Juaa̱ 8:14 - Xo̱jo̱n eén Néná

¹⁴ Sꞌe̱ Kjisoo̱, bi̱ katsó: –Ndatsi ti̱ an xi tsꞌen an chistiko̱ yojona kjo̱a̱a̱ an, chjírií ni xi xian an, ngatꞌa̱ be án ñá kjindibáni an, ko̱jo ñání tsꞌénfí an, ta̱nga jún yàjínjnú ñá kjindibá an, kó ñá tsꞌénfí an.

Juaa̱ 8:14 ပူးပေါင်းရင်းမြစ်များ

Énkjínkón 8:7

Ni ja̱koxi̱ boá xi xiánjnúꞌun, ngatꞌa̱ ni xi ndisoo̱, chꞌórií ndso̱ꞌba án,

Xki̱ 12:3

kó tsjajín kamaá ni xi tsintꞌié, ngatꞌa̱ Moisee̱ kuí boá xi ꞌniú ni̱ma̱kjo̱a̱ ngi̱jii̱n ngayeje xota̱ xi tjín nga̱sondiee̱.

Juaa̱ 10:15

xikótsꞌèn bena Na̱ꞌmina, an ti̱ bo̱a̱ ti̱ tsꞌén be an Na̱ꞌmina, kó an tsja an kjo̱a̱mindyionna ta̱ngatꞌanii̱ cho̱tsa̱nga̱na.

Juaa̱ 10:36

míkjo̱a̱a̱ nga kui nda̱ xi Néná xí Na̱ꞌmii̱ katsꞌéntsjie ko̱jo katsangiya kui nga̱sondiee̱, jún bi̱ ndyi̱ꞌmìjnúu̱: “Néná chꞌo tsoó”, ngatꞌa̱ bi̱ kixian an, nga an xi ndií Néná.

Juaa̱ 13:3

Kjisoo̱ ja̱bo̱a̱ jè be nga Na̱ꞌmii̱ katsjaá ngi̱ya tsja ngayeje nii̱, kó nga Néná jatjoni, ko̱jo nga ti̱ kuii̱ ko̱e̱je̱kon nginií,

Juaa̱ 14:10

A sꞌijinjiín nga Na̱ꞌmii̱ tikónjìi̱n, kó nga Na̱ꞌmii̱ tikónjinna an. Kó én xí chjiá an jmí tsi én xi tsa̱ꞌa̱n so̱bo̱a̱, tsi̱ꞌe̱ Na̱ꞌmi xi tikónjinna boá, kuí xí tsꞌén ngayeje nii̱.

Juaa̱ 16:28

Na̱ꞌmina xí katsangiyana, kó jéꞌe̱ an kui nga̱sondiee̱, kó kꞌuijñá ngiñá an kui nga̱sondiee̱, kó kjuínkón ngiñáa̱ Na̱ꞌmina.

Juaa̱ 17:8

Ngatꞌa̱ én xí katseꞌéní, jè katsjáa̱, kó iskjíbé, kó jè kamábe nga ja̱koxi̱ nga ji jatjoxiejinñaa̱, kó jè kisꞌijii̱n nga ji xi kanangiyení.

Juaa̱ 18:37

Sꞌe̱ bi̱ katsó nginí Pilatoo̱: –Áa̱n, ja̱ re jí tsobo̱a̱. Sꞌe̱ Kjisoo̱, bi̱ katsó: –Jí xí bo̱a̱ tꞌísé nga re an. Ja̱ kuí xá katsen an, kó ja̱ kuíni nga jéꞌe̱ an kui nga̱sondiee̱, tsi̱ꞌe̱ nga xiyà an ngayeje ni xi ja̱koxi̱i̱. Ngayeje xota̱ xi chji̱a̱ni ni xi ja̱koxi̱i̱, ntꞌié nda̱na.

Juaa̱ 5:31

Tsi ti̱ an xi tsꞌen an chistiko̱ yojona, jmí ni chjíjiín ni xi xian an.

Juaa̱ 8:42

Sꞌe̱ Kjisoo̱, bi̱ katsó: –Tsi ja̱koxi̱ nga Néná xí na̱ꞌmijnú, tjóra̱ si̱ꞌánjnúꞌun, ngatꞌa̱ Néná boá xi na̱ꞌmina, kó jéꞌe̱ an kꞌi̱e̱e̱, ngatꞌa̱ jéꞌe̱so̱bo̱a̱jín an, na̱ꞌmina boá xi katsangiyana.

2 Xota̱ Korinto̱ 11:31

Néná kui xi Na̱ꞌmii̱ Ndi̱a̱ná Jesukristoo̱ be nga ja̱koxi̱ boá ni xi tsꞌénchji̱a̱ an, kó kuí boá xi nganiꞌántsjaá ta̱ kjiꞌání.

2 Xota̱ Korinto̱ 12:11

Xikó maá tsi ngo nda̱ xi tsobeé kjima an, nga je ꞌboxié an yojona, ta̱nga jún xí kiniꞌánjnúꞌun kjo̱a̱ꞌniú nga bo̱a̱ katsꞌen an. Jún xí chjiéngá kiniꞌántsjájnúꞌun katsaki, ngatꞌa̱ jmí tsi chiboa ngase chjií an ta̱bo̱a̱jiín kui já xí apostro̱ yiꞌi ndyi̱tsoó yojoo̱, ndatsi bo̱a̱ xian an nga jmí ni chjíjiín an.

2 Xota̱ Korinto̱ 12:19

A ndyi̱niꞌánkjójnú nga ndyi̱chjiáꞌájne̱ jún ngo kjo̱a̱niꞌánjetakón. Ngindyi̱ko̱n Néná nga ngatꞌaa̱ Kristoo̱ nga ndokjo̱a̱jne̱. Jún xota̱ xi tjójne̱, ngayeje ni xi niꞌánjne̱ tsi̱ꞌe̱ nga tjisákó ngaꞌniújnú boá.

Ni xi akakoo̱ 1:5

ko̱jo xi katsangiya Jesukristoo̱, chistiko̱ xi ꞌniátakoón, kuí boá ndí tjón xi jaꞌáꞌyaá, ko̱jo xi tjiín xá nga botixómaá ngayeje re xi chji̱a̱ni tꞌanangii̱. Kristoo̱ tjoó ñá, kó kuí boá xi índondéná kjo̱a̱a̱ jéná nga iskjitjón jiín,

Ni xi akakoo̱ 3:14

Kó ti̱ bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Laondiseaa̱: “Bi̱ tsó kui xi ꞌmí Bo̱a̱ kjiꞌii̱, kui xi chistiko̱ xi ꞌniátakón ko̱jo xi ja̱koxi̱i̱, kui xi ta̱ngatꞌanii̱ kui nga Néná ítsꞌi̱yanii̱ nga katsꞌénda ngayeje nii̱: