Juaa̱ 7:35 - Xo̱jo̱n eén Néná

³⁵ Sꞌe̱ bi̱ katsoó xkjín xota̱ jundíoo̱: –Ñání tsꞌénfí kui nda̱a̱ nga ka̱májínná sa̱kóná. A tsꞌénkjó nga ki̱a̱ ko̱e̱je̱ nínga síndo xota̱ jundíoo̱ xi chji̱a̱ni kje̱ꞌe na̱xi̱ńdá, sꞌe̱ ko̱kóyaá xota̱ ngriengoo̱.

Juaa̱ 7:35 ပူးပေါင်းရင်းမြစ်များ

Xo̱jo̱n Salmoo̱ 147:2

Néná boá xi je katsꞌéndaya nginí na̱xi̱ńdáꞌniú Jerusale̱n. Néná boá xi katsꞌénkjindibaꞌóyá nginí xota̱ Israee̱l kui xi xota̱ Babiloniaa̱ kijíjo̱ꞌniú mára.

Matioo̱ 12:21

Kó xota̱ xi jundío̱jín skoyaá ni xi nda ngi̱yaa̱ jaꞌeén.

Rkaa̱ 2:32

kui xi xikoó ngo ndiꞌí xí sa̱ꞌíntsijee̱n xota̱ xi jundío̱jín, kui xi ka̱ma kjo̱a̱jee̱ xota̱ na̱xi̱ńdáa̱ Israee̱l.

Juaa̱ 12:20

Kó ki̱a̱ ngi̱jii̱n xota̱ xi kijí na̱xi̱ńdáꞌniú Jerusale̱n, nga kijítsꞌéndíkón kui sꞌué paskuaa̱ tjimájin xota̱ ngriengo̱.

Juaa̱ 7:1

Ngije kamá kui nii̱, Kjisoo̱ kistsoꞌbá nangi Ngalilea̱, ngatꞌa̱ kamámejénjiín kijí xtji̱e̱e̱n nangi Jundea̱, ngatꞌa̱ já ngito̱ko̱o̱ xota̱ jundíoo̱ kamámejeén katsꞌénkꞌién.

Juaa̱ 8:22

Kósꞌe̱ bi̱ katsó já jundíoo̱: –A sa̱ꞌínkꞌiénjínrá yojoo̱, ngatꞌa̱ nga bi̱ tsó: Nínga tsꞌénfí an, ka̱májín kongínjnú.

Ni xi kamá 11:18

Kó ngije tsintꞌié kuí nii̱ xota̱ na̱ngo̱xi̱ xi chji̱a̱ni na̱xi̱ńdáꞌniú Jerusale̱n, xioó kisꞌińdo, kó katsjaá kjo̱a̱je Néná nga bi̱ katsó: –¡Ko̱jo kui xota̱ xi Israee̱ljín katsjaá Néná nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn tsi̱ꞌe̱ nga kꞌuieé kjo̱a̱mindyion!

Ni xi kamá 11:20

Ta̱nga tjín já xí sꞌijii̱n Néná xi chji̱a̱ni tji̱ngi̱ Chipre̱, ko̱jo na̱xi̱ńdáꞌniú Sirene̱ xi jachó na̱xi̱ńdáꞌniú Antiokiya̱, kó tsíchji̱a̱jo xota̱ xi chji̱a̱ én ngriengo̱ nga íni̱jmi̱ì éntjatsi̱e̱e̱ Ndi̱a̱ná Kjisoo̱.

Ni xi kamá 14:1

Nga jachó Pabloo̱ ko̱jo Bernabee̱ na̱xi̱ńdáꞌniú Ikonio̱, tsꞌasꞌien nga joó ngi̱ya ndiꞌa nínga ndokjo̱a̱ eén Néná xí chji̱a̱ni já jundíoo̱, kó ki̱a̱ tsíchji̱a̱jo xotaa̱, kjo̱a̱a̱ Kjisoo̱, kó kjín má xota̱ xi kisꞌijii̱n xi jundío̱ ko̱jo xi chji̱a̱ én ngriengo̱.

Ni xi kamá 17:4

Kó tjín xota̱ jundío̱ xi kisꞌijii̱n, kó nijan kamájo̱ Pabloo̱ ko̱jo Silaa̱, kó ti̱ bo̱a̱ ti̱ tsꞌén kjín xota̱ ngriengo̱ xi kamábendikón Néná, ko̱jo achichí ínchjín xi ꞌniú ya kui ngi̱ndiee̱.

Ni xi kamá 18:4

Kó xki̱ ni̱xtjin ndikón Pabloo̱ fí ki̱a̱ ngi̱ya ndiꞌa nínga ndokjo̱a̱ eén Néná, nínga tsíchji̱a̱jo, ko̱jo katsꞌénꞌindakon tsi̱ꞌe̱ nga sꞌi̱jii̱n eén Néná xota̱ xi jundío̱ ko̱jo xi ngriengo̱.

Ni xi kamá 21:21

Kó tjíniꞌánkintꞌiè kjo̱a̱a̱ ji xota̱ xi jundío̱ xi síndo ngi̱jii̱n xota̱ xi jundío̱jín, nga ngayejee̱ nga tibokoyée̱ nga ku̱i̱ꞌíjñátꞌaxín kjo̱a̱kitii̱ Moisee̱, kó bo̱a̱ tꞌísée̱ nga ka̱májín sa̱ꞌiín sirkunsisioo̱n jákjíndií, ti̱nde ka̱májín sa̱ꞌín kjo̱a̱xchá xí tjínná.

Ni xi kamá 22:21

Kó Néná bi̱ katsóna: “Jè ka̱ma kꞌuin ji ꞌne̱, ngatꞌa̱ kjin nangi nínga sangiyaa ji nínga síndo xota̱ xi jundío̱jín.”

Xota̱ Roma̱ 1:16

Ngatꞌa̱ soboájín mána kjo̱a̱a̱ éntjatsi̱e̱e̱ Néná xí ꞌbini̱jmì án, ngatꞌa̱ kuí xí ngaꞌniuú Néná tsi̱ꞌe̱ nga kjo̱tjoꞌa ngayeje xota̱ xi sꞌijii̱n, tsi xota̱ xi jundío̱ ko̱jo tsi xota̱ xi jundío̱jín.

Xota̱ Éfeso̱ 3:8

An xí achichí chichí ngase an ngi̱jii̱n xota̱ tsjiee̱ Néná, ta̱nga an katseꞌéna kui kjo̱a̱ndaa̱ nga kꞌuini̱jmìi̱ xota̱ xi jundío̱jiín, éntjatsi̱e̱e̱ kjo̱a̱cho̱n tsiee̱ Kristoo̱ xi jmíjín xi makjín yejee̱.

Xota̱ Kolosa̱ 1:27

Néná kamámejeén akoó kui xotaa̱, kókjiꞌi kjo̱a̱cho̱o̱n kjo̱a̱jee̱ ni xi tjiꞌmaá ngi̱jii̱n xota̱ xi tjín ngayeje nga̱sondiee̱, kó kui ni xi tjiꞌmá xi tjisꞌíjñátsijen ngotꞌe̱ kuí boá Kristo̱ xi tikónjinjnú, kó ta̱ngatꞌaa̱ kuí boá nga ndyi̱chiyájnú nga sa̱kójnú kjo̱a̱je.

1 Timoo̱ 2:7

Kó kuíni nga Néná, an katsꞌénna ngo xi ꞌbini̱jmì éntjatsi̱e̱e̱. An xi apostro̱ an, ja̱koxi̱ boá ni xi tꞌíxián an, jmí tsi tsꞌénꞌbindiso an, kó án boá xi mostroo̱ xota̱ xi jundío̱jín, tsi̱ꞌe̱ nga kokoyáa̱ kjo̱a̱sꞌijin xi ja̱koxi̱i̱.

2 Timoo̱ 1:11

Néná katsjáxána tsi̱ꞌe̱ nga ka̱ma an ngo xi ku̱i̱ꞌíni̱jmì éntjatsi̱e̱e̱, ngo apostro̱ ko̱jo ngo mostro̱.

Xo̱jo̱o̱n Sandiyaá 1:1

Án boá xi ꞌmína Sandiyá, mosoo̱ Néná xí Na̱ꞌmii̱ ko̱jo Ndi̱a̱ná Jesukristoo̱, tsꞌentindejnúꞌun jún xi tiejó xota̱ tji̱e̱e̱ Israee̱l xi kastsojoboajnú ngayeje són nga̱sondiee̱.

1 Xo̱jo̱o̱n Peé 1:1

Án boá xi Peé, nda̱ apostroo̱ Jesukristoo̱, tsꞌentindejnúꞌun ngayeje jún xota̱ xi Néná je jaꞌájinjnú xi xín nangi ndokjo̱a̱nijnú xi tindyiónjnú ngi̱ndie xi ꞌmí Ponto̱, ko̱jo Ngalasia̱, ko̱jo Kapandosia̱, ko̱jo Asia̱, ko̱jo Bitinia̱.