Juaa̱ 9:29 - Xo̱jo̱n eén Néná

²⁹ Jè yàjne̱ ji̱n nga Néná tsíchji̱a̱jo Moisee̱, ta̱nga kjo̱a̱a̱ kuii̱ yàjínjne̱ ñá kjindibáni.

Juaa̱ 9:29 ပူးပေါင်းရင်းမြစ်များ

Xo̱jo̱n Salmoo̱ 103:7

Moisee̱ ko̱jo xota̱ Israee̱l, katsóyaà ni xi índa ko̱jo ni xi tsíꞌaá nga sa̱ꞌín kui xotaa̱.

Xo̱jo̱n Salmoo̱ 105:26

Kósꞌe̱ Néná katsangiyajne̱ Moisee̱ ko̱jo Aaroo̱n, kui moso̱ xi ꞌniú tjó ngasee̱,

Xo̱jo̱n Salmoo̱ 106:16

Kjiꞌanga kisꞌińdo ki̱a̱ nangi kixií, kui xota̱ xi ki̱a̱ kijítji̱ngii̱ Ndataa̱n ko̱jo Abiraa̱n, kamáchi̱ni̱ kjo̱a̱a̱ Moisee̱, kó ti̱ kamáchi̱ni̱ kjo̱a̱a̱ Aaroo̱n nga, kui nda̱ xi ji kachjeꞌéjin ji, ta̱nga katjoxꞌá tꞌanangii̱, kó katjéjén kui xota̱ kitikjo̱a̱a̱,

Xo̱jo̱n Salmoo̱ 22:6

Ta̱nga an, xikónií tsi ngo chi̱ndo an, kó jmí tsi xota̱ an. Kjo̱a̱mojnóchaá xotaa̱ boá an, kó ngayeje xota̱ na̱xi̱ńdaá chꞌoo̱ an.

Xki̱ 16:28

Kósꞌe̱ Moisee̱ bi̱ katsoó: «Ngotꞌe̱ má xcha̱jnú nga ta̱ ni xi botixómá tsí Néná xí fitji̱ngi an, kó jmí tsi ni xi mejénna an xi tsꞌen an.

Matioo̱ 12:24

Ta̱nga nga tsintꞌié kuí nii̱ já fariseoo̱, bi̱ katsó: –Kui nda̱a̱ nga ꞌboxié a̱si̱énni̱xtjii̱n xindajín, ngaꞌniuú ngito̱ko̱o̱ xindajín xi ꞌmí Belsebuu̱ xí tsꞌénkjién.

Matioo̱ 26:61

xi bi̱ katsó: –Kuí nda̱a̱ xi bi̱ katsó: «Ka̱mana sa̱ꞌinkixóndó án na̱ngo̱xi̱i̱ Néná, kó ján tsí ni̱xtjin sa̱ꞌinda ngiñá an kje̱ꞌe.»

Rkaa̱ 23:2

Kó ítsꞌi̱yanii̱ xotaa̱ nga yíngítaꞌin, nga bi̱ katsó: –Kui nda̱a̱ kamáyàjne̱ nga indyiátsobeé xota̱ na̱xi̱ńdaá, kó íchjaá xotaa̱ tsi̱ꞌe̱ nga ku̱i̱ꞌíchjíjiín to̱n xi machjítjé ni nda̱ xtitjón Sesaa̱, kó kandaꞌyájne̱ nga kuí xò xí Kristoo̱, ngo nda̱ re, katsó.

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Juaa̱ 7:27

Ta̱nga kui nda̱a̱ jè ya ñá, ñání chji̱a̱ni, ta̱nga nga kjo̱e̱ꞌe Kristoo̱, ta̱ꞌyajín xi sku̱i̱e̱ ñání kjindibáni.

Juaa̱ 7:28

Sꞌe̱ Kjisoo̱ nga tsꞌénbokoyá na̱ngo̱xi̱i̱, ꞌniú tsíchji̱a̱ nga bi̱ katsó: –Jún jè yàjnúꞌun, kó yàjnú ñá chji̱a̱ni an, ta̱nga jmí tsi kjo̱a̱a̱ an nga jéꞌe̱ an, jéꞌe̱ án kjo̱a̱a̱ nga ja̱koxi̱ xí katsangiyana, kui xi yàjínjnú jún.

Juaa̱ 8:14

Sꞌe̱ Kjisoo̱, bi̱ katsó: –Ndatsi ti̱ an xi tsꞌen an chistiko̱ yojona kjo̱a̱a̱ an, chjírií ni xi xian an, ngatꞌa̱ be án ñá kjindibáni an, ko̱jo ñání tsꞌénfí an, ta̱nga jún yàjínjnú ñá kjindibá an, kó ñá tsꞌénfí an.

Juaa̱ 9:16

Sꞌe̱ tjín já fariseoo̱, xi bi̱ katsó: –Nénájín xi katsangiya kui nda̱a̱, ngatꞌa̱ bendikónjín ni̱xtjin ndikoón. Kje̱ꞌe xí bi̱ katsó: –Kótsꞌèn nga maa̱ tsꞌén ngo kjo̱a̱ndikón ngo nda̱jé. Kó ndse̱je̱njín kamá ni xi tsíchji̱a̱ kui jaá.

Juaa̱ 9:24

Sꞌe̱ kandokjo̱a̱ nginií nda̱ xi kamáti̱ka̱a̱ xi je kamándayaa̱, kó bi̱ kiꞌmií: –Te̱ꞌée̱ kjo̱a̱je Néná, ji̱n je yàjne̱ nga kui nda̱a̱ nda̱jé boá.

Juaa̱ 9:30

Sꞌe̱ bi̱ katsó kui nda̱a̱: –Ja̱ ki̱a̱ tikón ngo ni xi fíndikónná, nga jún yàjínjnú ñá kjindibáni kui, kó án ndyikón án katsꞌéntsijee̱n.

Ni xi kamá 22:22

Kó ngaskande kꞌi̱e̱ tji̱e̱n jachó nga tsíchji̱a̱ Pabloo̱, sꞌe̱ ítsꞌi̱yanii̱ nga askjandáyà má xota̱ na̱xi̱ńdaá, nga bi̱ katsó: –¡Kui nda̱a̱ chjiénjín nga kꞌuijñá ngase! ¡Ta̱sá ti̱ꞌankꞌiènjnú, ngiti̱ mejénjínjne̱ xcha̱ ji̱n nga kꞌuijñá ngase!

Ni xi kamá 26:22

Ta̱nga ta̱ngatꞌanii̱ nga Néná asíko̱jona kuíni nga kixi̱ tikòn an ngotꞌe̱, nga tsꞌénchji̱a̱jo an kjo̱a̱a̱ ndi̱ya̱à Néná ngayeje xota̱, xi xchá xí kjindí, jmíni̱xtjin nga kje̱ꞌe ni xi tsꞌénchji̱a̱jo an kjo̱a̱a̱ ni xi tsíchji̱a̱ já chji̱ni̱e̱ꞌe̱én Néná, ko̱jo Moisee̱ nga tsíchji̱a̱ kjo̱a̱a̱ ni xi ka̱ma:

Ni xi kamá 7:35

Ngatꞌa̱ kuí Moise̱ xi̱ꞌbi̱, xi katsꞌénmejénjín kui jaá nga bi̱ katsó: “ꞌYá xí katsjaá xá nga ji xi ko̱ti̱xome ko̱jo tsi ji xi nendiꞌamasien katsꞌeén.” Néná boá xi katsangiya kui nda̱a̱ nga xá, ko̱jo nga kui xi sa̱ꞌíndéjnú xikó katsoó kui ndítsjie xi kamábe ngi̱jii̱n yásarsaa̱.

Ndeuteronomio̱ 34:10

Jmí ni̱xtjin kisꞌie ingo nda̱ chji̱ni̱e̱ꞌén xí xikoó Moisee̱, kui nda̱ xi tíkje̱n tíkje̱n tsíchji̱a̱jo Néná.

Xota̱ Ebreo̱ 1:1

Ni̱xtjin xcháján, Néná kjín ndi̱yà ko̱jo ja̱ kje̱ꞌe ja̱ kje̱ꞌe tsꞌén tsíchji̱a̱jo xota̱ xi xcháná nga katsꞌénkjién já chji̱ni̱e̱ꞌe̱én.

Xota̱ Ebreo̱ 1:2

Kó ngotꞌe̱ ꞌne̱, kui ni̱xtjin xi kjifetꞌaa̱, Néná katsangiya ndií, kó kuí xí katsꞌénkjién nga tsíchji̱a̱joná, kó kuí boá xi katsꞌénkꞌasꞌiee̱n ngayeje nii̱, ko̱jo ta̱ngatꞌanii̱ kui nga Néná katsꞌénda ngayeje nga̱sondiee̱ ko̱jo ndiꞌakꞌajmii̱.