Juaa̱ 8:32 - Xo̱jo̱n eén Néná

³² kó xcha̱jnú ni xi ja̱koxi̱i̱, kó ni xi ja̱koxi̱i̱ xí sa̱ꞌíndéjnú.

Juaa̱ 8:32 ပူးပေါင်းရင်းမြစ်များ

Xo̱jo̱n Salmoo̱ 25:5

Ki̱a̱ tꞌenje̱ní nínga tikón kjo̱a̱kixi̱i̱, kó takoyèní, ngatꞌa̱ jí boá Ne xi tsꞌaxiéꞌána.

Énkjínkón 1:23

¡Tasiénijónjnúꞌun kjiꞌanga sa̱ꞌinchji̱ni̱e̱jnúꞌun! Án boá xi tsjajnúꞌun a̱si̱énni̱xtjinna, kó xiyàjnúꞌun ni xi tsꞌenkjó án ko̱jo énna.

Énkjínkón 1:29

Ta̱ngatꞌanii̱ nga kiniꞌánchꞌójnú kjo̱a̱kjínkoón, kó kamámejénjínjnú nga kamáyàndikónjnú Néná,

Énkjínkón 4:18

»Ta̱nga ndi̱yà xí tjimáyà xota̱ xi kixi̱i̱, ꞌna̱ ma xikoó nda̱a̱ ndiꞌí xí ya nga ndibáꞌásie̱én: kó saꞌniú sáꞌniú ngase ma ꞌna̱, ngaskande nga ma ndisꞌueé.

Lebitiko̱ 25:41

Kui noó kjo̱a̱ndeé ka̱ma kꞌuijñándé, kó kui ko̱jo ndií ka̱ma ko̱e̱je̱kꞌíndojo̱ nginí xkjín ko̱jo tsi ki̱a̱ ko̱e̱je̱kꞌíjñá nginí tꞌanangi xi kamá tsi̱ꞌe̱.

Matioo̱ 11:29

Chꞌi̱a̱jnú kui yá é xí tsꞌéntsjájnúꞌun, kó ngatamajnú ni xi tsꞌénbokoyájnúꞌun, ngatꞌa̱ ntꞌiéꞌén án ko̱jo nda ini̱ma̱na, kó bo̱a̱ tsꞌén ka̱ma sa̱ꞌínkjaꞌyá ini̱ma̱jnú.

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 16:13

ta̱nga nga kji̱ndi̱bá A̱si̱énni̱xtjii̱n Néná xí ja̱koxi̱i̱, kuí xí ko̱kójnú ni xi ja̱koxi̱, ngatꞌa̱ jmí tsi kui xi ku̱i̱chji̱a̱ soboá, ni xi ku̱i̱ntꞌiè xí ku̱i̱chji̱a̱, kó kuí xí ka̱tso̱yà ni xi sꞌe̱ ka̱ma.

Juaa̱ 17:17

Ti̱ꞌintsjieni ngi̱yaa̱ ja̱koxi̱i̱, ngatꞌa̱ ja̱koxi̱ boá ée̱n.

Juaa̱ 6:45

Jè bi̱ tsó ni xi kjitꞌa ngo xo̱jo̱n xi katsꞌénꞌindó já chji̱ni̱e̱ꞌe̱én Néná: “Kó Néná xi ko̱kóyaá ngayeje xotaa̱”, ngayeje xota̱ xi tsintꞌieé Na̱ꞌmina, kó kamaá ni xi akóyaá, kuí boá xi kji̱ndi̱bákónna.

Juaa̱ 7:17

tsi tjín xí mejeén sa̱ꞌínkjatjosón ni xi mejeén Néná, sku̱i̱e̱ tsi tsi̱ꞌe̱ Néná ni xi bokoyá an, ko̱jo tsi tsa̱ꞌa̱n.

Juaa̱ 8:36

Kó kuíni nga, tsi Ndií ku̱i̱ꞌíjñandéjnú, ja̱koxi̱ nga ku̱i̱ndyiondéjnú.

Xota̱ Roma̱ 6:22

Ta̱nga ngotꞌe̱ ꞌne̱ ngije xín kiniꞌánkjaꞌajnúu̱ yojojnú jeé, kó ngije mosoo̱ Néná jè kamájnú, tikónjnú ngo ni xi tsi̱ꞌe̱ kjo̱a̱tsjiee̱, kó nga kju̱i̱e̱tꞌa sa̱kójnú kjo̱a̱mindyion ngatsjéni̱xtjii̱n.

Xota̱ Roma̱ 8:15

Ngatꞌa̱ jmí tsi a̱siénni̱xtjin xi moso̱ tsꞌénná xi katseꞌéjnú tsi̱ꞌe̱ nga ko̱ndoko̱n nginíjnú, ngo a̱siénni̱xtjin xi ndií Néná tsꞌénná xí katseꞌéjnú, kuíni nga bi̱ ꞌmí: “¡Abba! ¡Na̱ꞌmi!”

Xota̱ Roma̱ 8:2

Ngatꞌa̱ ngije kiniꞌángojo̱ yojoná Kristo̱ Kjisoo̱, A̱si̱énni̱xtjii̱n Néná xi tsjáná kjo̱a̱mindyioo̱n, katsjáná ngo kjo̱a̱kiti xi sa̱ꞌíndéná kjo̱a̱a̱ kjo̱a̱kitii̱ jeé ko̱jo kjo̱a̱bo̱yaa̱.

1 Xota̱ Korinto̱ 7:22

Ngatꞌa̱ kui nda̱ xi moso̱ xi kastiñá kamá nga Néná tsíchji̱a̱a̱, jè nda̱ xi tikónndé ngindyi̱ko̱n Néná ngotꞌe̱, kó ti̱ bo̱a̱ ti̱ tsꞌén kui nda̱ xi tsoꞌbá ndé nga kandokjo̱a̱a̱, ngotꞌe̱ ꞌne̱ jè moso̱ xi kastiñá xi tsi̱ꞌe̱ Kristoo̱ je kamá.

Xota̱ Ngalasia̱ 5:1

Kristoo̱ katsꞌéndéná tsi̱ꞌe̱ nga ku̱i̱ṉtsomandé, kó kuíni nga ꞌniú ti̱ndyiàjnú, kó ngata̱ boeꞌéndièjínjnúu̱ nga ta̱jmì niní xi ku̱i̱ꞌíjñaꞌniú nginíjnú.

Xota̱ Ngalasia̱ 5:13

Jún ntsꞌie, Néná tsíchji̱a̱jnú tsi̱ꞌe̱ nga xota̱ ndé kamájnú, ta̱nga ngata̱ niꞌánkjiénjínjnú kui kjo̱a̱ndeé tsi̱ꞌe̱ nga ni xi ndajínkjiꞌi xi si̱ꞌánjnú, ta̱sá tjótsꞌèn ti̱ꞌansénjnúu̱ ja̱kꞌi̱e̱ ja̱ngaján xingi̱jnú.

2 Timoo̱ 3:7

Kui ínchjiín ngatsjéni̱xtjin mejeén nga ka̱maa̱ ngo ni xi tja̱tsi̱e̱, kó jmíni̱xtjin ka̱maa̱ ka̱makjiín ni xi ja̱koxi̱i̱.

Xo̱jo̱o̱n Sandiyaá 1:25

Ta̱nga kui nda̱ xi bosienníjón ndá ndaá kui kjo̱a̱kiti xi kixi̱, kui xi tsjáná kjo̱a̱ndeé, kó ꞌniú ꞌbíjñá, kó tsꞌénkjátjosón nga tsꞌén xikó tsó, kó chíyájiín ni xi tsintꞌié, kuí nda̱ xi̱ꞌbi̱ xi achichíra̱tsjaa̱ kjo̱a̱a̱ ni xi tjítsꞌén.

Xo̱jo̱o̱n Sandiyaá 2:12

Chjiéngá bo̱a̱ tsꞌén ko̱ndókjo̱a̱jnú, ko̱jo nga bo̱a̱ tsꞌén ku̱i̱ndyionjnú, xikoó xota̱ xi je si̱ꞌandajin kjo̱a̱a̱, nga si̱ꞌankjién ngo kjo̱a̱kiti xi tsꞌéndé xotaa̱.

1 Xo̱jo̱o̱n Peé 2:16

Xota̱ ndéjnú ngindyi̱ko̱n Néná, ta̱nga ngata̱ kuijín kjo̱a̱ndeé niꞌánkjiénjnú tsi̱ꞌe̱ nga si̱ꞌánjnú ngo ni xi ndajínkjiꞌi, ta̱sá ti̱ndyiónjnú xikoó xota̱ xi mosoo̱ Néná.

2 Xo̱jo̱o̱n Juaa̱ 1:1

Án boá ngo nda̱ xi xota̱ xi xchaá na̱ngo̱xi̱i̱ tsꞌentindejnúꞌun jún xi xota̱ na̱ngo̱xi̱ xi je jaꞌájinjnú Néná, kui xota̱ xi ja̱koxi̱ nga tjóna, kó jmí tsi ta̱ án tsí xi tjóna, ti̱ tjórií jún ngayeje xota̱ xi je kamábe ni xi ja̱koxi̱i̱ nga.