̱ńdáꞌniuú, ngayeje jákjíndií ko̱jo ndíndaa̱ je kjifesón bojó ki̱a̱ ndi̱yàtieé.

Lebitiko̱ 26:36

Kó kui xi kꞌuíndo ngasee̱, achichí ꞌniú kuindyiandikóo̱n ki̱a̱ nangii̱ kondraa̱ nínga síndo. Kó nga ku̱i̱ntꞌie̱é nga kꞌo̱ka ngo xka̱a̱ ngo yá, ko̱ngandikón xikótsꞌèn monga ngo xi ki̱cha̱ndojó tjimíyotji̱nginii̱, ¡ku̱i̱xo̱ kui xotaa̱ ndatsi jmíjín xi ndyi̱mongatji̱ngii̱!

Ndeuteronomio̱ 28:65

»Ki̱a̱ kui na̱xi̱ńdaá jmíni̱xtjin nga kꞌuiéjnú kjo̱a̱xió, ko̱jo nga ndatsꞌèn ku̱i̱ndyionjnú. Ta̱ soboá kjo̱a̱ndasen tsí xi kꞌuiéjnú, ngatꞌa̱ Néná boá xi sa̱ꞌín nga ta̱soboá ko̱nda̱konjnú nga ku̱i̱ndyionjnú, kó nde ngiti̱ jmí kjo̱a̱chiyá kꞌuiéjínjnú. Nga ni̱xtjin nga ni̱xtji̱e̱n nga ko̱nda̱konjnú, kó achichí ni xi chꞌokon xi xcha̱jnú nga ta̱jño̱ó, nga ngaskande ka̱mamejénjnú nga ta̱sá je ka̱majñó, kó nga ka̱majñoó ta̱sá ka̱mamejénjnú nga ni̱xtjin ka̱ma.