Juaa̱ 8:29 - Xo̱jo̱n eén Néná

²⁹ Ngatꞌa̱ xi katsangiyana, tikónjo̱na, kji̱e̱ ngo ndi̱yà ꞌbijñá soboána Na̱ꞌmina, ngatꞌa̱ ngatsjéni̱xtjin nga ni xi tsja maa̱ kuí boá xí tsꞌen an.

Juaa̱ 8:29 ပူးပေါင်းရင်းမြစ်များ

Matioo̱ 17:5

Tji̱e̱nga tsꞌénchji̱a̱ ngase Peé, ngo ṉdi̱ ꞌna̱ kitsjien, kó ki̱a̱ kasasien nínga síndo kui jaá, sꞌe̱ ngi̱jin kui ṉdi̱i̱ kandaꞌyá ngo nda̱, xi bi̱ katsó: –Kuí xi̱ꞌbi̱ xi ndí tjóna, tsjátjínna ngatꞌaa̱ kui, ndaꞌyájnúu̱.

Matioo̱ 3:15

Kó Kjisoo̱, bi̱ katsoó: –Te̱ꞌéndiè ji ngotꞌe̱, ngatꞌa̱ chjiéngá si̱ꞌankjatjosón ngayeje ni xi kixi̱ ngindyi̱ko̱n Néná. Kósꞌe̱ Juaa̱ atíndá Kjisoo̱.

Matioo̱ 3:17

Kó kandaꞌyá ngo nda̱ ndiꞌakꞌajmi jàn xi bi̱ katsó: –Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.

Juaa̱ 14:31

tsꞌén án ni xi tsóna Na̱ꞌmina xi katsangiyana, tsi̱ꞌe̱ nga xotaa̱ kui nga̱sondiee̱ sku̱i̱e̱ nga tjóna Na̱ꞌmina. Ti̱sítji̱e̱njnú ꞌne̱, xín tjián.

Juaa̱ 15:10

Tsi si̱ꞌankjatjosónjnú kjo̱a̱botíxomana, kjo̱a̱tjóna ku̱i̱ndyionjinjnú, xikótsꞌèn tjítsꞌenkjatjosóo̱n kjo̱a̱botíxomaa̱ Na̱ꞌmina, kó kjo̱a̱tjó tsi̱ꞌe̱ tikónjìi̱n.

Juaa̱ 16:32

Jè jachó chi̱bo̱a̱, nga stso̱jo̱boájnú nga ngo nga ngojnú, kó kꞌuijñá so̱bo̱a̱jnúꞌun, ta̱nga tikón so̱bo̱a̱jín an, ngatꞌa̱ Na̱ꞌmina tikónjo̱na.

Juaa̱ 17:4

An jè ako an kjo̱a̱jèe̱ kꞌi̱e̱ tꞌanangii̱, kó jè katsꞌenkjatjosón an ni xi katseꞌéní nga sa̱ꞌin an.

Juaa̱ 4:34

Ta̱nga Kjisoo̱, bi̱ katsó: –Ni chiniena, kuí boá nga chjiéngá sa̱ꞌinkjatjosón an ni xi mejeén xi katsangiyana, kó nga ka̱mando̱jo ni xi mejeén sa̱ꞌín kuí.

Juaa̱ 5:30

Ka̱májínna sa̱ꞌin an ngo ni an so̱bo̱a̱, xikótsꞌèn ntꞌie an, bo̱a̱ tsꞌén xiya an tsi nda ko̱jo tsi ndajín ndyi̱tsꞌèn xotaa̱, kó kixi̱ tsꞌénkotsijée̱n tsi nda ko̱jo tsi ndajín ndyi̱tsꞌèn xotaa̱, ngatꞌa̱ jmí tsi ni xi mejénna an xi mongase an, ni xi mejeén xi katsangiyana xí mongase an.

Juaa̱ 6:38

ngatꞌa̱ ndiꞌakꞌajmi jàn kjindibáni an, tsi̱ꞌe̱ nga sa̱ꞌin an ni xi mejeén xi katsangiyana, jmí tsi tsi̱ꞌe̱ nga sa̱ꞌin an ni xi mejénna an.

Juaa̱ 8:16

Kó tsi ngo xi xián án tsi nda ko̱jo tsi ndajín tjítsꞌén, kixi̱ ni xi tjítsꞌen an, ngatꞌa̱ jmí tsi tikón so̱bo̱a̱ an, jó májne̱, an ko̱jo Na̱ꞌmina xi katsangiyana.

2 Timoo̱ 4:17

Ta̱nga Ndi̱a̱ná kisꞌijñajo̱na, kó katsjána ngaꞌniú, tsi̱ꞌe̱ nga kamána nga íni̱jmì án eén Néná, kó tsintꞌié ngayeje xota̱ xi jundío̱jiín. Bo̱a̱ tsꞌén nga Néná tsꞌaxiéꞌána nga kiniꞌánkꞌiénjínna.

2 Timoo̱ 4:22

Ndi̱a̱ná Jesukristoo̱ ngasꞌijñajin ini̱màa̱. Néná ngatsjájnú kjo̱a̱ndaa̱ ngayejejnú. Bo̱a̱ kjiꞌi.

Xota̱ Ebreo̱ 4:15

Ngatꞌa̱ tikónná ngo chináꞌmi xi ꞌniú nkꞌa xaá xi ma ni̱ma̱a̱ kjo̱a̱ꞌindaná, kui xi je kachjatꞌayákón xikoó ñá, ta̱nga katsꞌénjéjín.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,

1 Xo̱jo̱o̱n Juaa̱ 2:1

Jún ndí ndí tsa̱ꞌa̱n, kui nii̱ tjítsꞌenꞌindójnúꞌun tsi̱ꞌe̱ nga si̱ꞌanjéjínjnú, ta̱nga tsi tjín xí je katsꞌénjé, tikónná ngo nda̱ xi kꞌo̱xiéꞌáná ngindyi̱ko̱n Na̱ꞌmii̱, kó Jesukristoo̱, nda̱ xi kixi̱i̱ boá.

1 Xo̱jo̱o̱n Juaa̱ 3:22

Kó ngayeje ni xi chji̱a̱ꞌáa̱ Néná tsja̱aná, ngatꞌa̱ ndyi̱niꞌánkjatjosón kjo̱a̱botíxomaa̱, kó ndyi̱niꞌán ni xi tsja maa kui.