Juaa̱ 8:19 - Xo̱jo̱n eén Néná

¹⁹ Sꞌe̱ bi̱ katsó kui jaá: –Ñá tikón Na̱ꞌmíi̱ ꞌne̱. Kó Kjisoo̱, bi̱ katsó: –Nde an yàjínjnúꞌun, ti̱nde Na̱ꞌmina yàjínjnú, tsi yarajnúꞌun katsaki, ti̱ xcha̱ra̱jnú Na̱ꞌmina nga.

Juaa̱ 8:19 ပူးပေါင်းရင်းမြစ်များ

Matioo̱ 11:25

Kui ni̱xtjin jàn Kjisoo̱, bi̱ katsó: –An tjítsꞌèntsjaà Na̱ꞌmi, Ndi̱a̱a̱ ndiꞌakꞌajmii̱ ko̱jo tꞌanangii̱, ngatꞌa̱ kui nii̱ ikꞌíjñiꞌmíi̱ xota̱ xi kjínkoón ko̱jo xi makjiín, kó akakèe̱ jákjíndií.

Juaa̱ 1:10

Kui nga̱sondiee̱ kisꞌijña, kó kui nga̱sondiee̱ kamánda ngatꞌaa̱ kui, kó xotaa̱ kui nga̱sondiee̱, kamábejín tsi kui.

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 15:21

Ngayeje kui nii̱ xi sa̱ꞌínjo̱jnú xotaa̱ ta̱ngatꞌanii̱ jaꞌénna, ngatꞌa̱ bejín ꞌyání xi katsangiyana.

Juaa̱ 16:3

Kó kui nii̱ sa̱ꞌín ngatꞌa̱ bejínna, kó ti̱ bejín Na̱ꞌmina nga.

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Juaa̱ 7:28

Sꞌe̱ Kjisoo̱ nga tsꞌénbokoyá na̱ngo̱xi̱i̱, ꞌniú tsíchji̱a̱ nga bi̱ katsó: –Jún jè yàjnúꞌun, kó yàjnú ñá chji̱a̱ni an, ta̱nga jmí tsi kjo̱a̱a̱ an nga jéꞌe̱ an, jéꞌe̱ án kjo̱a̱a̱ nga ja̱koxi̱ xí katsangiyana, kui xi yàjínjnú jún.

1 Xota̱ Korinto̱ 15:34

Chjáxꞌájnú ndyikonjnú, kó ngata̱ niꞌánjéjínjnú, ngatꞌa̱ tjín ngi̱jinjnú xota̱ xi bejín ni xi tsi̱ꞌe̱ Néná, xiyà án kui nii̱ tsi̱ꞌe̱ nga soboá ka̱majnú.

Xota̱ Ngalasia̱ 4:9

Ta̱nga ngotꞌe̱ ꞌne̱, ngije yàjnú Néná, ko̱jo tsi Néná jè bejnú jún, kuíni nga, kótsꞌèn nga ti̱ ingo ndi̱yà nginí kongintjingíjnúu̱ kui ni xi jmíjiín ngaꞌniú ko̱jo ni xi jmí ni chjíjiín. A mejénjnú nga ti̱ ko̱tíxoma nginíjnú ne xi Nénájín.

Xota̱ Éfeso̱ 1:17

tsi̱ꞌe̱ nga kui Néná xí tsi̱ꞌe̱ Ndi̱a̱ná Jesukristoo̱, kui Na̱ꞌmi xi tjiín kjo̱a̱jee̱, ngatsjájnú A̱si̱énni̱xtjii̱n, tsi̱ꞌe̱ nga kꞌuiéjnú kjo̱a̱kjínkoón, ko̱jo nga ko̱kójnú kókón Néná.

Xota̱ Kolosa̱ 1:10

Bo̱a̱ ngatama tsi̱ꞌe̱ nga nda si̱ꞌánjnú xikó tsꞌén xota̱ xi tsi̱ꞌe̱ Ndi̱a̱ná, ko̱jo nga si̱ꞌánjnú ni xi tsja maa̱ Néná, ko̱jo nga si̱ꞌánjnú ngayeje to̱ko̱ya ni xi nda, ko̱jo nga nda ngase xcha̱jnú kókón Néná.

Xota̱ Kolosa̱ 1:15

Kjiꞌanga ndyi̱yà kókón Kristoo̱, ja̱ Néná xi májín yaa̱ xí ndyi̱yà kókón. Kristoo̱ boá xi ndií Néná xi tjón tikón ngindiee̱ nga kiniꞌánda ngayeje ni xi kiniꞌándaa̱.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

1 Xo̱jo̱o̱n Juaa̱ 2:23

Kó ta̱ ꞌyání xi tsꞌenjóꞌojín ndií, tikónjinjiín Na̱ꞌmii̱. Ta̱nga ta̱ ꞌyání xi ka̱tso̱yà nga Kjisoo̱ xi ndií Néná, ti̱ tikónjii̱n Na̱ꞌmii̱ nga.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.

2 Xo̱jo̱o̱n Juaa̱ 1:9

Ta̱ꞌyaní xi kjo̱a̱ꞌatjoón ni xi akóyá Kristoo̱, kó ki̱a̱jín kꞌuijñájin kui nii̱, tikónjinjiín Néná ngi̱jin ini̱ma̱a̱. Ta̱nga kui xota̱ xi ta̱kuítsí kjo̱a̱bokoyaá Kristoo̱ xi tsꞌénbokoyá, kuí boá xi̱ꞌba̱ xi tikónjii̱n ngi̱jin ini̱ma̱a̱ Néná xí Na̱ꞌmii̱ ko̱jo Ndií.