Juaa̱ 8:12 - Xo̱jo̱n eén Néná

¹² Ti̱ ingo ndi̱yà tsíchji̱a̱jo nginí Kjisoo̱ xotaa̱, nga bi̱ katsoó: –Án boá ndiꞌí xí tsꞌentsíjee̱n xotaa̱ kui nga̱sondiee̱, xi ko̱e̱je̱tji̱ngina jmíni̱xtjin nga nínga jñó kjótsoꞌbá, ngatꞌa̱ kꞌuiérií ndiꞌí xí tsjá kjo̱a̱mindyioo̱n.

Juaa̱ 8:12 ပူးပေါင်းရင်းမြစ်များ

Joo̱b 33:28

Néná kꞌo̱xiéꞌá ini̱ma̱na tsi̱ꞌe̱ nga ko̱e̱je̱jín ngi̱ya nga̱tsjo̱ó, kó sku̱i̱e̱ nginí ndiꞌií”.

Xo̱jo̱n Salmoo̱ 18:28

Nga ja̱koxi̱, jí boá xi niꞌíntsijinní nga tikón an, Ji Ne, jí boá xi niꞌíntsijíi̱n ndi̱yà jñóna.

Xo̱jo̱n Salmoo̱ 49:19

ta̱nga nga kjo̱chó ni̱xtjin, ki̱a̱ ko̱e̱je̱ nínga síndo xi xchaá, kó ngiti̱ nginijánjín sku̱i̱e̱ ndiꞌií.

Xo̱jo̱n Salmoo̱ 97:11

Ndiꞌií boá xi tsꞌentsíjee̱n xota̱ xi kixi̱i̱, kó tsjaá kjo̱a̱tsja xota̱ xi kixi̱ síndo ini̱ma̱a̱.

Matioo̱ 5:14

Jún xí xikoó ndiꞌií nga̱sondiee̱. Ngo na̱xi̱ńdá xí tikón nga̱soón ngo tji̱ngi̱, ka̱májín kꞌuijñáꞌmá.

Rkaa̱ 2:32

kui xi xikoó ngo ndiꞌí xí sa̱ꞌíntsijee̱n xota̱ xi jundío̱jín, kui xi ka̱ma kjo̱a̱jee̱ xota̱ na̱xi̱ńdáa̱ Israee̱l.

Juaa̱ 12:35

Sꞌe̱ Kjisoo̱, bi̱ katsó: –Ta̱ ngi chiboa tsí ni̱xtjin nga tikónjinjnú ndiꞌií, tangínjnú tji̱e̱nga tikónjnú ndiꞌií, tsi̱ꞌe̱ nga jñoó sa̱kójiín jún, ngatꞌa̱ xi tjimá nga jñoó, bejín ñá ndyi̱fí.

Juaa̱ 12:36

Tji̱e̱nga tikónjnú ndiꞌií, sꞌijin ngatamajnú ndiꞌií, tsi̱ꞌe̱ nga ndií ndiꞌií ka̱majnú jún. Ngije katsó Kjisoo̱ kui nii̱, kijí, sꞌe̱ kisꞌijña ꞌmaa̱ kui xotaa̱.

Juaa̱ 12:46

Án xí jéꞌe̱ an xikoó ndiꞌií kui nga̱sondiee̱, tsi̱ꞌe̱ nga ngayeje xi sꞌi̱jii̱n an, kꞌuijñájñójín.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 3:19

Ta̱ngatꞌanii̱ kui nii̱ nga ka̱majéná: Ngatꞌa̱ ndiꞌií jeꞌe kui nga̱sondiee̱, ta̱nga xotaa̱ tjó ngase kamaá kjo̱a̱jñoó ta̱bo̱a̱jiín ndiꞌií, ngatꞌa̱ ndajínkjiꞌi ni xi katsꞌén kui xotaa̱.

Juaa̱ 7:17

tsi tjín xí mejeén sa̱ꞌínkjatjosón ni xi mejeén Néná, sku̱i̱e̱ tsi tsi̱ꞌe̱ Néná ni xi bokoyá an, ko̱jo tsi tsa̱ꞌa̱n.

Juaa̱ 9:5

Tji̱e̱nga tikòn an kui nga̱sondiee̱, án boá xi ndiꞌií kui nga̱sondiee̱.

Ni xi kamá 13:47

Ngatꞌa̱ bo̱a̱ tsꞌén katsangiyajne̱ Ndi̱a̱ná, nga bi̱ katsó: Ijñáñaá xikoó ngo ndiꞌí tsi̱ꞌe̱ ngayeje xota̱ xi tjín nga̱sondiee̱, tsi̱ꞌe̱ nga kꞌuiyée̱ kótsꞌèn kꞌoxiéꞌá an xota̱ xi síndo ngayeje són tꞌanangii̱.

Ni xi kamá 26:23

Nga Kristoo̱ chjiéngá ko̱yà, ta̱nga jaskan ngije kꞌien, kuí xí tjón ka̱ma nga kjo̱a̱ꞌáꞌyaá, kó nga kuí xí ku̱i̱ꞌíni̱jmì kjo̱a̱a̱ ndiꞌií, tsi̱ꞌe̱ nga kjo̱tjoꞌaa̱ yojoo̱ xota̱ na̱xi̱ńdaá ko̱jo xota̱ xi jundío̱jiín.

2 Xo̱jo̱o̱n Peé 2:17

Kui já xí ndyi̱ꞌboṉcha̱a̱ xikónií ndáńchꞌi̱ xi je kixíyà, ko̱jo xikónií ṉdi̱ xi ta̱xkiya fíjo̱ tjo̱o̱. Néná je íjñandaa̱ ngo ngi̱ndie nínga ꞌniú jñó tsi̱ꞌe̱ nga ki̱a̱ kꞌuíndo.

2 Xo̱jo̱o̱n Peé 2:4

Ngasꞌe̱ Néná katsꞌénjetakónjiín ndítsjie xi katsꞌénjeé, kó ta̱sá ki̱a̱ tsꞌajmijin ndo̱bo̱a̱ṉkꞌi̱e̱e̱n nga índo nínga tikón ndo̱bo̱a̱yà xí jñoó, ngaskande ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱.

1 Xo̱jo̱o̱n Juaa̱ 1:6

Tsi ndyi̱ꞌmì nga je kiniꞌángo yojoná ñá ko̱jo Néná, kó tsi ta̱kó nínga jñoó tindyión nga ndyi̱niꞌánjé, ndyi̱ꞌbindisó ñá, kó jmí tsi ni xi ja̱koxi̱i̱ xi ndyi̱niꞌán.

Xo̱jo̱o̱n Jundaa̱ 1:13

Xikónií nga ꞌboxié xó ngaꞌniuú ndáchíkoón, bo̱a̱ tsꞌén bokó kuí jaá ni xi ndajín xi tsꞌén xi chjiéngá tsja̱á kjo̱a̱soboá katsaki. Kui jaá xikónií ńño xi je kichajá ndi̱ya̱à. Jè ki̱a̱ chji̱a̱ni nínga ꞌniú jñoó ta̱ kjiꞌání.

Xo̱jo̱o̱n Jundaa̱ 1:6

Ti̱ bo̱a̱ ti̱ katsꞌénjo̱ kui ndítsjie xi kixi̱jín katsꞌénkjatjosón xaá, kui xi ta̱sá índomasien ngi̱ndiee̱, Néná síndoꞌniuú ngi̱ya ndo̱bo̱a̱yà xi jñó ko̱jo xi ngatsjéni̱xtjin, tsi̱ꞌe̱ nga ka̱majeé ni̱xtjin je, nga kꞌuiyá tsi nda ko̱jo tsi ndajín katsꞌén xotaa̱.

Ni xi akakoo̱ 21:24

Kó ngayeje xota̱ na̱xi̱ńdaá kꞌuitsómá nga sa̱ꞌíntsijee̱n ndiꞌí xí fotjoni kui na̱xi̱ńdáꞌniú jàn, kó ngayeje ree̱ tꞌanangii̱ kjo̱e̱ꞌéjoo̱ kjo̱a̱jee̱ kui na̱xi̱ńdaá.