Juaa̱ 9:39 - Xo̱jo̱n eén Néná

³⁹ Sꞌe̱ Kjisoo̱, bi̱ katsó: –Jéꞌe̱ án kui nga̱sondiee̱ tsi̱ꞌe̱ nga xcha̱ jeé xotaa̱ kui nga̱sondiee̱, tsi̱ꞌe̱ nga xi ti̱ka̱a̱ ka̱matsijee̱n, kó xi tsijee̱n ka̱mati̱ka̱.

Juaa̱ 9:39 ပူးပေါင်းရင်းမြစ်များ

Matioo̱ 11:5

tꞌíni̱jmìjnúu̱ nga xota̱ xi ti̱ka̱a̱ je kamátsijee̱n, xi ni̱ma̱ see̱ je ma fí, xi tjiín chiꞌin xi tsꞌénkjátsón tji̱xin yojoná je kamándaya, xi xtiyaa̱ je tsintꞌié, xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.

Matioo̱ 15:14

Xióchònjnú kui xotaa̱, xota̱ ti̱ka̱ xi tjimátjoón kje̱ꞌe xota̱ ti̱ka̱ boá, kó tsi ngo nda̱ xi ti̱ka̱ tsꞌénbokoó ndi̱yà ingo nda̱ xi ti̱ka̱, a mí tsí nga joó nga ku̱i̱xo̱ya ngo ti̱xa̱.

Matioo̱ 6:23

ta̱nga tsi ndajín ndyikin ji, ngayeje yojòo̱ nga kꞌuijñájñó. Kó tsi tíjín ndiꞌí xí tjiín yojòo̱, achichíra̱ ꞌniú jñó ka̱maa̱.

Rkaa̱ 1:79

Tsi̱ꞌe̱ nga tsja̱á ndiꞌí ngayeje xota̱ xi síndo nínga ꞌniú jñoó, ko̱jo nínga tjín kjo̱a̱bo̱yaa̱, tsi̱ꞌe̱ nga kui xi ko̱ko̱ó ndsa̱ko ngo ndi̱yà nínga tjín kjo̱a̱xió.

Rkaa̱ 13:30

Kó nga ki̱a̱a̱, xota̱ xi kju̱i̱e̱tꞌaa̱, kui xi tjón ka̱ma, kó xi tjoón kui xi kju̱i̱e̱tꞌa ka̱ma.

Rkaa̱ 2:34

Kó nda̱ xi ꞌmí Simeoo̱n katsꞌénchikonñé, kó bi̱ katsoó na̱ Riyaa̱ na̱aa̱n ndí Kjisoo̱: –Kui ndí bí, jè bo̱a̱ tsꞌén kjindibáni nga kui xi sa̱ꞌínkꞌáka ko̱jo sa̱ꞌínkjaꞌáꞌyaá kjín xota̱ xi chji̱a̱ni Israee̱l. Ngatꞌa̱ kuí xí xikoó tsi ngo chi̱bo̱a̱ ka̱ma, kó kjín xota̱ xi sa̱ꞌínchꞌó,

Rkaa̱ 4:18

A̱si̱énni̱xtjii̱n Ndi̱a̱a̱ tikónjinna, ngatꞌa̱ jè katsjáxána, tsi̱ꞌe̱ nga an xi kꞌuini̱jmìi̱ éntjatsi̱e̱e̱ ngayeje xota̱ ni̱ma̱, katsangiyana nga sa̱ꞌindaya an xota̱ xi oo̱n ini̱ma̱a̱, ko̱jo nga xiyàa̱ nga je kꞌuitsómandé xota̱ xi ndyi̱a̱ꞌya ndo̱bo̱a̱yà ko̱jo nga tsjàa̱ nga ka̱matsijee̱n xota̱ xi ti̱ka̱, ko̱jo nga kꞌuindondé án xota̱ xi ndajín tjíniꞌánjo̱,

Rkaa̱ 7:21

Ti̱ kuii̱ chi̱bo̱a̱ Kjisoo̱ achichí má xota̱ xi katsꞌéndaya chiꞌin xi tjiín, ko̱jo xi kjo̱a̱ni̱ma̱ ndyi̱foaꞌatio, kó tsꞌaxié a̱siénni̱xtjin xi ndajín xi tjíjii̱n xotaa̱, kó kjín má xota̱ xi ti̱ka̱ xi katsꞌéntsijee̱n.

Juaa̱ 12:31

Ngotꞌe̱ boá ꞌne̱ nga Néná tsꞌéntsáyà tsi nda ko̱jo tsi ndajín tjítsꞌén xindajín kui xi botixómaá kui nga̱sondiee̱, kó ndi̱tsén jàn je ko̱ꞌna̱xié.

Juaa̱ 12:46

Án xí jéꞌe̱ an xikoó ndiꞌií kui nga̱sondiee̱, tsi̱ꞌe̱ nga ngayeje xi sꞌi̱jii̱n an, kꞌuijñájñójín.

Juaa̱ 3:17

Ngatꞌa̱ Néná jmí tsi katsangiya ndií kui nga̱sondiee̱ tsi̱ꞌe̱ nga sa̱ꞌínjeé xotaa̱, katsangiya tsi̱ꞌe̱ nga kui ndií xi kꞌo̱xiéꞌá xotaa̱.

Juaa̱ 3:19

Ta̱ngatꞌanii̱ kui nii̱ nga ka̱majéná: Ngatꞌa̱ ndiꞌií jeꞌe kui nga̱sondiee̱, ta̱nga xotaa̱ tjó ngase kamaá kjo̱a̱jñoó ta̱bo̱a̱jiín ndiꞌií, ngatꞌa̱ ndajínkjiꞌi ni xi katsꞌén kui xotaa̱.

Juaa̱ 8:12

Ti̱ ingo ndi̱yà tsíchji̱a̱jo nginí Kjisoo̱ xotaa̱, nga bi̱ katsoó: –Án boá ndiꞌí xí tsꞌentsíjee̱n xotaa̱ kui nga̱sondiee̱, xi ko̱e̱je̱tji̱ngina jmíni̱xtjin nga nínga jñó kjótsoꞌbá, ngatꞌa̱ kꞌuiérií ndiꞌí xí tsjá kjo̱a̱mindyioo̱n.

Juaa̱ 8:15

Jún bo̱a̱ ndyi̱ꞌmìjnú, tsi nda ko̱jo tsi ndajín ndyi̱tsꞌèn xotaa̱, xikoó ngo xota̱ nga̱sondie, ta̱nga an nde ngojín xi xian an tsi nda ko̱jo tsi ndajín ndyi̱tsꞌèn.

Juaa̱ 9:25

Sꞌe̱ bi̱ katsó nda̱ xi kamáti̱ka̱a̱: –Tsi nda̱jé, bejín an, ta̱ ngo tsi ni xi be an, nga ti̱ka̱ kamá an ngasꞌe̱, kó ngotꞌe̱ ꞌne̱ jè kamátsijenna.

Ni xi kamá 26:18

tsi̱ꞌe̱ nga chjáxꞌé jí ndyi̱ko̱n, kó ngiti̱ nínga jñójín kꞌuitsómá ngase, ta̱sá nínga tsijen ngatꞌítso̱ma, tsi̱ꞌe̱ nga ngiti̱ kuijín ngaꞌniuú xindajín Satanaa̱ kꞌuitsómátji̱ngii̱, nga ta̱sá Néná ngatꞌítso̱matji̱ngii̱, tsi̱ꞌe̱ nga sꞌijii̱n an, kó sa̱ko̱ó kjo̱a̱niꞌánjetakoón jeé, ko̱jo kui ngi̱ndie xi katsó Néná nga tsja̱á xota̱ xi je katsꞌéntsjie yojoo̱.”

2 Xota̱ Korinto̱ 2:16

Kui xota̱ xi tjichájaá, ji̱n xikónií tsi je̱n kjo̱a̱bo̱ya kjimaa̱ ji̱n, ta̱nga kui xota̱ xi fotjoꞌaa̱, ji̱n xí xikoó ngo nisije̱n xi tsjá kjo̱a̱mindyioo̱n kjimaa̱. Kó kjo̱a̱a̱ kui nii̱, ꞌyá xí tjiín ngaꞌniú nga ka̱maa̱ sa̱ꞌín kui xaá.

Xota̱ Éfeso̱ 5:14

Kuíni nga bi̱ tsꞌén tjítꞌa xo̱jo̱n eén Néná: Ti̱ꞌinkjeꞌée̱ yojòo̱, ji xi titsjafé ji, kó ti̱sítji̱n ji ngi̱jii̱n xota̱ xi je jesoón, tsi bo̱a̱ si̱ꞌin ji, Kristoo̱ xí sa̱ꞌíntsijeen.

2 Xota̱ Tesalónika̱ 2:10

Kó ngayeje to̱ko̱ya ni xi ndajín sa̱ꞌínkjién, tsi̱ꞌe̱ nga kꞌo̱ṉcha̱jo kui xota̱ xi xcha̱jaa̱, ngatꞌa̱ kamámejénjiín nga katsꞌénjo̱ꞌo, ko̱jo katsꞌéntjó ni xi ja̱koxi̱i̱, tsi̱ꞌe̱ nga sa̱ko̱ó kjo̱a̱ꞌnaxiéꞌaá katsaki.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

1 Xo̱jo̱o̱n Juaa̱ 2:11

Ta̱nga xi chꞌoo̱ xota̱ xi ngasee̱, ngi̱jin nínga jñoó boá nínga tikón, kó nínga jñoó boá nínga tsoꞌbá, kó nde bejín nínga tsꞌénfí, ngatꞌa̱ kui kjo̱a̱jñoó jè katsꞌénti̱ka̱.