Juaa̱ 7:37 - Xo̱jo̱n eén Néná

³⁷ Kó ni̱xtjin nga kjifetꞌa sꞌué xí ꞌboxié kui xotaa̱, Kjisoo̱ kasasienkixi̱, sꞌe̱ ꞌniú tsíchji̱a̱, nga bi̱ katsó: –Tsi tjín xí xíndaá, ngatjandibakónna tsi̱ꞌe̱ nga ngiti̱ ka̱ma xíndájiín.

Juaa̱ 7:37 ပူးပေါင်းရင်းမြစ်များ

Xo̱jo̱n Salmoo̱ 143:6

¡Mejen an ndsa̱ án xtji̱e̱e̱n nínga tindyin ji, ngata̱ achichí chjiénna ji, xikó má tsꞌén chjieén ndáfoaa̱ tꞌanangi kixií!

Xo̱jo̱n Salmoo̱ 42:2

Ini̱ma̱na xíndaá nga mejeén sku̱i̱e̱ Néná, kui Néná xí tikoón. Kjiꞌání nga kjuín án na̱ngo̱xi̱i̱, kó kjóchó an ngindyikin ji.

Xo̱jo̱n Salmoo̱ 63:1

Ji Ne, jí boá xi Néna ma ji. Achichí nda̱ kjimana nga kongasee ji, kjiꞌmeyà má an kjo̱a̱a̱ ji, kó ini̱ma̱na mejeén sku̱i̱e̱e̱, bo̱a̱ má mána xikoó ngo xi mongase ndáfoa ki̱a̱ nangi xi sibé ko̱jo xi kixií, kó sakójiín.

Énkjínkón 1:20

Kjo̱a̱kjínkoón tsꞌénkjandayá ngi̱ya ndi̱yàtié ko̱jo ndi̱tse̱e̱n.

Énkjínkón 8:1

¡Kjo̱a̱kjínkoón tsꞌénchji̱a̱! ¡Tsꞌénkjandayá má nga tsꞌénchji̱a̱ kjo̱a̱kjíntakoón!

Énkjínkón 8:17

Tsꞌentjó an xota̱ xi tsꞌéntjóna an, kó tsja mana nga sakoó an ngayeje xota̱ xi ja̱koxi̱ nga an mongasena.

Énkjínkón 8:3

Ki̱a̱ bosién tꞌa nga̱ntjo̱a̱a̱ jee̱, ki̱a̱ nínga bitjasꞌi̱e̱nnii̱ na̱xi̱ńdáꞌniuú, kó ꞌniú kjandayà nga bi̱ tsó:

Énkjínkón 9:3

katsangiya chji̱ni̱e̱ꞌe̱én xí ínchjiín, ki̱a̱ xtji̱e̱e̱n nínga nkꞌaa̱ na̱xi̱ńdaá, tsi̱ꞌe̱ nga ndeskande ki̱a̱a̱ bi̱ ka̱tso̱ nga skja̱ndáyà:

Én xí nda xi ꞌniú tsjatsó ngasee̱ 5:1

Jè jéꞌe̱ an ngi̱ndie nínga tjitji̱e̱na nii̱, ji ndí ndíchja, ji ndí chjo̱onna. Jè jaꞌatikó án mirraa̱ ko̱jo tosijee̱n, jè iskjíni̱e̱ an ntsjién xí ndyi̱a̱ ndo̱bo̱a̱ cho̱ndo̱ꞌo̱sieèn, jè katsꞌe an binoo̱, ko̱jo ntsjeén. ¡Yàjnú já amingo̱ xi tjóna, chi̱ni̱e̱jnú ko̱jo tꞌi̱o̱jnú ngaskande nga nda stsi̱e̱jnú!

Xki̱ 29:35

»Ni̱xtjin xi ma jii̱n, ngojín xota̱ xi síndo na̱xi̱ńdá Israee̱l xi sa̱ꞌínxá, ta̱sá ngayeje xota̱ na̱xi̱ńdá ngatamatikó tsi̱ꞌe̱ nga an sa̱ꞌíndikónna. »Kó ko̱jo kui kjo̱a̱tjó xi je sa̱ꞌínkꞌasꞌienna ndyiojón ndyiojoón, kui ni̱xtjii̱n ti̱ sa̱ꞌínkꞌiénna ko̱jo ku̱i̱ꞌítína ngo cho̱yojo toro̱, ngo cho̱tsa̱nga̱ xi jaꞌatji ndi̱ja̱a̱, ko̱jo yito ndií cho̱tsa̱nga̱ xi ngo noó xi ndakón. »Kui cho̱yojo toroo̱ chjiéngá nijan sa̱ꞌínkꞌasꞌienna jun kilo̱ ndso̱ko̱a̱n ṉño̱pan xi nda ngasee̱ xi je kiniꞌánda̱ꞌyo̱ni isti̱, kó kui cho̱tsa̱nga̱ xi jaꞌatji ndi̱ja̱a̱ nijan sa̱ꞌínkꞌasꞌienna nijón kilo̱ ndso̱ko̱a̱n ṉño̱pan, kó nga ngo nga ngo kui ndií cho̱tsa̱nga̱a̱ nijan sa̱ꞌínkꞌasꞌienna jó kilo̱ ndso̱ko̱a̱n ṉño̱pan. »Kó ti̱ sa̱ꞌínkꞌasꞌienna ngo kjo̱a̱tjó xi ngo tindso̱ nga, tsi̱ꞌe̱ nga an, kui xi Nee̱ kui xotaa̱, sa̱ꞌinjetakóo̱n jeé. Bo̱a̱ tsꞌén nga tsja mana nga sa̱ꞌínkꞌasꞌienna kui kjo̱a̱tjoó.

Matioo̱ 11:28

Ndibáchonjnúꞌun ngayejejnú jún xota̱ xi je jendajnú nga kiniꞌánxájnú, ko̱jo xi ni xi é kichꞌiájnú, kó án xí sa̱ꞌin an nga si̱ꞌankjaꞌyájnú.

Matioo̱ 3:3

Ngatꞌa̱ kuí ni xi̱ꞌbi̱ xi tsíchji̱a̱ nda̱ chji̱ni̱e̱ꞌe̱én Néná xi ꞌmí Isayaa̱, nga bi̱ katsó: Ndaꞌyaá ngo nda̱ xi kjandayà nangi kixií, xi bi̱ tsó: «Tꞌíjñandajnúu̱ ndi̱ya̱à Ndi̱a̱a̱, ti̱ꞌankixi̱jnú ndi̱ya̱à kui.»

Matioo̱ 5:6

Achichíra̱tsjaa̱ xota̱ xi bojó, ko̱jo xi xíndaá nga kixi̱ si̱ꞌansee̱n, ngatꞌa̱ kuí xí stsi̱e̱é.

Juaa̱ 1:23

Kó bi̱ katsó Juaa̱: –Án boá nda̱a̱ kui nda̱ xi kandaꞌyáa̱ nangi kixií, xi bi̱ tsoó: “Ti̱ꞌankixi̱jnú ndi̱ya̱à Ndi̱a̱a̱”, xikó katsó nda̱ chji̱ni̱e̱ꞌe̱én Néná xi ꞌmí Isayaa̱.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 4:10

Sꞌe̱ Kjisoo̱, bi̱ katsó: –Tsi yera ji kjo̱a̱ndaa̱ Néná, ko̱jo tsi yera ji ꞌyání xi bi̱ tjítsoó: “Chií ndáfoa te̱ꞌéní”, jira̱ xi chji̱e̱ꞌèe̱, kó kuí xí tsja̱á ndáfoa xi tsjaá kjo̱a̱mindyion xotaa̱.

Juaa̱ 4:11

Kósꞌe̱ bi̱ katsó kui xota̱chjo̱on: –Ndi̱a̱, ta̱nga nde ni xi ko̱ꞌna̱xiéje̱ ji ndáfoaa̱ jmíjiín, kó achichí na̱nga̱ ndáńchꞌií kó, ñá tikoón ndáfoa xi tsja̱aná kjo̱a̱mindyion.

Juaa̱ 4:14

ta̱nga xi kꞌuí kui ndáfoa xi tsjàa̱, nginijánjín ka̱ma xíndaá, ngatꞌa̱ kui ndáfoa xi tsjàa̱, kuí boá xi ngo ndáńchꞌi̱ xi kjo̱tjoo̱ ndáfoa xi tsjaá kjo̱a̱mindyion ngatsjéni̱xtjii̱n xotaa̱.

Juaa̱ 5:40

kó mejénjínjnú nga kꞌi̱e̱ kjoéꞌe̱chonjnúꞌun tsi̱ꞌe̱ nga kꞌuiéjínjnú kjo̱a̱mindyioo̱n.

Juaa̱ 6:35

Sꞌe̱ Kjisoo̱, bi̱ katsó: –Án boá kui pan xi tsjá kjo̱a̱mindyioo̱n, xi kjo̱e̱ꞌe̱kónna ngiti̱ ingojín ni̱xtjin nga ka̱ma bojoó, kó xi sa̱ꞌínsꞌijinna, nginijánjín ka̱ma xíndaá.

Juaa̱ 6:37

Ngayeje xota̱ xi je jaꞌájin Na̱ꞌmina, kji̱ndi̱bákónna, kó xi kji̱ndi̱bákónna sa̱ꞌinchꞌójín an,

Juaa̱ 6:55

Ngatꞌa̱ yojona, nichinie ja̱koxi̱ boá, kó jínna ni ꞌyó ja̱koxi̱ boá.

Juaa̱ 7:28

Sꞌe̱ Kjisoo̱ nga tsꞌénbokoyá na̱ngo̱xi̱i̱, ꞌniú tsíchji̱a̱ nga bi̱ katsó: –Jún jè yàjnúꞌun, kó yàjnú ñá chji̱a̱ni an, ta̱nga jmí tsi kjo̱a̱a̱ an nga jéꞌe̱ an, jéꞌe̱ án kjo̱a̱a̱ nga ja̱koxi̱ xí katsangiyana, kui xi yàjínjnú jún.

1 Xota̱ Korinto̱ 10:21

Ka̱májín sꞌi̱o̱yàjnú chi̱tse̱én Ndi̱a̱ná, sꞌe̱ ti̱ sꞌi̱o̱yàjnú chi̱tse̱én xindajín nga, ti̱nde ka̱májín yámíxa̱a̱ Ndi̱a̱ná ku̱i̱ndyiontꞌajnú, sꞌe̱ ti̱ ku̱i̱ndyiontꞌajnú yámíxa̱a̱ xindajín nga.

1 Xota̱ Korinto̱ 10:4

ko̱jo ta̱ ngo tsí ni ꞌyó xi katsꞌe xi Néná katsjaá. Ngatꞌa̱ kuí xí katsꞌe kui ndáfoa xi jatjoo̱ kui ndi̱jo̱je xi Néná katsjaá, kó kui ndi̱jo̱o̱ kuí xí Kristoo̱, xi kistsoꞌbátji̱ngii̱.

1 Xota̱ Korinto̱ 11:25

Ti̱ bo̱a̱ ti̱ tsꞌén, ngije iskjinie nichiniee̱, iskjíbé chi̱tse̱én, kó bi̱ katsó: “Kui chi̱tsen xí ndyi̱a̱ jínna, kuí xí bokó kjo̱a̱ꞌbínda tja̱tsi̱e̱ xi katsꞌén Néná ko̱jo xota̱ tsi̱ꞌe̱, kui nii̱ xi ti̱ꞌánjnú, ta̱ xikó tjín ndi̱yà sꞌi̱o̱jnú, tsi̱ꞌe̱ nga kjo̱a̱ꞌátsjienjnú án.”

1 Xota̱ Korinto̱ 12:13

Ngatꞌa̱ ta̱ ngo tsí A̱si̱énni̱xtjii̱n Néná xi kastindá ngayeje ñá, kó ngayeje ñá nga katseꞌéná nga kiꞌyó ti̱ kui A̱si̱énni̱xtjii̱n, kó bo̱a̱ tsꞌén nga ta̱ ngo yojo kamá, tsi xota̱ jundío̱, ko̱jo tsi xota̱ xi jundío̱jín, tsi moso̱ xi kastiñá, ko̱jo tsi xota̱ xi tjimándé.

Xota̱ Éfeso̱ 5:18

Ngata̱ niꞌánchꞌi̱jínjnú yojojnú, ngatꞌa̱ xaán xí tsꞌén nga niꞌán ta̱jmì niní, ta̱sá ngasꞌikitsienijnú A̱si̱énni̱xtjii̱n Néná,

Ni xi akakoo̱ 21:6

Kó bi̱ katsóna: –Jè kamá ngayeje nii̱. Án boá xi alfaa̱ ko̱jo xi omengaa̱, xi tjón ko̱jo xi fetꞌaa̱. Kó xi xíndaá, án xí ta̱ tsjañáa̱ nga kꞌuí ndáfoaa̱ kjo̱a̱mindyioo̱n.

Ni xi akakoo̱ 22:1

Kó akóna ngo ndejèꞌ xi tsjie, kui xi tjiín ndáfoaa̱ kjo̱a̱mindyioo̱n xi tikón ꞌna̱ ꞌna̱ xikoó ngo chi̱tsen, kó ki̱a̱ jatjoni nínga tikón kui Néná xí botixómaá ko̱jo cho̱tsa̱nga̱a̱.

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.