Juaa̱ 8:31 - Xo̱jo̱n eén Néná

³¹ Sꞌe̱ Kjisoo̱, bi̱ katsoó xota̱ jundíoo̱ xi je kisꞌijii̱n kui: –Tsi si̱ꞌankjatjosónjnú ngayeje énna, ja̱koxi̱ nga xota̱na ka̱majnú jún,

Juaa̱ 8:31 ပူးပေါင်းရင်းမြစ်များ

Matioo̱ 24:13

Ta̱nga xi sa̱ꞌínchíkjo̱a̱ ngaskande nga kju̱i̱e̱tꞌa, kuí xi̱ꞌba̱ xi kjo̱tjoꞌa.

Juaa̱ 1:47

Nga kamábe Kjisoo̱ nga Natanaee̱l tsꞌéndibá tiña, bi̱ katsoó: –Kꞌi̱e̱ tikón kꞌi̱e̱e̱ ngo nda̱ xi ja̱koxi̱ nga Israee̱l chji̱a̱ni, xi májiín ꞌboṉcha̱.

Juaa̱ 2:2

kó ti̱ kiꞌmíyaà Kjisoo̱ ko̱jo xota̱ tsi̱ꞌe̱, tsi̱ꞌe̱ nga kijí kui ndiꞌibixaa̱n nga.

Juaa̱ 6:55

Ngatꞌa̱ yojona, nichinie ja̱koxi̱ boá, kó jínna ni ꞌyó ja̱koxi̱ boá.

Juaa̱ 8:36

Kó kuíni nga, tsi Ndií ku̱i̱ꞌíjñandéjnú, ja̱koxi̱ nga ku̱i̱ndyiondéjnú.

Ni xi kamá 13:43

Kó ngije kijí xota̱ xi síndo ndiꞌa nínga ndokjo̱a̱ eén Néná, achichí má xota̱ jundío̱, ko̱jo xota̱ xi jundío̱jín ta̱nga xi bendikón Néná xi kijítji̱ngii̱ Pabloo̱ ko̱jo Bernabee̱, kó kui jaá ꞌniú atíxomaa̱ kui xotaa̱ tsi̱ꞌe̱ nga jmíni̱xtjin ku̱i̱ꞌíjñámasien kjo̱a̱ndaa̱ Néná xí je kasakoo̱.

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

Ni xi kamá 26:22

Ta̱nga ta̱ngatꞌanii̱ nga Néná asíko̱jona kuíni nga kixi̱ tikòn an ngotꞌe̱, nga tsꞌénchji̱a̱jo an kjo̱a̱a̱ ndi̱ya̱à Néná ngayeje xota̱, xi xchá xí kjindí, jmíni̱xtjin nga kje̱ꞌe ni xi tsꞌénchji̱a̱jo an kjo̱a̱a̱ ni xi tsíchji̱a̱ já chji̱ni̱e̱ꞌe̱én Néná, ko̱jo Moisee̱ nga tsíchji̱a̱ kjo̱a̱a̱ ni xi ka̱ma:

Xota̱ Roma̱ 11:22

Ja̱ ngatamaye ji nga achichí ndaxota̱ ko̱jo tajá tsꞌénjo̱ Néná xotaa̱, tajá katsꞌénjo̱ xota̱ xi kastingí nga ixó, kó ji nda tjítsꞌénjoo̱, tsi bo̱a̱ tsꞌén ꞌniú ku̱i̱ndyinjin ji kjo̱a̱ndaa̱, ngatꞌa̱ tsi bo̱a̱jín si̱ꞌin ku̱i̱chátꞌaa̱ ji kui yaá.

Xota̱ Roma̱ 2:7

Kjo̱a̱mindyion ngatsjéni̱xtjin tsja̱á xota̱ xi ndyi̱koyakjo̱a̱ nga ta̱ngongá ni xi nda ndyi̱tsꞌèn, kó nga ndyi̱mongase nga sa̱ko̱ó kjo̱a̱je, ko̱jo kjo̱a̱yandikón, ko̱jo nga kꞌuíndo ngatsjéni̱xtjin.

Xota̱ Kolosa̱ 1:23

Bo̱a̱ ka̱ma tsi ja̱koxi̱ nga ꞌniú tindyiàjnú ko̱jo tsi ꞌniú tikón kjo̱a̱sꞌijinjnú, ko̱jo nga jmíni̱xtjin kju̱i̱e̱ kjo̱a̱chiyá xi tikónjnú, kjo̱a̱a̱ kui éntjatsi̱e̱e̱ Kristoo̱ xi je kandaꞌyájnú, kuí eén xi je tjíꞌbíni̱jmì ngayeje són nga̱sondiee̱, kó an Pabloo̱ katseꞌéxána nga kꞌuini̱jmì án kui eén.

1 Timoo̱ 2:15

Ta̱nga ínchjiín, kjo̱tjoꞌarií yojoo̱ nga kꞌuieé ndí, tsi ꞌniú ku̱i̱ndyiajin kjo̱a̱sꞌijii̱n, tsi kꞌuieé kjo̱a̱tjoó, ko̱jo tsi tsjietsꞌén kꞌuíndo ngindyi̱ko̱n Néná nga nda tsꞌén kꞌuíndo.

1 Timoo̱ 4:16

Chíi̱n yojòo̱ ko̱jo chíi̱n ni xi tibokoyée̱ xotaa̱, ꞌniú ti̱ndyíi̱n ngayeje kui nii̱, ngatꞌa̱ tsi bo̱a̱ si̱ꞌin, kjo̱tjoꞌàa̱ yojòo̱, kó ti̱ ko̱ꞌna̱xiéꞌé ji xi ku̱i̱ntꞌie̱é nga.

2 Timoo̱ 3:14

Ta̱nga ji ta̱kó ꞌniú tꞌentji̱ngìi̱ ngayeje kui ni xi je akakoyaá, kui ni xi je kasasiee̱n, kó ye ji ꞌyání bo̱a̱ xi akóyaá,

Xota̱ Ebreo̱ 3:14

Ngatꞌa̱ jè nijan tjisákóná ni xi tsi̱ꞌe̱ Kristoo̱, tsi ngaskande nga kju̱i̱e̱tꞌa ꞌniú ku̱i̱ndyionjo̱ kui kjo̱a̱ꞌniátakón xi kisꞌiená nga tjón.

Xota̱ Ebreo̱ 8:9

Kui kjo̱a̱ꞌbíndaa̱ jmí tsi bo̱a̱ kꞌuié xikoó kui xi katsꞌenjo̱ an xota̱ tji̱e̱ xchaá, kjiꞌanga iskjíbé án tsja nga tsꞌaxié an nangi Ejipto̱, ngatꞌa̱ kui xotaa̱ katsꞌénkjatjosónjín kjo̱a̱ꞌbínda xi tjoón, kó án índomasien an.

Xo̱jo̱o̱n Sandiyaá 1:25

Ta̱nga kui nda̱ xi bosienníjón ndá ndaá kui kjo̱a̱kiti xi kixi̱, kui xi tsjáná kjo̱a̱ndeé, kó ꞌniú ꞌbíjñá, kó tsꞌénkjátjosón nga tsꞌén xikó tsó, kó chíyájiín ni xi tsintꞌié, kuí nda̱ xi̱ꞌbi̱ xi achichíra̱tsjaa̱ kjo̱a̱a̱ ni xi tjítsꞌén.

1 Xo̱jo̱o̱n Juaa̱ 2:19

Kui já boá, kꞌi̱e̱ jatjojinná, ta̱nga nga ja̱koxi̱ xota̱nájín bo̱a̱, ngatꞌa̱ tsi xota̱ná kamá, nijan síndojo̱na tsobo̱a̱, ta̱nga bo̱a̱ kamá tsi̱ꞌe̱ nga xcha̱ cha̱n cha̱n nga tjín xota̱ xi jmí tsi xota̱ xi tsa̱ñá boá.

1 Xo̱jo̱o̱n Juaa̱ 2:24

Kuíni nga tꞌíjñajinjnú ngi̱jin ini̱ma̱jnú kui ni xi je kandaꞌyájnú jún ndeskande koó ngasꞌe̱. Kó tsi kꞌuijñájinjnú kui ni xi je kandaꞌyájnú ndeskande koó ngasꞌe̱, ti̱ bo̱a̱ ti̱ tsꞌén jún ku̱i̱ndyionjinjnúu̱ kui ndií ko̱jo Na̱ꞌmii̱.

2 Xo̱jo̱o̱n Juaa̱ 1:9

Ta̱ꞌyaní xi kjo̱a̱ꞌatjoón ni xi akóyá Kristoo̱, kó ki̱a̱jín kꞌuijñájin kui nii̱, tikónjinjiín Néná ngi̱jin ini̱ma̱a̱. Ta̱nga kui xota̱ xi ta̱kuítsí kjo̱a̱bokoyaá Kristoo̱ xi tsꞌénbokoyá, kuí boá xi̱ꞌba̱ xi tikónjii̱n ngi̱jin ini̱ma̱a̱ Néná xí Na̱ꞌmii̱ ko̱jo Ndií.