Juaa̱ 7:30 - Xo̱jo̱n eén Néná

³⁰ Sꞌe̱ kui jaá kamámejeén katsoboá, ta̱nga kamájín kón, ngatꞌa̱ kji̱e̱ fochójín chi̱bo̱a̱a̱.

Juaa̱ 7:30 ပူးပေါင်းရင်းမြစ်များ

Xo̱jo̱n Salmoo̱ 76:10

Jí boá xi tsꞌéntsjaà kjo̱a̱xcha̱án xota̱ nga̱sondiee̱, kó xikoó tsi ngo tji̱xinꞌbíkjá niꞌín ji kjo̱a̱xchán xí jmí ni chjíjiín xi ꞌbongii̱ xotaa̱.

Matioo̱ 12:14

Kó ngije jataxie já fariseoo̱, ítsꞌi̱yanii̱ nga índa kótsꞌèn sa̱ꞌínkꞌién Kjisoo̱.

Matioo̱ 21:46

kó kamámejeén nga katsoboá Kjisoo̱, ta̱nga katsakjónnií ngatꞌa̱ xotaa̱ kisꞌijinrií nga nda̱ chji̱ni̱e̱ꞌe̱én Néná boá Kjisoo̱.

Markoo̱ 11:18

Kó tsintꞌieé já chji̱ni̱e̱kjo̱a̱kitii̱, ko̱jo já ngito̱ko̱o̱ chináꞌmii̱, kó tsangasee̱ kótsꞌèn sa̱ꞌínkꞌién Kjisoo̱, ngatꞌa̱ katsakjónní kjo̱a̱a̱ nga ngayeje xota̱ na̱xi̱ńdaá kijíndikoón ni xi akóyá.

Rkaa̱ 20:19

Kó já chji̱ni̱e̱kjo̱a̱kitii̱ ko̱jo já ngito̱ko̱o̱ chináꞌmii̱, kamámejeén nga ti̱ kui chi̱bo̱a̱ stso̱ba̱ Kjisoo̱, ngatꞌa̱ kamákjiín nga kui énkjiín, ta̱ngatꞌanii̱ kuí nga kandokjo̱a̱, ta̱nga katsakjónnií xota̱ na̱xi̱ńdaá.

Rkaa̱ 22:53

Ndyiojón ndyiojón kisꞌijñajo̱jnúꞌun ki̱a̱ ndi̱tsen na̱ngo̱xi̱i̱, kó ikjienjínjnú ndsa̱jnú nga kandobájnúꞌun, ta̱nga kuí xi̱ꞌbi̱ xi ora̱jnú, kó jè ko̱tíxoma nínga jñoó.

Juaa̱ 10:31

Kó xota̱ jundíoo̱, ti̱ iskjíbé nginí ndi̱jo̱ tsi̱ꞌe̱ nga kꞌo̱ya.

Juaa̱ 10:39

Kui xotaa̱ ti̱ kamámejeén nginií nga katsoboá Kjisoo̱, ta̱nga nde kamábejín kótsꞌèn jatjoni ngi̱ya tsja.

Juaa̱ 11:57

Kó já ngito̱ko̱o̱ chináꞌmii̱ ko̱jo já fariseoo̱ katsjá ngo kjo̱a̱, nga tsi tjín xí sku̱i̱e̱ Kjisoo̱, ka̱tso̱yà nínga tikón, ko̱jo nga ko̱óngítaꞌin, tsi̱ꞌe̱ nga ko̱ndo̱bo̱a̱.

Juaa̱ 7:19

A mí tsi Moisee̱ katsjájnú kjo̱a̱kitii̱. Ta̱nga nde ngojín jún xi niꞌánkjatjosónjnú. Ja̱, kó míkjo̱a̱a̱ nga mejénjnú si̱ꞌankꞌiénjnúꞌun.

Juaa̱ 7:32

Já fariseoo̱ tsintꞌié ngayeje ni xi katsó xotaa̱ kjo̱a̱a̱ Kjisoo̱, sꞌe̱ já ngito̱ko̱o̱ chináꞌmii̱ ko̱jo já fariseoo̱, katsangiya jun xi kondaa̱ tsi̱ꞌe̱ nga stso̱ba̱ Kjisoo̱.

Juaa̱ 7:6

Ta̱nga Kjisoo̱, bi̱ katsó: Kji̱e̱ fochójín chi̱bo̱a̱na, ta̱nga jún ta̱jmì chi̱bo̱a̱ní xi chi̱bo̱a̱ xi nda kjimajnú.

Juaa̱ 7:8

Tangínjnú sꞌueé, kjuínjín an, ngatꞌa̱ kji̱e̱ fochójín chi̱bo̱a̱na.

Juaa̱ 8:20

Kui nii̱ xi katsó Kjisoo̱, ki̱a̱ ngi̱ndie nínga boeꞌé to̱nchji̱e̱e̱, nga akóyá ndi̱tsen na̱ngo̱xi̱i̱, kó nde ngojín xi katsoboá, ngatꞌa̱ kji̱e̱ fochójín chi̱bo̱a̱a̱.

Juaa̱ 8:37

Jè be an nga xota̱ tji̱e̱e̱ Abraa̱n jún, ta̱nga mejénjnú si̱ꞌankꞌiénjnúꞌun ngatꞌa̱ sꞌi̱jñajinjínjnú énna.

Juaa̱ 8:59

Sꞌe̱ kui jaá iskjíbé ndi̱jo̱ tsi̱ꞌe̱ nga kꞌo̱ya Kjisoo̱, ta̱nga Kjisoo̱ kisꞌijña ꞌma, kó jataxie ndi̱tsen na̱ngo̱xi̱i̱, jaꞌajii̱n kui jaá, sꞌe̱ kijí.

Juaa̱ 9:4

Chjiéngá si̱ꞌán xaá xi katsangiyana, tji̱e̱nga ni̱xtjin, ngatꞌa̱ ngije ka̱majñoó, ngiti̱ jmíjín xi ka̱ma sa̱ꞌínxá.