Juaa̱ 7:39 - Xo̱jo̱n eén Néná

³⁹ Ta̱nga kui nii̱ katsó kjo̱a̱a̱ a̱siénni̱xtjin xi sa̱ko̱ó ngayeje xota̱ xi sꞌijii̱n kui. Nga kamá kui nii̱ kji̱e̱ sakójiín A̱si̱énni̱xtjii̱n Néná, ngatꞌa̱ kji̱e̱ boeꞌéjiín kjo̱a̱je nga si̱tꞌa kro, ko̱jo nga kjo̱a̱ꞌáꞌyaá Kjisoo̱.

Juaa̱ 7:39 ပူးပေါင်းရင်းမြစ်များ

Xo̱jo̱n Salmoo̱ 68:18

Kꞌinnijíngí ji nínga nkꞌaa̱, nga kꞌinje̱ ji xota̱ xi síndoꞌniuú, ki̱a̱ kachjábé jí kjo̱a̱tjó xi katsꞌénkꞌasꞌiee̱n xota̱ nga̱sondiee̱, kó ngaskande ko̱jo xota̱ xi kitikjo̱a̱a̱ katsꞌénkꞌasꞌiee̱n nga, kó ki̱a̱ kixindyinjìi̱n kui xotaa̱ ji Ne.

Énkjínkón 1:23

¡Tasiénijónjnúꞌun kjiꞌanga sa̱ꞌinchji̱ni̱e̱jnúꞌun! Án boá xi tsjajnúꞌun a̱si̱énni̱xtjinna, kó xiyàjnúꞌun ni xi tsꞌenkjó án ko̱jo énna.

Matioo̱ 16:14

Kó bi̱ katsó kui jaá: –Tjín xota̱ xi Jua̱ xi botíndaá boá tsó, kje̱ꞌe xí Eliyaa̱ boá tsó, kó kje̱ꞌe xí Jeremiyaa̱ boá tsó, kó ti̱ tjín káꞌá xota̱ xi ngo xò nda̱ chji̱ni̱e̱ꞌe̱én Néná tsó.

Matioo̱ 21:11

Kó xota̱ kjiín, bi̱ katsó: –¡Kjisoo̱, nda̱ chji̱ni̱e̱ꞌe̱én Néná boá, nda̱ xi chji̱a̱ni na̱xi̱ńdáꞌniú Nasaree̱t, nangii̱ Ngalilea̱!

Rkaa̱ 24:49

Kó ngotꞌe̱ ꞌne̱, sangiyájnúꞌun ni xi katsóyàtjón nga tsja̱a Na̱ꞌmina, ta̱nga kꞌi̱e̱ ti̱ndyiónjnú na̱xi̱ńdáꞌniú Jerusale̱n, ngaskande nga sa̱kójnú ngaꞌniú xí kji̱ndi̱báni ndiꞌakꞌajmi jàn.

Rkaa̱ 3:16

ta̱nga Juaa̱, bi̱ katsoó ngayeje kui xotaa̱: –An, nga ja̱koxi̱ ndáfoa xí botindá án, ta̱nga sꞌe̱ ndibá ngo xi tjín ngasee̱ ngaꞌniú ta̱bo̱a̱jiín án, kui xi ngaskande tsoboájínna nga an skjíndóo̱ ńꞌniuú tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xi ko̱tíndánijnú.

Rkaa̱ 7:16

Kó ngayeje xotaa̱ katsakjónní, sꞌe̱ katsjaá kjo̱a̱je Néná, nga bi̱ katsó: –Ngo nda̱ chji̱ni̱e̱ꞌe̱én Néná xí ꞌniú nkꞌa xaá jatjojinná. Kó tjín xi bi̱ katsó: –Néná jè kjoeꞌekoón xota̱ na̱xi̱ńdá xí tsi̱ꞌe̱.

Juaa̱ 1:21

Kó bi̱ kiꞌmií nga akasíyaá: –Ja̱, a jí xí Eliyaa̱ ji tsobo̱a̱. Kó bi̱ katsó Juaa̱: –Jmí, ánjín bo̱a̱. Sꞌe̱ bi̱ tsꞌén akasíyá nginií: –A jí xí chji̱ni̱e̱ꞌe̱én Néná jí. Sꞌe̱ bi̱ katsó. –Jmí.

Juaa̱ 1:25

Kó asíyaá Juaa̱, nga bi̱ katsoó: –Ja̱ kó míkjo̱a̱a̱ nga botíndé jí, tsi jijín xi Kristoo̱, tsi jijín xi Eliyaa̱, ti̱nde jijín xi ngo nda̱ chji̱ni̱e̱ꞌe̱én Néná xi kjo̱e̱ꞌe̱é.

Juaa̱ 1:33

Kó nde bejín an ꞌyání kui, ta̱nga kui xi katsangiyana nga ndáfoa tsꞌénbotindá án, bi̱ katsóna: “Kui xi xchi̱e̱ ji nga kjo̱tjajennié A̱si̱énni̱xtjii̱n kó nga ki̱a̱ kꞌuijñájíi̱n, kuí xi̱ꞌba̱ xi A̱si̱énni̱xtjii̱n Néná xí ko̱tíndání.”

Juaa̱ 12:16

Nga tjón tjón kamákjínjiín kui nii̱ xota̱ tsi̱ꞌe̱ Kjisoo̱, ta̱nga ngije kamábe nga katseꞌeé kjo̱a̱je, kjiꞌa kjin jaꞌátsjiee̱n ko̱jo kamákjiín nga jatjosón ni xi kjitꞌa xo̱jo̱o̱n kjo̱a̱a̱ kui, ko̱jo nga kui nii̱ kiniꞌaán.

Juaa̱ 12:23

Sꞌe̱ Kjisoo̱, bi̱ katsó: –Jè jachó chi̱bo̱a̱ nga ko̱e̱ꞌeé kjo̱a̱je ndií nda̱ xi̱ꞌii̱n.

Juaa̱ 14:13

kó ngayeje ni xi chji̱e̱ꞌèe̱ Na̱ꞌmii̱ ngajona, sa̱ꞌin an, tsi̱ꞌe̱ nga xcha̱ kjo̱a̱jee̱ Na̱ꞌmii̱ kjiꞌanga xcha̱ ni xi sa̱ꞌín ndií.

Juaa̱ 14:26

Ta̱nga kuí A̱si̱énni̱xtjii̱n Néná xi sa̱ꞌíndajonjnú, xi ngajona nga sa̱ngíyá Na̱ꞌmina, kuí xí ko̱kóyájnú ngayeje kui nii̱, kó sa̱ꞌínkjaꞌátsjienjnú ngayeje ni xi je kixiyajnúꞌun.

Juaa̱ 16:14

Kuí xí ko̱kó kjo̱a̱jena, ngatꞌa̱ sa̱ko̱ó ni xi tsa̱ꞌa̱n, kó kuí xí ka̱tso̱yàjnú.

Juaa̱ 16:7

Ta̱nga ni ja̱koxi̱ xí tꞌíxiánjnúꞌun: Ta̱sá nda ka̱majnú nga kjuín án, ngatꞌa̱ tsi kjuínjín an, kui xi sa̱ꞌíndajonjnú kjo̱e̱ꞌekónjínjnú, ta̱nga tsi kjuín án, án xí sangiya an.

Juaa̱ 17:1

Kui nii̱ xi tsíchji̱a̱ Kjisoo̱, kó askotsijen ndiꞌakꞌajmi jàn, sꞌe̱ bi̱ katsó: –Na̱ꞌmi, jè jachó chi̱bo̱a̱, takèe̱ xotaa̱ kjo̱a̱jee̱ ndíi̱, tsi̱ꞌe̱ nga ndíi̱ ko̱ko̱ó xotaa̱ kjo̱a̱je tse̱,

Juaa̱ 17:5

Ngotꞌe̱ ꞌne̱ Na̱ꞌmi, tꞌa nínga tindyin jí, te̱ꞌéní kjo̱a̱je xi kisꞌiena nga kisꞌijñajoo̱, ngindiee̱ nga kamánda kui nga̱sondiee̱.

Juaa̱ 20:22

Kó ngije bo̱a̱ katsó, askjonomójón xotaa̱, kó bi̱ katsoó: –Chjábéjnú A̱si̱énni̱xtjii̱n Néná.

Juaa̱ 6:14

Kósꞌe̱ nga kamábe kui jaá kui chi̱bo̱a̱ xi katsꞌén Kjisoo̱, bi̱ katsó: –Ja̱koxi̱ boá nga kui nda̱a̱ xi nda̱ chji̱ni̱e̱ꞌe̱én Néná kui xi kjo̱e̱ꞌe kuí nga̱sondiee̱.

Juaa̱ 7:12

Kó xotaa̱ tsíchji̱a̱ kjo̱a̱a̱ Kjisoo̱, kó tjín xí bi̱ katsó: “Ndaxota̱”, ta̱nga tjín xí bi̱ katsó: “Jmí, xota̱ tsꞌénꞌboṉcha̱jo.”

Juaa̱ 8:54

Sꞌe̱ Kjisoo̱, bi̱ katsó: –Tsi ti̱ an tsjàa̱ kjo̱a̱je yojona, jmí ni chjíjiín ni xi tsꞌen an, ta̱nga Na̱ꞌmina boá xi tsjána kjo̱a̱je, kó kuí boá kui xi jún Nejne̱ ndyi̱ꞌmìjnúu̱,

Ni xi kamá 19:2

xi bi̱ katsoó nga asíyaá: –A kisꞌijñajinjnú jún A̱si̱énni̱xtjii̱n Néná kjiꞌa ngije kisꞌijinjnú eén Néná. Kó kui xotaa̱, bi̱ katsó: –Nde kji̱e̱ chií ndaꞌyájne̱ kjo̱a̱a̱ A̱si̱énni̱xtjii̱n Néná.

Ni xi kamá 2:17

Bi̱ ka̱ma nga kju̱i̱e̱tꞌa ni̱xtjii̱n, tsó Néná, skjitjónjón an A̱si̱énni̱xtjinna ngayeje xota̱, ndí xíꞌínjnú ko̱jo ndí ínchjínjnú ku̱i̱chji̱a̱ xikoó chji̱ni̱e̱ꞌénna, jákjíndí xo̱ngòjnú kjín to̱ko̱ya ni ko̱ko̱ó, kó xota̱ xi xchaá ngi̱jin ńjñaá ko̱e̱ꞌéchinii̱.

Ni xi kamá 2:33

Kuíni nga kiniꞌándikón nga ki̱a̱ tsja fojnií Néná tikón, kó ngije Na̱ꞌmii̱ katsjaá A̱si̱énni̱xtjii̱n Néná xi katsóyàtjón nga tsja̱á, kó kui nii̱ xi ndyi̱yajnú ko̱jo xi ndyi̱ndaꞌyájnú.

Ni xi kamá 2:38

Kó Peé, bi̱ katsoó kui jaá: –Ti̱ꞌankꞌoyàjnú yojojnú, kó jaꞌeén Jesukristoo̱ nga niꞌánkjién nga satíndájnú nga ngo nga ngojnú, tsi̱ꞌe̱ nga Néná sa̱ꞌínjetakoón jéjnú, kó bo̱a̱ tsꞌén sa̱kójnú A̱siénni̱xtjin xi Néná tsja̱ajnú.

Ni xi kamá 2:4

kó ngayejee̱ nga tsꞌasꞌieén A̱si̱énni̱xtjii̱n Néná, kó ítsꞌi̱yanii̱ nga tsíchji̱a̱ ja̱ kje̱ꞌe ja̱ kje̱ꞌe én, xikótsꞌèn katsjaá A̱si̱énni̱xtjii̱n Néná nga ku̱i̱chji̱a̱.

Ni xi kamá 3:13

Néná xí tsi̱ꞌe̱ Abraa̱n, ko̱jo xi tsi̱ꞌe̱ Isaa̱, ko̱jo xi tsi̱ꞌe̱ Jako̱b, Néná xí tsi̱ꞌe̱ xota̱ tji̱e̱ xcháná, kui xi katsjaá kjo̱a̱je Kjisoo̱, kui xi ndií, kui nda̱ xi jún kiniꞌánkꞌasꞌienjnú ko̱jo xi kiniꞌánchꞌójnú ngindyi̱ko̱n xtitjón Pilatoo̱, kjiꞌanga ja̱bo̱a̱ je bo̱a̱ katsó nga ku̱i̱ꞌíjñandé.

Ni xi kamá 4:31

Kó ngije kamaá nga tsíchji̱a̱a̱ Néná, ngi̱ndie nínga síndotikó jatsié, kó ngayeje kui xotaa̱ tsꞌasꞌieén A̱si̱énni̱xtjii̱n Néná, kó nde ngiti̱ jmí ndikón kisꞌiejínnii̱ nga tsíchji̱a̱ eén Néná.

Xota̱ Roma̱ 8:9

Ta̱nga jún je ngiti̱ bo̱a̱jín tsꞌén tindyiónjnú xikoó xotaa̱ kui nga̱sondiee̱, tindyiónjnú xikoó ni xi tsi̱ꞌe̱ A̱si̱énni̱xtjii̱n, ngatꞌa̱ A̱si̱énni̱xtjii̱n Néná tikónjinjnú. Ta̱nga tsi tjín xota̱ xi jmíjiín A̱si̱énni̱xtjii̱n Kristoo̱, Kristoo̱jín chji̱a̱ni.

2 Xota̱ Korinto̱ 3:8

kó kótsꞌèn nga jejín ngase ka̱ma kjo̱a̱jee̱ ni xi tsꞌén A̱si̱énni̱xtjii̱n Néná.

Xota̱ Éfeso̱ 4:30

Ngata̱ niꞌándasénjínjnúu̱ A̱si̱énni̱xtjii̱n Néná, kui xi katseꞌéjnú tsi̱ꞌe̱ nga xcha̱ nga kjo̱tjoꞌajnú ni̱xtjin nga ku̱i̱ndyiondéjnúu̱ jeé ngatsjéni̱xtjin.