Kjo̱a̱chaꞌaá 2:19 - Xo̱jo̱n eén Néná

¹⁹ Ti̱sítji̱n ji, cheꞌeyé ji nga jñoó, kjiꞌanga ku̱i̱ꞌítsꞌi̱yanii̱ nga xchindà ni̱xtji̱e̱e̱n. Te̱ꞌéndiè ji nga skja̱ndá ini̱ma̱a̱ ngindyi̱ko̱n Néná, chjanínkꞌé ndse̱ ji nga chji̱e̱ꞌetjé ji jákjíndí xi̱xi̱i̱, kui xi kjifesón kjindiá ki̱a̱ nijon ndi̱yàtieé.

Kjo̱a̱chaꞌaá 2:19 ပူးပေါင်းရင်းမြစ်များ

Joo̱b 3:24

Kjo̱a̱foaꞌatsꞌíꞌoón boá xi ni chiniena, kó ndándyíkón án tjitjón xikó maá tsi ndáfoa.

Xo̱jo̱n Salmoo̱ 119:55

Ji Ne, kjiꞌanga jñoó chjiá an jaꞌée̱n, mejénna nga kjuíntjíngí an kjo̱a̱bokoyáa̱,

Xo̱jo̱n Salmoo̱ 134:2

¡Chjanínkꞌájnú ndsa̱jnú kjiꞌanga Néná ko̱ndókjo̱a̱jnúu̱! ¡Ki̱a̱ tsitsíjenjnú xtji̱e̱e̱n nínga tikón ṉchandikoón, kó ti̱ꞌantsjàjnúu̱ Néná!

Xo̱jo̱n Salmoo̱ 141:2

¡Ngatjachó énna xikoó ngo kjo̱a̱tjó xi sije̱n! ¡Kjininkꞌaá án ndsa̱ án xikoó tsi ngo kjo̱a̱tjó xi niꞌánkꞌasꞌien nga ma ngixoón!

Xo̱jo̱n Salmoo̱ 142:2

Kjiꞌanga ndasen tikòn an, jí xí xiyaa míkjo̱a̱a̱ nga ndasen tikòn an. Jè yé ji ni xi tsꞌen an. Tjín xí ndyi̱ꞌbíndona chja̱ya̱ nínga foaꞌa an.

Xo̱jo̱n Salmoo̱ 28:2

Ndaꞌyéní kjiꞌanga ni̱ma̱ xián án nga kuichjiaá, ko̱jo kjiꞌanga skjininkꞌa an ndsa̱ án ki̱a̱ xtji̱e̱e̱n nínga tikón ndiꞌandikón tsjièe̱.

Xo̱jo̱n Salmoo̱ 42:3

Ndándyíkón án boá xi kamá ni chiniena ko̱jo ni xi katsꞌe an nga ni̱xtjin ni̱xtji̱e̱n, tji̱e̱nga nga ngo ni̱xtjii̱n nga bi̱ kiꞌmína: «¡Ñá tikón Nèe̱ ngotꞌe̱ ꞌne̱!»

Xo̱jo̱n Salmoo̱ 42:4

Kjiꞌanga foaꞌátsjienna kui nii̱, achichí ndasen mana, kó foaꞌátsjienna kjiꞌanga kijí an ndi̱yà xí fí na̱ngo̱xi̱i̱ nga kistsoꞌbátjóo̱n xota̱ kjiín, foaꞌátsjienna sꞌué xí ꞌniuú, ko̱jo nga na̱xi̱ńdáa̱ askjandáyátsjá má nga katsꞌéntsjaà.

Xo̱jo̱n Salmoo̱ 42:8

Nga ni̱xtjii̱n Néná tsangiya kjo̱a̱ni̱ma̱takoón, kó nga jñoó kuintꞌièe̱ soó. Bi̱ tsꞌén chjiáa̱ Néná xí tsi̱ꞌe̱ kjo̱a̱mindyionna:

Xo̱jo̱n Salmoo̱ 62:8

Jún xota̱ na̱xi̱ńdá, ¡ngatsjéni̱xtjin ngatama ꞌniátakónjnú Néná! Tꞌíyájnú ngindyi̱ko̱n kui ngayeje ni xi tjíjin ini̱ma̱jnú. ¡Néná boá xi kónná!

Xo̱jo̱n Salmoo̱ 63:4

¡Nda kuichjiá an kjo̱a̱a̱ ji, tji̱e̱nga tikòn an nga̱sondie! ¡Ta̱ngatꞌanii̱ jaꞌée̱n nga skjininkꞌa an ndsa̱ án nga sa̱ꞌintsjaá!

Matioo̱ 14:25

Kó ngije ndibáꞌásie̱én, Kjisoo̱ kijíkoón kui jaá nga kistsoꞌbásón ndáchíkoón.

Markoo̱ 1:35

Ngo ndi̱yà nga achichí ta̱jñó, nga jñóyà ngasee̱, jastjíe̱n Kjisoo̱, kó kijí ngo ngi̱ndie tꞌaxín nga kijíchji̱a̱a̱ Néná.

Markoo̱ 13:35

Kuíni nga ti̱ndyiondajnú tsobo̱a̱, ngatꞌa̱ yàjínjnú mí ni̱xtjin nga kjo̱e̱ꞌe ndi̱a̱ xi tsi̱ꞌe̱ ndiꞌaa̱, tsi nga kjimajñoó, ko̱jo tsi nga masien ni̱xtji̱e̱n, ko̱jo tsi nga skja̱ndá xo̱nda̱xi̱ꞌii̱n, ko̱jo tsi nga ndibáꞌásie̱én,

Rkaa̱ 6:12

Kui ni̱xtjin jàn, Kjisoo̱ kijí ngo tji̱ngi̱ nga tsíchji̱a̱a̱ Néná, kó ki̱a̱ jaꞌaa̱ ngo ni̱xtji̱e̱n nga tsíchji̱a̱a̱ Néná.

1 Timoo̱ 2:8

Mejénna nga já xíꞌiín, nga ta̱jñàní nga ku̱i̱chji̱a̱a̱ Néná nga skjinínkꞌá tsja nga tsjietsꞌén kꞌuijñá ini̱ma̱a̱, kó nga sa̱ꞌínxchánjín, ti̱nde nga ku̱i̱chji̱a̱tijín nga bo̱a̱ sa̱ꞌín.