Kjo̱a̱chaꞌaá 1:20 - Xo̱jo̱n eén Néná

²⁰ ¡Tsitsíjinní ji Ne, achichí ndasen kjimana! ¡Kó achichí ni xi kjimaa̱ yojona! ¡Jè ngiti̱ ndajín tikón ini̱ma̱na, xikoó tsi kjima tsobeé, ngatꞌa̱ tsintieꞌénjaán ji! Jàn jàn ndi̱tsén jàn, ki̱cha̱ndojó kiniꞌánkjiesónni ndína, kó kꞌi̱e̱ ngi̱yaa̱, kjo̱a̱bo̱yaa̱ je kui tsꞌénbotixómá.

Kjo̱a̱chaꞌaá 1:20 ပူးပေါင်းရင်းမြစ်များ

Joo̱b 30:27

Ngatsjéni̱xtjin nga achichí ni xi kjimaa̱ ini̱ma̱na, ngatꞌa̱ ndyiojón ndyiojón tsie kjo̱a̱ni̱ma̱ tsꞌénfoaꞌatio an.

Joo̱b 33:27

Kósꞌe̱ bi̱ ka̱tso̱o̱ ngayeje xota̱ nga̱sondiee̱: “Ndatsi katsꞌenjé án, kó kixi̱jín kamá an, ta̱nga Néná katsꞌénjéjínna xikótsꞌèn tsoboána katsaki.

Xo̱jo̱n Salmoo̱ 22:14

Xikó má maá ndáfoaa̱ nga tjon, bo̱a̱ má kjimana, ngayeje ńdana je jatjokjo, ini̱ma̱na je kjimańdá ngi̱ya jàn xikó maá ngo sién.

Xo̱jo̱n Salmoo̱ 38:8

Jè kamáꞌinda an, kó achichí jè onna, ni̱ma̱ tꞌíxián an, ta̱ngatꞌanii̱ ni xi kjimaa̱ ini̱ma̱na.

Énkjínkón 28:13

Xi ꞌbíꞌmá jé xi tsꞌén, jmíni̱xtjin nda ko̱e̱je̱e̱, ta̱nga kui xi ka̱tso̱yaa̱, kó ngiti̱ sa̱ꞌínjéjín, kuí boá xi sa̱ko̱ó kjo̱a̱jetakoón Néná.

Kjo̱a̱chaꞌaá 1:11

Ngayeje xota̱ na̱xi̱ńdaá achichí ni̱ma̱ ndyi̱tsó nga ndyi̱mongase nichinie. Kó nichinie ndyi̱bosíkjoni ni xi ꞌniú chjí ngase xi tjiín, tsi̱ꞌe̱ nga kꞌuíndora ngase nga̱sondie. «¡Tsitsíjinní Ne, kó chꞌi̱e̱xki̱ ji kjo̱a̱ni̱ma̱ xi tsꞌénfoaꞌatio an!»

Kjo̱a̱chaꞌaá 1:18

Néná kixi̱ boá, án boá xi tsintꞌieꞌénjáa̱n eén. ¡Ndaꞌyájnúꞌun ngotꞌe̱ ꞌne̱ jún xota̱ na̱xi̱ńdá! ¡Tsitsíjenjnúu̱ kjo̱a̱ni̱ma̱ xi tsꞌénfoaꞌatio an! Ínchjín ko̱jo i̱xti xo̱ngòna, kondraa̱ je kijíjo̱ꞌniú.

Kjo̱a̱chaꞌaá 1:8

Achichí ꞌniú jé xí katsꞌén na̱xi̱ńdáꞌniú Jerusalee̱n, kuíni nga ngiti̱ tsjiejín je kamá. Nga jè xikoó tsi kjiꞌixtí ngotꞌe̱ ꞌne̱, xota̱ xi kamábendikón ngasꞌe̱, je katsꞌénchꞌó, ngatꞌa̱ je kamábe kjo̱a̱soboaá. Ngaskande kui soboá maá, kó ngiti̱ tsja̱ajín kje̱n.

Kjo̱a̱chaꞌaá 1:9

Xtjímasienkjaá boá xi je ndándí, kó katsꞌénkjójín ni xi ka̱maa̱ nga kju̱i̱e̱tꞌani. Achichí fíndikónna nga ni̱ma̱kjo̱a̱ ikꞌíjñá, kó nde jmíjín xi katsꞌéndajoo̱n. Ngotꞌe̱ ꞌne̱ bi̱ tsó: «Ji Ne, tsitsíjìi̱n kjo̱a̱ni̱ma̱na, ngatꞌa̱ achichí ngaꞌniú kisꞌie ngasee̱ kondraa̱»

Kjo̱a̱chaꞌaá 2:11

Ndyikón án, kjifotjoo̱ ndándyíkon xikoó ndejèꞌ, ¡kó achichí ni xi kjimaa̱ ngi̱jin yojona! Ini̱ma̱na, xikoó tsi kjima tsobeé, ta̱ngatꞌanii̱ nga je kiniꞌánkjié xota̱ na̱xi̱ńdáꞌniuú, ngayeje jákjíndií ko̱jo ndíndaa̱ je kjifesón bojó ki̱a̱ ndi̱yàtieé.

Kjo̱a̱chaꞌaá 5:16

Jè ngiti̱ ji̱njín xi botíxomajne̱. ¡Ni̱ma̱ xò ji̱n, ta̱ngatꞌanii̱ nga kiniꞌánjéjne̱!

Ndeuteronomio̱ 32:25

Ngi̱ya ndi̱yàtié si̱ꞌankꞌien ndíjnú, kó ngayeje xtín xota̱ xi sku̱i̱e̱ kui ni chꞌokjiꞌii̱, nga ko̱yà xota̱ xi xchaá, já xo̱ngo̱ò ko̱jo jákjíndií.