Kjo̱a̱chaꞌaá 5:1 - Xo̱jo̱n eén Néná

¹ Ji Ne, ngatjaꞌátsjiee̱n ni xi ndajín xi je kjindibániéjne̱, kó tsitsíjìi̱n kjo̱a̱soboá xi ndyi̱bitjatiójne̱.

Kjo̱a̱chaꞌaá 5:1 ပူးပေါင်းရင်းမြစ်များ

Joo̱b 10:9

Ngatjaꞌátsjiee̱n nga xikó má tsꞌén niꞌánda ngo ti̱jì bo̱a̱ má tsꞌén kiniꞌíndení, kó ngotꞌe̱ ꞌne̱ ńdie mejeén si̱ꞌin nginí.

Joo̱b 7:7

Ngatjaꞌátsjiee̱n ji Ne, nga kjo̱a̱mindyionna xikónií tsi ngo ndi̱yà chjondá, kó nga jè ngiti̱ skuiejín an ngase mí nii̱ bo̱a̱ ni xi ndaa̱.

Xo̱jo̱n Salmoo̱ 119:153

¡Tsitsíjìi̱n kjo̱a̱ni̱ma̱ xi tsꞌénfoaꞌatio an, kó ꞌna̱xiéꞌéní! ¡Tsꞌenchíyàjín an kjo̱a̱bokoyáa̱!

Xo̱jo̱n Salmoo̱ 74:18

Ji Ne, ngatjaꞌátsjiee̱n nga chꞌo katsoó kondra̱a̱, ko̱jo nga ngo xtín xota̱ na̱xi̱ńdá xí chꞌo katsoó jaꞌée̱n.

Xo̱jo̱n Salmoo̱ 79:12

Ji Ne, ti̱ꞌin ji nga kui xota̱ na̱xi̱ńdá xí síndotꞌajne̱, yito ndi̱yà bo̱a̱ kjiꞌi ngatꞌíchjí, kjo̱a̱a̱ kui ni xi ndajín xi katsꞌénjoo̱ ji.

Xo̱jo̱n Salmoo̱ 79:4

Xota̱ xi síndotꞌa na̱xi̱ńdá nínga tindyionjne̱ mojnókiejne̱, ¡kjo̱a̱soboá ko̱jo kjo̱a̱mojnóchaá xota̱ xi síndotꞌajne̱ kjimajne̱!

Kjo̱a̱chaꞌaá 1:11

Ngayeje xota̱ na̱xi̱ńdaá achichí ni̱ma̱ ndyi̱tsó nga ndyi̱mongase nichinie. Kó nichinie ndyi̱bosíkjoni ni xi ꞌniú chjí ngase xi tjiín, tsi̱ꞌe̱ nga kꞌuíndora ngase nga̱sondie. «¡Tsitsíjinní Ne, kó chꞌi̱e̱xki̱ ji kjo̱a̱ni̱ma̱ xi tsꞌénfoaꞌatio an!»

Kjo̱a̱chaꞌaá 1:20

¡Tsitsíjinní ji Ne, achichí ndasen kjimana! ¡Kó achichí ni xi kjimaa̱ yojona! ¡Jè ngiti̱ ndajín tikón ini̱ma̱na, xikoó tsi kjima tsobeé, ngatꞌa̱ tsintieꞌénjaán ji! Jàn jàn ndi̱tsén jàn, ki̱cha̱ndojó kiniꞌánkjiesónni ndína, kó kꞌi̱e̱ ngi̱yaa̱, kjo̱a̱bo̱yaa̱ je kui tsꞌénbotixómá.

Kjo̱a̱chaꞌaá 1:9

Xtjímasienkjaá boá xi je ndándí, kó katsꞌénkjójín ni xi ka̱maa̱ nga kju̱i̱e̱tꞌani. Achichí fíndikónna nga ni̱ma̱kjo̱a̱ ikꞌíjñá, kó nde jmíjín xi katsꞌéndajoo̱n. Ngotꞌe̱ ꞌne̱ bi̱ tsó: «Ji Ne, tsitsíjìi̱n kjo̱a̱ni̱ma̱na, ngatꞌa̱ achichí ngaꞌniú kisꞌie ngasee̱ kondraa̱»

Kjo̱a̱chaꞌaá 2:15

Ngayeje xota̱ xi jaꞌa kui ndi̱ya̱à, katsꞌéntsen má tsja nga tsajnókiee̱, ꞌbíxo̱bí má, ko̱jo tsꞌéntíyà maá to̱ko̱ nga mojnókiee̱, nga bi̱ tsó kjo̱a̱a̱ kui na̱xi̱ńdáꞌniú Jerusale̱n tsjakjiꞌii̱: A kuí bí kui na̱xi̱ńdáꞌniú xí achichí tsjákjiꞌi xi kjo̱a̱tsjaa̱ tꞌanangii̱, kiꞌmií.

Kjo̱a̱chaꞌaá 2:20

Ji Ne, ti̱ꞌinkjé jí kó tsitsíjìi̱n ꞌyání bo̱a̱ xi bo̱a̱ kiniꞌínje̱ ji. A chjiéngá ngayeje xi na̱aa̱n skji̱ni̱e̱ ndí xi̱xi̱i̱. A chjiéngá ki̱a̱ ndiꞌandikóo̱n si̱ꞌankꞌien chináꞌmii̱, ko̱jo chji̱ni̱e̱ꞌe̱én.

Kjo̱a̱chaꞌaá 3:19

Ngatjaꞌátsjiee̱n kjo̱a̱ndasenna ko̱jo kjo̱a̱ni̱ma̱ xi tsꞌénfoaꞌatio an, ko̱jo kjo̱a̱xtindana ko̱jo ni sa xi katseꞌéní.

Kjo̱a̱chaꞌaá 3:50

ngototo tsi Néná xí ni̱ma̱ ka̱maa̱ ji̱n kó skotsíjenjne̱ ndeskande ki̱a̱ ndiꞌakꞌajmii̱.

Kjo̱a̱chaꞌaá 3:61

Jè kandaꞌyé ji Ne, nga chꞌo ndyi̱tsóna, ko̱jo ngayeje ni xi ndyi̱ꞌbínda kondra̱ tsa̱ꞌa̱n.

Rkaa̱ 23:42

Kó kui nda̱a̱, bi̱ katsoó Kjisoo̱: –Ngatjaꞌátsjiee̱n an nga kꞌuítsꞌi̱yeníi̱ nga ko̱ti̱xome ji.