Juaa̱ 8:24 - Xo̱jo̱n eén Néná

²⁴ Kó kuíni nga bi̱ kixian an nga ta̱ngatꞌanii̱ jéjnú nga ko̱yàjnú, ngatꞌa̱ tsi sꞌijinjínjnú nga an xi an, jéjnú ko̱yàjo̱jnú.

Juaa̱ 8:24 ပူးပေါင်းရင်းမြစ်များ

Éksondo̱ 3:14

Kósꞌe̱ Néná bi̱ katsoó Moisee̱: —Bo̱a̱ tꞌíi̱n nga Án boá kui Ne xi tikón ngatsjéni̱xtjii̱n, kó Án boá xi ꞌmína AN XI AA̱N, bo̱a̱ tꞌíi̱n ngayejee̱ nga Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b, kui xi xota̱ xi xchájnú. »Kuíni nga tꞌen ji nangi Ejipto̱, kó tꞌítikí jí ngayeje xota̱ ngito̱ko̱o̱ xota̱ Israee̱l, kó bo̱a̱ tꞌíi̱n nga an, Nee̱ kui xotaa̱, ki̱a̱ jatjokjaà ji, kó nga jè kamábe an kjo̱a̱ni̱ma̱ xi ndyi̱foaꞌatio ki̱a̱ nangi Ejipto̱.

Énkjínkón 8:36

ta̱nga kui xi tsꞌénjé nga chꞌo tsóna, ndajín tsꞌén ndyi̱ꞌbijñá yojoo̱, ngayeje xi chꞌoo̱ an, kjo̱a̱bo̱yaa̱ boá xi tjoó».

Matioo̱ 24:5

Ngatꞌa̱ achichí má xota̱ xi kjo̱e̱ꞌe ngajona nga bi̱ ka̱tso̱: «Án boá xi Kristoo̱», kó kjín xota̱ xi kꞌo̱ṉcha̱jo.

Markoo̱ 13:6

Ngatꞌa̱ achichí má xota̱ xi kjo̱e̱ꞌe ngajona, nga bi̱ ka̱tso̱: “Án boá xi Kristoo̱”, kó kjín xota̱ xi kꞌo̱ṉcha̱jo.

Markoo̱ 16:16

Xi sꞌi̱jii̱n, kó ko̱tíndá yojoo̱, kuí xi̱ꞌba̱ xi kjo̱tjoꞌaa̱ yojoo̱, ta̱nga xi sꞌi̱jinjiín, kuí xi̱ꞌba̱ xi ka̱majeé.

Rkaa̱ 21:8

Kósꞌe̱ Kjisoo̱, bi̱ katsó: –Tsitsíjenjnúu̱ nga jmíjín xi kꞌo̱ṉcha̱jojnú, ngatꞌa̱ achichí má xota̱ xi kjo̱e̱ꞌe ngajona xi bi̱ ka̱tso̱: “Án boá xi Kristoo̱”, ko̱jo bi̱ ka̱tso̱: “Jè kjimatiña ni̱xtjii̱n”, ta̱nga nga kuijín xi mongíntjíngíjnú.

Juaa̱ 13:19

Xiyàjnúꞌun kui nii̱ ngindiee̱ nga ka̱ma, ki̱a̱ ka̱maa̱ nga sꞌi̱jinjnú nga án boá.

Juaa̱ 3:18

Xi sꞌi̱jii̱n kui, ka̱majéjiín, ta̱nga xi sꞌi̱jinjiín kui, jè tji̱e̱e̱n jé, ngatꞌa̱ kisꞌijinjiín jaꞌeén ndí ngototoo̱ Néná.

Juaa̱ 3:36

Xi sꞌijii̱n ndií Néná, tjiín kjo̱a̱mindyion ngatsjéni̱xtjii̱n, ta̱nga xi sꞌijinjiín sa̱kójiín kjo̱a̱mindyioo̱n, ta̱sá kjo̱a̱xcha̱án Néná sa̱ko̱ó.

Juaa̱ 4:26

Sꞌe̱ Kjisoo̱, bi̱ katsó: –Án boá, kui xi tsꞌénchji̱a̱joo ji.

Juaa̱ 8:21

Ingo ndi̱yà, bi̱ katsó nginí Kjisoo̱: –An jè tsꞌénfí an, kó jún ku̱i̱ndyi̱séjnúꞌun, ta̱nga ta̱ngatꞌanii̱ jéjnú nga ko̱yàjnú, kó nínga tsꞌénfí an, ka̱májín kongínjnú jún.

Juaa̱ 8:25

Sꞌe̱ bi̱ kiꞌmií Kjisoo̱: –ꞌYání jí. Sꞌe̱ Kjisoo̱, bi̱ katsó: –Ja̱ kuí xí ngaskande koó nga tjón kixiyajnúꞌun.

Juaa̱ 8:28

Kó kuíni nga Kjisoo̱, bi̱ katsoó: –Kjiꞌa ngije chjanínkꞌájnú ndií nda̱ xi̱ꞌii̱n, kjiꞌa xcha̱jnú nga an, kó nga ni xi akóyána Na̱ꞌmina xí chjiá an, jmí tsi ni xi an so̱bo̱a̱ mejénna tsꞌen an.

Juaa̱ 8:58

Sꞌe̱ bi̱ ka̱tso̱ Kjisoo̱: –Ja̱koxi̱, ja̱koxi̱ ni xi xiánjnúꞌun, ngindiee̱ nga stse̱n Abraa̱n, ja̱bo̱a̱ jè tikòn an.

Ni xi kamá 4:12

Kó jmíjín ingo ngase xi ka̱maa̱ kꞌo̱xiéꞌá xotaa̱, ngatꞌa̱ Néná katsangiyajín kje̱ꞌe ngase kui nga̱sondiee̱ xi ka̱maa̱ kꞌo̱xiéꞌáná.

Xota̱ Ebreo̱ 12:25

Chónjnú yojojnú, kó ngata̱ niꞌánchꞌójínjnú kui Néná xi tsꞌénchji̱a̱a̱, ngatꞌa̱ ni̱xtjin xcháján xota̱ Israee̱l katsꞌénchꞌó Néná xí kꞌi̱e̱ tꞌanangii̱ ꞌniú atíxomaa̱ nga tsíchji̱a̱jo, kó kui xotaa̱ kamájiín jatjongii̱ yojoo̱, tsi̱ꞌe̱ nga sa̱kójiín kjo̱a̱botíjeé. Akja̱ꞌmíra̱ ñá ka̱máná ko̱ꞌna̱xiéngí yojoná tsi̱ꞌe̱ nga sa̱kójínná kjo̱a̱botíjeé tsi si̱ꞌanchꞌo kui Néná xi tsꞌénbotixómá nga tsꞌénchji̱a̱joná ndeskande ndiꞌakꞌajmii̱.

Xota̱ Ebreo̱ 2:3

kótsꞌèn ka̱máná nga ku̱i̱yóo̱ kui kjo̱a̱botíjeé, tsi si̱ꞌansénjáa̱n kui kjo̱a̱ꞌnaxiéꞌá xi bo̱a̱ tsꞌén jee̱. Ngatꞌa̱ ti̱kuíní Ndi̱a̱ Kjisoo̱ xi tjón katsóyà kui én xí ꞌboxiéꞌáná, sꞌe̱ jaskan xota̱ xi tsintꞌieé akóná nga ja̱koxi̱ kui nii̱.