Juaa̱ 8:17 - Xo̱jo̱n eén Néná

¹⁷ Kó xo̱jo̱n kjo̱a̱kitijnú kjitꞌa, nga ni xi ka̱tso̱ jó chistiko̱, ja̱koxi̱ boá.

Juaa̱ 8:17 ပူးပေါင်းရင်းမြစ်များ

Xki̱ 35:30

»Chjiéngá si̱ꞌankꞌien kui xi sa̱ꞌínkꞌién ngo xota̱, kó nga jó ko̱jo tsi kjín ngase ka̱ma chistiko̱ xi ko̱óngítaꞌin. Tsi ta̱ ngo tsí ka̱ma chistikoo̱, chjiénjín nga si̱ꞌankꞌien.

Matioo̱ 18:16

Ta̱nga tsi ku̱i̱ntꞌiéꞌénjiín, tꞌenchín nginíi̱, kó tꞌenje̱ ji tsi ngo ko̱jo tsi jó xota̱, tsi̱ꞌe̱ nga tsi jó ko̱jo tsi ján chistiko̱ ka̱tso̱yà ni xi ka̱maa̱,

Juaa̱ 10:34

Sꞌe̱ bi̱ katsó nginí Kjisoo̱: –A kjitꞌajín ngi̱yaa̱ kjo̱a̱kitijnú nínga bi̱ tsó: “Án xí kixian an nga jún xi ne jún”.

Juaa̱ 15:25

Ta̱nga ngayeje kui nii̱ kjima, tsi̱ꞌe̱ nga kjifotjosón ni xi kjitꞌa xo̱jo̱n kjo̱a̱kitii̱ kui xotaa̱, xi bi̱ tsó: “Nde jmí kjo̱a̱jín nga katsꞌénchꞌóna.”

2 Xota̱ Korinto̱ 13:1

Kuí bí xi̱ꞌbi̱, xi ma jaán ndi̱yà nga kjuínkátsijenjnúꞌun. Ngayeje ni xi ka̱mandajin chjiéngá tsi jó ko̱jo tsi ján chistiko̱ xi si̱ꞌankjién nga ku̱i̱chji̱a̱ ni xi be.

Xota̱ Ngalasia̱ 3:24

Xikó tsꞌén ngo moso̱ nga kjíbéngí jákjíndií, bo̱a̱ tsꞌén kjo̱a̱kitii̱ nga fíjo̱ná ngindyi̱ko̱n Kristoo̱, tsi̱ꞌe̱ nga sꞌi̱jinná, kó bo̱a̱ tsꞌén nga kixi̱ ka̱ma ñá ngindyi̱ko̱n Néná.

Xota̱ Ngalasia̱ 4:21

Tꞌíyájnúꞌun jún, jún xi mejénjnú nga kjo̱a̱kitii̱ xi si̱ꞌankjatjosónjnú: A kji̱e̱ ndaꞌyájínjnúu̱ ni xi tjítꞌa kjo̱a̱kitii̱.

Ndeuteronomio̱ 17:6

»Ta̱nga jmí tsi ta̱ ngo tsí chistiko̱ xi ka̱mani tsi̱ꞌe̱ nga kꞌuiyá tsi ngo xota̱ si̱ꞌankꞌien. Ta̱ kjiꞌá tsí nga ka̱ma si̱ꞌankꞌien ngo xota̱ tsi jó, ko̱jo tsi ján má chistiko̱ xi kamábe kui ni xi kamaá.

Ndeuteronomio̱ 19:15

»Tsi̱ꞌe̱ nga kjongítaꞌin ngo xota̱ xi ini̱ma̱ katsꞌénkꞌién, chjiéngá tsi jó ko̱jo tsi ján ka̱ma chistiko̱ xi ko̱óngítaꞌii̱n. Tsi ta̱ ngo tsí ka̱ma chistikoo̱, jmí chjí ka̱májiín kui nii̱.

Xota̱ Ebreo̱ 10:28

Tsi tjín xí katsꞌénkjatjosónjín kjo̱a̱kitii̱ Moisee̱, kó nga jó ko̱jo tsi ján chistiko̱ xi yíngítaꞌin, kiniꞌánkjiesón tji̱ꞌni̱u̱ kuí xotaa̱, kó jmíjín xi ni̱ma̱ kamaá.

1 Xo̱jo̱o̱n Juaa̱ 5:9

Tsi niꞌánjo̱ꞌó ngo én xí chji̱a̱ ngo xota̱ xi chistiko̱, ja̱ chjí ngasenii̱ ni xi chji̱a̱ Néná, ngatꞌa̱ kuí nii̱ xi tsꞌénchji̱a̱ Néná, nga chistiko̱ kjima nga chji̱a̱ kjo̱a̱a̱ ndií.

Ni xi akakoo̱ 11:3

Kó án sangiya an jó chistiko̱ xi ko̱a̱ja̱ ńjño tokjuie, nga ka̱tso̱yà én xí án katsjáa̱ ngo mi̱ jó úchán ichítié ko̱jo tie ni̱xtjin.