Juaa̱ 9:5 - Xo̱jo̱n eén Néná

⁵ Tji̱e̱nga tikòn an kui nga̱sondiee̱, án boá xi ndiꞌií kui nga̱sondiee̱.

Juaa̱ 9:5 ပူးပေါင်းရင်းမြစ်များ

Matioo̱ 4:16

Xota̱ xi kisꞌińdo jñoó, je kamábe ngo ndiꞌí xí je, ngo ndiꞌí je katsꞌéntsijee̱n ngayeje xota̱ xi kisꞌińdojñójo̱ kjo̱a̱bo̱yaa̱.

Matioo̱ 5:14

Jún xí xikoó ndiꞌií nga̱sondiee̱. Ngo na̱xi̱ńdá xí tikón nga̱soón ngo tji̱ngi̱, ka̱májín kꞌuijñáꞌmá.

Rkaa̱ 2:32

kui xi xikoó ngo ndiꞌí xí sa̱ꞌíntsijee̱n xota̱ xi jundío̱jín, kui xi ka̱ma kjo̱a̱jee̱ xota̱ na̱xi̱ńdáa̱ Israee̱l.

Juaa̱ 12:46

Án xí jéꞌe̱ an xikoó ndiꞌií kui nga̱sondiee̱, tsi̱ꞌe̱ nga ngayeje xi sꞌi̱jii̱n an, kꞌuijñájñójín.

Juaa̱ 8:12

Ti̱ ingo ndi̱yà tsíchji̱a̱jo nginí Kjisoo̱ xotaa̱, nga bi̱ katsoó: –Án boá ndiꞌí xí tsꞌentsíjee̱n xotaa̱ kui nga̱sondiee̱, xi ko̱e̱je̱tji̱ngina jmíni̱xtjin nga nínga jñó kjótsoꞌbá, ngatꞌa̱ kꞌuiérií ndiꞌí xí tsjá kjo̱a̱mindyioo̱n.

Ni xi kamá 13:47

Ngatꞌa̱ bo̱a̱ tsꞌén katsangiyajne̱ Ndi̱a̱ná, nga bi̱ katsó: Ijñáñaá xikoó ngo ndiꞌí tsi̱ꞌe̱ ngayeje xota̱ xi tjín nga̱sondiee̱, tsi̱ꞌe̱ nga kꞌuiyée̱ kótsꞌèn kꞌoxiéꞌá an xota̱ xi síndo ngayeje són tꞌanangii̱.

Ni xi kamá 26:18

tsi̱ꞌe̱ nga chjáxꞌé jí ndyi̱ko̱n, kó ngiti̱ nínga jñójín kꞌuitsómá ngase, ta̱sá nínga tsijen ngatꞌítso̱ma, tsi̱ꞌe̱ nga ngiti̱ kuijín ngaꞌniuú xindajín Satanaa̱ kꞌuitsómátji̱ngii̱, nga ta̱sá Néná ngatꞌítso̱matji̱ngii̱, tsi̱ꞌe̱ nga sꞌijii̱n an, kó sa̱ko̱ó kjo̱a̱niꞌánjetakoón jeé, ko̱jo kui ngi̱ndie xi katsó Néná nga tsja̱á xota̱ xi je katsꞌéntsjie yojoo̱.”

Ni xi kamá 26:23

Nga Kristoo̱ chjiéngá ko̱yà, ta̱nga jaskan ngije kꞌien, kuí xí tjón ka̱ma nga kjo̱a̱ꞌáꞌyaá, kó nga kuí xí ku̱i̱ꞌíni̱jmì kjo̱a̱a̱ ndiꞌií, tsi̱ꞌe̱ nga kjo̱tjoꞌaa̱ yojoo̱ xota̱ na̱xi̱ńdaá ko̱jo xota̱ xi jundío̱jiín.

Xota̱ Éfeso̱ 5:14

Kuíni nga bi̱ tsꞌén tjítꞌa xo̱jo̱n eén Néná: Ti̱ꞌinkjeꞌée̱ yojòo̱, ji xi titsjafé ji, kó ti̱sítji̱n ji ngi̱jii̱n xota̱ xi je jesoón, tsi bo̱a̱ si̱ꞌin ji, Kristoo̱ xí sa̱ꞌíntsijeen.

Ni xi akakoo̱ 21:23

Kó kui na̱xi̱ńdáꞌniuú jmí tsꞌué ti̱nde jmí sá chjiénjiín xi sa̱ꞌíntsijee̱n, ngatꞌa̱ ndiꞌií kjo̱a̱jee̱ Néná xí tjítsꞌéntsíjee̱n, kó cho̱tsa̱nga̱a̱ boá xi ndiꞌí xí tsꞌentsíjee̱n.