Juaa̱ 8:37 - Xo̱jo̱n eén Néná

³⁷ Jè be an nga xota̱ tji̱e̱e̱ Abraa̱n jún, ta̱nga mejénjnú si̱ꞌankꞌiénjnúꞌun ngatꞌa̱ sꞌi̱jñajinjínjnú énna.

Juaa̱ 8:37 ပူးပေါင်းရင်းမြစ်များ

Matioo̱ 13:15

Ngatꞌa̱ ini̱ma̱a̱ kui xota̱ na̱xi̱ńdaá jè ta̱nisién tajá kamá, je kisichjá tji̱bo̱a̱nijon, kó je kisichjá ndyi̱ko̱n, tsi̱ꞌe̱ nga sku̱i̱e̱jín, ti̱nde ku̱i̱ntꞌièjín, tsi̱ꞌe̱ nga ka̱makjínjiín ini̱ma̱a̱, ti̱nde sa̱ꞌínkꞌoyàjín yojoo̱, ko̱jo tsi̱ꞌe̱ nga sa̱ꞌindayajín an.

Matioo̱ 3:9

kó ngata̱ bi̱jín tsꞌén fojintakónjnú: «Tji̱e̱e̱ nda̱ xi ꞌmí Abraa̱n ndokjo̱a̱ ñá.» Ngatꞌa̱ xiyàjnúꞌun nga tsi Néná xí mejeén ngaskande kui ndi̱jo̱o̱ ka̱ma sa̱ꞌín xota̱ tji̱e̱e̱ Abraa̱n.

Juaa̱ 10:31

Kó xota̱ jundíoo̱, ti̱ iskjíbé nginí ndi̱jo̱ tsi̱ꞌe̱ nga kꞌo̱ya.

Juaa̱ 11:53

Kó kuíni nga ndeskande koó kjiꞌa índa kui jaá nga sa̱ꞌínkꞌién.

Juaa̱ 5:44

Kótsꞌèn ka̱ma sꞌi̱jinjnú, nga ja̱kꞌi̱e̱ ja̱ngaján ndyi̱boeꞌéjnúu̱ kjo̱a̱je xingi̱jnú, kó ndyi̱mindyiséjínjnú kjo̱a̱je xi tsja̱aná Néná xí ngototoo̱.

Juaa̱ 7:1

Ngije kamá kui nii̱, Kjisoo̱ kistsoꞌbá nangi Ngalilea̱, ngatꞌa̱ kamámejénjiín kijí xtji̱e̱e̱n nangi Jundea̱, ngatꞌa̱ já ngito̱ko̱o̱ xota̱ jundíoo̱ kamámejeén katsꞌénkꞌién.

Juaa̱ 7:19

A mí tsi Moisee̱ katsjájnú kjo̱a̱kitii̱. Ta̱nga nde ngojín jún xi niꞌánkjatjosónjnú. Ja̱, kó míkjo̱a̱a̱ nga mejénjnú si̱ꞌankꞌiénjnúꞌun.

Juaa̱ 7:25

Tjín xota̱ xi chji̱a̱ni na̱xi̱ńdáꞌniú Jerusale̱n, xi bi̱ katsó: –A kuijín nda̱a̱ xi tjimíndyisé tsi̱ꞌe̱ nga si̱ꞌankꞌien.

Juaa̱ 8:33

Sꞌe̱ bi̱ katsó kui jaá: –Xota̱ tji̱e̱e̱ Abraa̱n boá ji̱n, kó kji̱e̱ ngo ndi̱yà nga moso̱ xi kastiñaá ngo xota̱ majne̱. Kótsꞌèn bo̱a̱ se ji nga xota̱ ndé ka̱majne̱.

Juaa̱ 8:43

Míkjo̱a̱a̱ nga makjínjínjnú ni xi tsꞌénchji̱a̱ an. Ngatꞌa̱ májín ndaꞌyájnú énna.

Juaa̱ 8:56

Abraa̱n, xota̱ tji̱e̱ xchájnú achichí tsjá kamaá nga katsꞌénkjó nga sku̱i̱e̱ ni̱xtjin nga kjoéꞌe̱ an kui nga̱sondiee̱, kamábe, kó tsja kamaá.

Juaa̱ 8:59

Sꞌe̱ kui jaá iskjíbé ndi̱jo̱ tsi̱ꞌe̱ nga kꞌo̱ya Kjisoo̱, ta̱nga Kjisoo̱ kisꞌijña ꞌma, kó jataxie ndi̱tsen na̱ngo̱xi̱i̱, jaꞌajii̱n kui jaá, sꞌe̱ kijí.

Juaa̱ 8:6

Kui nii̱ katsó kui jaá nga ndyi̱kjitꞌayákón Kjisoo̱, tsi̱ꞌe̱ nga ko̱óngítaꞌin. Ta̱nga Kjisoo̱ kisꞌijñaxtien tꞌanangii̱, tji̱e̱nga tsja katsꞌénꞌindó ngo ni tꞌanangii̱.

Ni xi kamá 13:26

Jún já ntsꞌie, xi xota̱ tji̱e̱e̱ Abraa̱n, ko̱jo ngayeje jún xi xota̱ xi jundío̱jínjnú ta̱nga xi yandikónjnú Néná, ñá boá xi kanangiyaná kuí én xí kꞌo̱xiéꞌáná.

Xota̱ Roma̱ 9:7

Ti̱nde jmí tsi kjo̱a̱a̱ nga xota̱ tji̱e̱e̱ Abraa̱n, nga ngayejee̱ nga ndií Abraa̱n, xikó katsó Néná: “Kuí Isaa̱ xi ja̱koxi̱ nga xota̱ tji̱e̱e̱ ka̱ma.”

1 Xota̱ Korinto̱ 2:14

Ta̱nga kjíbéjín kui nii̱ xota̱ xi tsꞌénkjó ni xi tjíjinkon xota̱ nga̱sondiee̱, ngatꞌa̱ ta̱ ton maá, kó makjínjiín, ngatꞌa̱ ti̱kuíní A̱si̱énni̱xtjii̱n xi bokóná ni xi tsi̱ꞌe̱ Néná.

1 Xo̱jo̱o̱n Juaa̱ 2:14

Tjítsꞌenꞌindójnúꞌun jún xi xi xchájnú, ngatꞌa̱ jè kamáyàjnú kui xi ta̱kó tikón ndeskande koó nga ítjatsꞌennii̱ nii̱. Tjítsꞌenꞌindójnúꞌun kui xo̱jo̱o̱n jún xi xo̱ngòjnú, ngatꞌa̱ tjínjnú ngaꞌniú, kó eén Néná jè tikónjinjnú, ngatꞌa̱ jè kiniꞌánjnúu̱ nga kiniꞌánchajajnú xindajiín.