Juaa̱ 8:2 - Xo̱jo̱n eén Néná

² Kó nga kamángindyiojón nga ta̱jño̱ó kijí nginí na̱ngo̱xi̱i̱, kó xotaa̱ kijíkóntiñaa̱, sꞌe̱ Kjisoo̱ kisꞌijñando nga akóyaá.

Juaa̱ 8:2 ပူးပေါင်းရင်းမြစ်များ

Eklesiastee̱ 9:10

Kó ngayeje ni xi ka̱ma si̱ꞌin ji, ndatsꞌèn ti̱ꞌin ji, ngatꞌa̱ ki̱a̱ nga̱tsjo̱ó, ki̱a̱ nínga kjóchí ji, ngiti̱ jmí xájín ki̱a̱a̱, ti̱nde ngiti̱ jmíjín ni xi ma niꞌán ngase, ti̱nde ngiti̱ jmíjín kjo̱a̱kjíntakón, ko̱jo kjo̱a̱kjínkón.

Matioo̱ 26:55

Ti̱ kuii̱ chi̱bo̱a̱, bi̱ katsoó Kjisoo̱ ngayeje xotaa̱: –A chejé án nga ki̱cha̱ndojó ko̱jo nga yá kichꞌiájnú nga jéꞌe̱ndoboájnúꞌun. Ndyiojón ndyiojón akoyá an ndi̱tsen na̱ngo̱xi̱i̱, kó kandobájínjnúꞌun.

Rkaa̱ 21:37

Xki̱ nga ni̱xtjii̱n akóyá Kjisoo̱ ndi̱tsen na̱ngo̱xi̱i̱, kó nga jñoó kijí nínga tikón tji̱ngi̱ nínga tjín yáꞌoliboo̱.

Rkaa̱ 21:38

Kó ngayeje xota̱ na̱xi̱ńdaá, xki̱ nga ta̱jño̱ó jachó ndi̱tsen na̱ngo̱xi̱i̱ nga kijíntꞌieé ni xi tsíchji̱a̱ Kjisoo̱.

Rkaa̱ 4:20

Kó ngije íchjá kui chꞌo̱ xo̱jo̱o̱n, katsjaá nda̱ xi tikónnda ndiꞌa nínga ndokjo̱a̱ eén Néná, kósꞌe̱ kisꞌijña, kó ngayeje xota̱ xi síndo ki̱a̱a̱ askotsijen ndá ndaá Kjisoo̱.

Rkaa̱ 5:3

Kó Kjisoo̱ tsꞌasꞌien ngi̱ya tjotso jee̱ nda̱ xi ꞌmí Ximoo̱, kó tsíꞌaá nga sa̱ngíńña chií ngi̱jin ndáfoaa̱, kó kisꞌijñaya ngi̱ya tjotso jee̱, kó ki̱a̱ ítsꞌi̱yanii̱ nga akóyaá xota̱ kjiín.

Juaa̱ 4:34

Ta̱nga Kjisoo̱, bi̱ katsó: –Ni chiniena, kuí boá nga chjiéngá sa̱ꞌinkjatjosón an ni xi mejeén xi katsangiyana, kó nga ka̱mando̱jo ni xi mejeén sa̱ꞌín kuí.

Juaa̱ 8:20

Kui nii̱ xi katsó Kjisoo̱, ki̱a̱ ngi̱ndie nínga boeꞌé to̱nchji̱e̱e̱, nga akóyá ndi̱tsen na̱ngo̱xi̱i̱, kó nde ngojín xi katsoboá, ngatꞌa̱ kji̱e̱ fochójín chi̱bo̱a̱a̱.

Juaa̱ 8:3

Kó já chji̱ni̱e̱kjo̱a̱kitii̱ ko̱jo já fariseoo̱, jachójo̱ ngo xota̱chjo̱on xí kamáyà má nga katsꞌéntꞌaa̱ kjo̱a̱ xi̱ꞌii̱n, sꞌe̱ íjñá ngamasiee̱n xotaa̱,

Ni xi kamá 5:21

Kó ngije tsintꞌié kuí nii̱, nga ꞌniú ta̱jño̱ó nga kamángindyiojón tsꞌasꞌien na̱ngo̱xi̱i̱ kó akóyá eén Néná. Kósꞌe̱, chináꞌmi xi ꞌniú nkꞌa xaá, ko̱jo xota̱ xi nijan síndojo̱, tsíchji̱a̱a̱ xota̱ xi xchá xí chji̱a̱ni Israee̱l, kó kamátikó ngayeje jáxaá, kó katsangiya jájuún nga kijíchjaꞌá já apostroo̱ nínga síndoyá ndo̱bo̱a̱ya̱à.