Kjo̱a̱chaꞌaá 4:16 - Xo̱jo̱n eén Néná

¹⁶ Nga katsꞌénxchán Néná, katsꞌéntsojoboa, kó ngiti̱ jmí xki̱ tsaꞌajín ngase. Ngiti̱ kamábendikónjín chináꞌmii̱, ti̱nde ni̱ma̱jín kamaá xota̱ xi xchaá.

Kjo̱a̱chaꞌaá 4:16 ပူးပေါင်းရင်းမြစ်များ

Jenesii̱s 49:7

¡Ngatꞌíko̱jonii̱ kjo̱a̱tamaá! ¡Ngatꞌíko̱jonii̱ kjo̱a̱xcha̱án! Án boá xi sa̱ꞌin an nga xota̱ tji̱e̱e̱ stso̱joboa ngayeje na̱xi̱ńdá Israee̱l.

Xo̱jo̱n Salmoo̱ 106:27

kó nga ko̱jo xota̱ tji̱e̱e̱ ti̱ sa̱ꞌínkjiesón nga, ko̱jo tsi sa̱ꞌíntsojoboa ngayeje nangi ko̱jo na̱xi̱ńdá.

Xo̱jo̱n Salmoo̱ 106:44

Néná kamábe nga achichí nda̱ kamaá, kó tsintꞌieé nga ni̱ma̱ ndyi̱tsó,

Kjo̱a̱chaꞌaá 2:20

Ji Ne, ti̱ꞌinkjé jí kó tsitsíjìi̱n ꞌyání bo̱a̱ xi bo̱a̱ kiniꞌínje̱ ji. A chjiéngá ngayeje xi na̱aa̱n skji̱ni̱e̱ ndí xi̱xi̱i̱. A chjiéngá ki̱a̱ ndiꞌandikóo̱n si̱ꞌankꞌien chináꞌmii̱, ko̱jo chji̱ni̱e̱ꞌe̱én.

Kjo̱a̱chaꞌaá 2:6

Katsꞌénkjatsón ndiꞌandikoón, xikó maá tsi ngo ndiꞌa ti̱ki̱e̱n nínga tjitjíe̱ nii̱, katsꞌénkjatsón ngi̱ndie nínga kamátikó xotaa̱. Néná boá xi katsꞌén nga ki̱a̱ na̱xi̱ńdáꞌniú Jerusalee̱n kiniꞌánchíyá sꞌué xí maa̱, ko̱jo ni̱xtjin ndikoón. Kó nga ꞌniú katsꞌénxchán, katsꞌénchꞌó nda̱ ree̱ ko̱jo chináꞌmii̱.

Kjo̱a̱chaꞌaá 5:12

Xota̱ xi ngito̱ko̱jne̱ tsja ikꞌítꞌaꞌniú nga ikjienboaꞌa, kó nde kamáyàndikónjín xota̱ xi xchájne̱.

Ndeuteronomio̱ 28:25

»Kjiꞌanga kji̱ndi̱bá kjánjo̱jnú kondra̱jnú, jún kꞌuíndondajnú jájúnjnú tsi̱ꞌe̱ nga skjánjo̱ kondraa̱, ta̱nga ta̱xkiya ku̱i̱yòjnú nga si̱ꞌanchajà yejejnú. Kó ngije jesónjnú ki̱a̱ kjoyójo yojojnú ki̱a̱ nga̱són tꞌanangii̱, kó nde ngojín xi ku̱i̱ꞌíchjaá nga cho̱ tamaá, ko̱jo cho̱ xi kjinie cho̱ siee̱n skji̱ni̱e̱ yojojnú. Nga sku̱i̱e̱ kui nii̱ xota̱ na̱xi̱ńdá xí ngasee̱, stsa̱kjonní.

Ndeuteronomio̱ 32:26

Ngaskande katsꞌenkjó án nga sa̱ꞌintsojoboa an nga kjín na̱xi̱ńdá sa̱ꞌinkjí an, kó nga nde ngojín xi sa̱ꞌínkjaꞌátsjien ngase.

Xota̱ Ebreo̱ 8:9

Kui kjo̱a̱ꞌbíndaa̱ jmí tsi bo̱a̱ kꞌuié xikoó kui xi katsꞌenjo̱ an xota̱ tji̱e̱ xchaá, kjiꞌanga iskjíbé án tsja nga tsꞌaxié an nangi Ejipto̱, ngatꞌa̱ kui xotaa̱ katsꞌénkjatjosónjín kjo̱a̱ꞌbínda xi tjoón, kó án índomasien an.