Juaa̱ 8:56 - Xo̱jo̱n eén Néná

⁵⁶ Abraa̱n, xota̱ tji̱e̱ xchájnú achichí tsjá kamaá nga katsꞌénkjó nga sku̱i̱e̱ ni̱xtjin nga kjoéꞌe̱ an kui nga̱sondiee̱, kamábe, kó tsja kamaá.

Juaa̱ 8:56 ပူးပေါင်းရင်းမြစ်များ

Matioo̱ 13:17

Ngatꞌa̱ ja̱koxi̱ ni xi xiánjnúꞌun nga achichí má já chji̱ni̱e̱ꞌén ko̱jo xota̱ kixi̱i̱ Néná xí kamámejeén nga sku̱i̱e̱ ni xi ndyi̱yajnú ngotꞌe̱, ta̱nga kamábejín, kó kamámejeén tsintꞌié, ni xi ndyi̱ndaꞌyájnú ngotꞌe̱, ta̱nga kamájín tsintꞌié.

Rkaa̱ 10:24

ngatꞌa̱ xiyàjnúꞌun nga achichí má já chji̱ni̱e̱ꞌén ko̱jo já re xi kamámejeén, nga sku̱i̱e̱ ni xi ndyi̱yajnú ngotꞌe̱, ta̱nga kamábejín, kó kamámejeén tsintꞌié, ni xi ndyi̱ndaꞌyájnú ngotꞌe̱, ta̱nga kamájín tsintꞌié.

Juaa̱ 10:25

Sꞌe̱ Kjisoo̱, bi̱ katsó: –Jè kixiyajnúꞌun, ta̱nga sꞌijinjínjnú, ngayeje ni xi tsꞌen an nga tsꞌenkjién án jaꞌeén Na̱ꞌmina, kuí xí bokó ꞌyání án,

Juaa̱ 8:37

Jè be an nga xota̱ tji̱e̱e̱ Abraa̱n jún, ta̱nga mejénjnú si̱ꞌankꞌiénjnúꞌun ngatꞌa̱ sꞌi̱jñajinjínjnú énna.

Juaa̱ 8:39

Sꞌe̱ bi̱ katsó kui jaá: –Na̱ꞌmijne̱ Abraa̱n boá. Kó Kjisoo̱, bi̱ katsó: –Tsi ndií Abraa̱n jún, ti̱ kuira̱ ni xi katsꞌén Abraa̱n xi ndyi̱niꞌánjnú.

Xota̱ Ebreo̱ 11:13

Ngayeje kui xotaa̱ kisꞌińdo ta̱ngatꞌanii̱ kjo̱a̱sꞌijii̱n, kó jesón yeje nga kji̱e̱ sakójiín ni xi katsóyàtjón Néná nga tsja̱á. Ta̱nga kó nga kisꞌijii̱n Néná, bo̱a̱ katsó ngi̱jin ini̱ma̱a̱ nga sa̱ko̱ó kui nii̱, kó tsja kamaá, ngatꞌa̱ be nga ta̱ kisꞌiṉtso̱ma són kuí nga̱sondiee̱, ko̱jo nga xota̱ xi xín nangi kamá.

Xota̱ Ebreo̱ 11:39

Ngayeje kui xotaa̱, nda tsꞌén kandokjo̱a̱ kjo̱a̱a̱ kui nga kisꞌiee̱ kjo̱a̱sꞌijin, kó Néná katsꞌénjo̱ꞌo, ta̱nga kasakojiín ni xi Néná katsóyàtjón nga tsja̱á.