Juaa̱ 9:16 - Xo̱jo̱n eén Néná

¹⁶ Sꞌe̱ tjín já fariseoo̱, xi bi̱ katsó: –Nénájín xi katsangiya kui nda̱a̱, ngatꞌa̱ bendikónjín ni̱xtjin ndikoón. Kje̱ꞌe xí bi̱ katsó: –Kótsꞌèn nga maa̱ tsꞌén ngo kjo̱a̱ndikón ngo nda̱jé. Kó ndse̱je̱njín kamá ni xi tsíchji̱a̱ kui jaá.

Juaa̱ 9:16 ပူးပေါင်းရင်းမြစ်များ

Matioo̱ 12:10

Kó ki̱a̱ tikón ngo nda̱ xi kixíyà tsja, kó bi̱ tsꞌén akasíyaá Kjisoo̱ tsi̱ꞌe̱ nga bo̱a̱ tsꞌén sa̱ko̱ó ngo kjo̱a̱ nga ko̱óngítaꞌin: –A tsjandiè kjo̱a̱kitii̱ nga ka̱ma si̱ꞌandayà ngo xota̱ nga ni̱xtjin ndikón.

Matioo̱ 12:2

Kó nga kamábe já fariseoo̱ kui nii̱, bi̱ katsoó Kjisoo̱: –Jànꞌa̱n Kjiso̱, xota̱ tse̱ ndyi̱tsꞌèn ni xi tsjandièjín kjo̱a̱kitii̱ nga niꞌán nga ni̱xtjin ndikón.

Rkaa̱ 13:14

Ta̱nga nda̱ ngito̱ko̱o̱ ndiꞌa nínga ndokjo̱a̱ eén Néná, katsꞌénxchán ngatꞌa̱ Kjisoo̱ katsꞌéndaya nga ni̱xtjin ndikón, kó bi̱ katsoó xotaa̱: –Jun ni̱xtjin tjiín xomanaa̱ nga ma niꞌánxá, sꞌe̱ ngo ni̱xtjin nga niꞌánkjaꞌyá. Jún, chjiéngá ni̱xtjin nga niꞌánxá nga kji̱ndi̱bájnú nga ka̱mandayajnú, jmí tsi nga ni̱xtjin nga niꞌánkjaꞌyá.

Juaa̱ 10:19

Nga tsintꞌié xota̱ jundíoo̱ én xí katsó Kjisoo̱, ti̱ akjángá nginí yojoo̱.

Juaa̱ 14:11

Sꞌijin ngatamaa̱ nga Na̱ꞌmii̱ tikónjìi̱n, kó nga Na̱ꞌmii̱ tikónjinna an, kó tsi jmí, sꞌijin ngatamaa̱ ni xi tjítsꞌen an.

Juaa̱ 15:24

Tsi katsꞌénjín an ngi̱jii̱n kui xotaa̱, ni xi kji̱e̱ ngo xi tsꞌén, jmí jéjínra̱a̱, ta̱nga ngotꞌe̱ jè kamábe kui nii̱, kó ti̱ kuira xí katsꞌénchꞌóna an ko̱jo Na̱ꞌmina.

Juaa̱ 2:11

Kuí bí xi̱ꞌbi̱ chi̱bo̱a̱ ndikón xi tjón katsꞌén Kjisoo̱ na̱xi̱ńdá Kanaa̱, ngi̱ndie xi tikónjii̱n nangi Ngalilea̱. Kó bo̱a̱ tsꞌén akó kjo̱a̱jee̱, kó xota̱ tsi̱ꞌe̱ Kjisoo̱ kisꞌijii̱n.

Juaa̱ 3:2

kui nda̱a̱ kijíkatsijee̱n Kjisoo̱ nga jñoó, kó bi̱ katsoó: –Mostro̱, jè yàjne̱ nga Néná katsangiyaa ji nga mostro̱ ji, ngatꞌa̱ jmíjín xi sa̱ꞌín kui chi̱bo̱a̱ ndikón xí niꞌín ji tsi Nénájín tikónjo̱.

Juaa̱ 5:10

Kósꞌe̱ xota̱ jundíoo̱, bi̱ katsoó nda̱ xi kamándayaa̱: –Ni̱xtjin ndikón ngotꞌe̱, kó tsjandièjín kjo̱a̱kitii̱ nga xꞌi̱e̱nijín ji ṉcháa̱n.

Juaa̱ 5:36

Ta̱nga an tikónná ngo én chistiko̱ xi je ngase, ta̱bo̱a̱jiín xi tsíchji̱a̱ Juaa̱ kjo̱a̱a̱ an, ngatꞌa̱ kuí xá xí katsjána Na̱ꞌmina xi katsangiyana, tsi̱ꞌe̱ nga kjo̱tjosón ni xi tsꞌen an ngotꞌe̱, kuí xí chji̱a̱ kjo̱a̱a̱ ni xi tsꞌen an.

Juaa̱ 6:52

Sꞌe̱ já jundíoo̱ askjoyájo̱ xkjín, nga bi̱ katsó: –Kótsꞌèn ka̱maa̱ xi̱ꞌbi̱ nga tsja̱aná yojoo̱ tsi̱ꞌe̱ nga xi̱ni̱e̱.

Juaa̱ 7:12

Kó xotaa̱ tsíchji̱a̱ kjo̱a̱a̱ Kjisoo̱, kó tjín xí bi̱ katsó: “Ndaxota̱”, ta̱nga tjín xí bi̱ katsó: “Jmí, xota̱ tsꞌénꞌboṉcha̱jo.”

Juaa̱ 7:23

Ja̱ kó tsi tsi̱ꞌe̱ nga si̱ꞌankjatjosónjnú kui kjo̱a̱kitii̱, nga ngaskande nga ni̱xtjin ndikón niꞌánjnúu̱ sirkunsisio̱n ngo nda̱, míkjo̱a̱a̱ nga niꞌánxchánjo̱jnúꞌun nga ngo ni̱xtjin ndikón tsꞌendaya an ngo nda̱.

Juaa̱ 7:43

Kósꞌe̱ tsakjanga xotaa̱ ta̱ngatꞌanii̱ Kjisoo̱.

Juaa̱ 9:24

Sꞌe̱ kandokjo̱a̱ nginií nda̱ xi kamáti̱ka̱a̱ xi je kamándayaa̱, kó bi̱ kiꞌmií: –Te̱ꞌée̱ kjo̱a̱je Néná, ji̱n je yàjne̱ nga kui nda̱a̱ nda̱jé boá.

Ni xi kamá 14:4

Kó xota̱ xi chji̱a̱ni kui na̱xi̱ńdaá jó tjín katsꞌén yojoo̱ ngo tjín xí nijan kamá xota̱ jundíoo̱, sꞌe̱ ngo tjín xí nijan kamá já apostroo̱.