Juaa̱ 9:7 - Xo̱jo̱n eén Néná

⁷ kó bi̱ katsoó: –Tꞌenkaníjín ndyikin nínga tikón ti̱xa̱ je xi ndyi̱a̱ ndáfoa xi tikón Siloe̱ (xi kanangiyaa̱, tsó kui eén nga én arameo̱). Kijí kui nda̱a̱, kó aniéjón ndyi̱ko̱n, kó nga jachó nginí, je kamátsijee̱n.

Juaa̱ 9:7 ပူးပေါင်းရင်းမြစ်များ

Xo̱jo̱n Salmoo̱ 146:8

Néná boá xi tsꞌentsíjen nginií xota̱ xi ti̱ka̱a̱, kó tsꞌénkjastjíe̱n nginí xi ngindie jàn kjiyojotꞌa, kó tsꞌéntjó xota̱ xi kixi̱i̱.

Éksondo̱ 4:11

Kó Néná bi̱ katsoó: —Ndaꞌyéní Moisee̱, ¡Án boá xi sa̱ꞌinkíchji̱a̱a̱ ko̱jo tsi sa̱ꞌinkíchji̱a̱jaán! ¡Án boá xi sa̱ꞌin an nga ko̱nda̱ꞌyé ji, ko̱jo tsi ko̱nda̱ꞌyéjín ji! ¡Án boá xi sa̱ꞌintsijeen ko̱jo tsi ka̱matsijenjiín!

Matioo̱ 11:5

tꞌíni̱jmìjnúu̱ nga xota̱ xi ti̱ka̱a̱ je kamátsijee̱n, xi ni̱ma̱ see̱ je ma fí, xi tjiín chiꞌin xi tsꞌénkjátsón tji̱xin yojoná je kamándaya, xi xtiyaa̱ je tsintꞌié, xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.

Rkaa̱ 13:4

Axa̱ a beriítakónjnú nga xota̱ xi tjiꞌún ján xi jesón nga tsꞌákanieé tarié ki̱a̱ Siloe̱ nga tsie ngase jé kisꞌiee̱, ta̱bo̱a̱jiín ngayeje xota̱ xi chji̱a̱ni na̱xi̱ńdáꞌniú Jerusale̱n.

Rkaa̱ 2:32

kui xi xikoó ngo ndiꞌí xí sa̱ꞌíntsijee̱n xota̱ xi jundío̱jín, kui xi ka̱ma kjo̱a̱jee̱ xota̱ na̱xi̱ńdáa̱ Israee̱l.

Juaa̱ 10:36

míkjo̱a̱a̱ nga kui nda̱ xi Néná xí Na̱ꞌmii̱ katsꞌéntsjie ko̱jo katsangiya kui nga̱sondiee̱, jún bi̱ ndyi̱ꞌmìjnúu̱: “Néná chꞌo tsoó”, ngatꞌa̱ bi̱ kixian an, nga an xi ndií Néná.

Juaa̱ 11:37

Kó tjín kuí xotaa̱ xi bi̱ katsó: –Kui nda̱a̱ xi katsꞌéntsijee̱n ndyi̱ko̱n ngo nda̱ xi ti̱ka̱, kó a kamájínrií katsꞌéndaya tsi̱ꞌe̱ nga kꞌienjín Laá.

Juaa̱ 9:11

Sꞌe̱ bi̱ katsó kui nda̱a̱: –Kui nda̱ xi ꞌmí Kjisoo̱ katsꞌénda ndáse, sꞌe̱ katsangijon ndyikón án, kó bi̱ katsóna: “Tꞌen ji Siloe̱, kó taníjín ji ndyikin”, kó kijí an, kó aniejón an ndyikón án, kó kamátsijenna.

Juaa̱ 9:39

Sꞌe̱ Kjisoo̱, bi̱ katsó: –Jéꞌe̱ án kui nga̱sondiee̱ tsi̱ꞌe̱ nga xcha̱ jeé xotaa̱ kui nga̱sondiee̱, tsi̱ꞌe̱ nga xi ti̱ka̱a̱ ka̱matsijee̱n, kó xi tsijee̱n ka̱mati̱ka̱.

Ni xi kamá 26:18

tsi̱ꞌe̱ nga chjáxꞌé jí ndyi̱ko̱n, kó ngiti̱ nínga jñójín kꞌuitsómá ngase, ta̱sá nínga tsijen ngatꞌítso̱ma, tsi̱ꞌe̱ nga ngiti̱ kuijín ngaꞌniuú xindajín Satanaa̱ kꞌuitsómátji̱ngii̱, nga ta̱sá Néná ngatꞌítso̱matji̱ngii̱, tsi̱ꞌe̱ nga sꞌijii̱n an, kó sa̱ko̱ó kjo̱a̱niꞌánjetakoón jeé, ko̱jo kui ngi̱ndie xi katsó Néná nga tsja̱á xota̱ xi je katsꞌéntsjie yojoo̱.”

Xota̱ Roma̱ 8:3

Ngatꞌa̱ Néná xí kamaá katsꞌén ni xi kamájiín katsꞌén kjo̱a̱kitii̱ Moisee̱, ngatꞌa̱ kjo̱a̱kitii̱ jmí ngaꞌniú kisꞌiejiín nga tsꞌaxiéꞌá xota̱ nga̱sondiee̱ ngatꞌa̱ inda kamá xotaa̱. Ta̱nga Néná katsangiya ndií nga xikoó ñá kamá, kó nga ta̱ngatꞌanii̱ jéná nga kꞌien, kó kui íchjí tsi̱ꞌe̱ nga Néná sa̱ꞌínkjié jeé xota̱ nga̱sondiee̱.

Xota̱ Ngalasia̱ 4:4

Ta̱nga nga jatjosón kui ni̱xtjii̱n, Néná katsangiya ndií, xi ngo xota̱chjo̱on katsennii̱, kó kui ndií kjo̱a̱kitii̱ tikónjin ndeskande koó nga katsen,