Juaa̱ 7:28 - Xo̱jo̱n eén Néná

²⁸ Sꞌe̱ Kjisoo̱ nga tsꞌénbokoyá na̱ngo̱xi̱i̱, ꞌniú tsíchji̱a̱ nga bi̱ katsó: –Jún jè yàjnúꞌun, kó yàjnú ñá chji̱a̱ni an, ta̱nga jmí tsi kjo̱a̱a̱ an nga jéꞌe̱ an, jéꞌe̱ án kjo̱a̱a̱ nga ja̱koxi̱ xí katsangiyana, kui xi yàjínjnú jún.

Juaa̱ 7:28 ပူးပေါင်းရင်းမြစ်များ

Xo̱jo̱n Salmoo̱ 9:10

Jí boá xi ka̱maꞌniátakoón xota̱ xi bee ji, ngatꞌa̱ ji Ne, jmíni̱xtjin ꞌbíndemasin ji xi ji mongasee̱.

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Matioo̱ 2:23

Kó nga jachó ki̱a̱a̱, ki̱a̱ kisꞌińdo ndí na̱xi̱ńdáꞌniú Nasaree̱t, tsi̱ꞌe̱ nga jatjosón ni xi katsó já chji̱ni̱e̱ꞌe̱én Néná nga bi̱ katsó: Nda̱ xi chji̱a̱ni Nasaree̱t kꞌuin.

Matioo̱ 26:55

Ti̱ kuii̱ chi̱bo̱a̱, bi̱ katsoó Kjisoo̱ ngayeje xotaa̱: –A chejé án nga ki̱cha̱ndojó ko̱jo nga yá kichꞌiájnú nga jéꞌe̱ndoboájnúꞌun. Ndyiojón ndyiojón akoyá an ndi̱tsen na̱ngo̱xi̱i̱, kó kandobájínjnúꞌun.

Rkaa̱ 10:22

Ngayeje nii̱ Na̱ꞌmina xí katsꞌénkꞌasꞌienna, kó ta̱ꞌyajín xi be ꞌyání xi ndií, ta̱kuítsí Na̱ꞌmii̱, kó ta̱ꞌyajín xi be ꞌyání xi Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Rkaa̱ 2:11

Nga ngotꞌe̱ ꞌne̱ je katsen na̱xi̱ńdáꞌniuú Ndabii̱ ngo xi kꞌo̱xiéꞌájnú, kui xi KRISTOO̱, xi Ndi̱a̱jnú.

Rkaa̱ 2:39

Kó ngije katsꞌénkjatjosón ngayeje ni xi chji̱a̱ kjo̱a̱kitii̱ Néná, kijíꞌoyá nginí nangi Ngalilea̱ nínga tikón na̱xi̱ńdáꞌniú tsi̱ꞌe̱, kui xi ꞌmí Nasaree̱t.

Rkaa̱ 2:4

Kó Kosiee̱ jatjoni na̱xi̱ńdáꞌniú Nasaree̱t, xi tikón nangi Ngalilea̱, sꞌe̱ kijí ndí na̱xi̱ńdáꞌniú Belee̱n xi tikón nangi Jundea̱, nínga katsen nda̱ re Ndabii̱, ngatꞌa̱ Kosiee̱ xota̱ tji̱e̱e̱ nda̱ re Ndabii̱ chji̱a̱ni,

Rkaa̱ 2:51

Kó bo̱a̱ tsꞌén nijan kijíjo̱ nginí na̱xi̱ńdáꞌniú Nasaree̱t, kó Kjisoo̱ tsintꞌiéꞌén ngayeje ni xi kiꞌmií. Kó na̱aa̱n ndí nda̱chí Kjisoo̱ ngi̱jin ini̱ma̱a̱ jaꞌátjó ngayeje nii̱.

Juaa̱ 1:46

Kó Natanaee̱l, bi̱ katsó: –A ka̱márií na̱xi̱ńdáꞌniú Nasaree̱t kjo̱tjojinni ngo ni xi nda. Sꞌe̱ bi̱ katsó Ngiripee̱: –Ja̱bíꞌi̱n, kó xchi̱e̱ ji.

Juaa̱ 10:36

míkjo̱a̱a̱ nga kui nda̱ xi Néná xí Na̱ꞌmii̱ katsꞌéntsjie ko̱jo katsangiya kui nga̱sondiee̱, jún bi̱ ndyi̱ꞌmìjnúu̱: “Néná chꞌo tsoó”, ngatꞌa̱ bi̱ kixian an, nga an xi ndií Néná.

Juaa̱ 12:49

Ngatꞌa̱ jmí tsi ta̱xkiya tsíchji̱a̱ an, Na̱ꞌmina xí katsangiyana, kuí xí katsjána kui kjo̱a̱botíxoma xi tsꞌénchji̱a̱ an ko̱jo xi sꞌe̱ kuichjiá an.

Juaa̱ 14:10

A sꞌijinjiín nga Na̱ꞌmii̱ tikónjìi̱n, kó nga Na̱ꞌmii̱ tikónjinna an. Kó én xí chjiá an jmí tsi én xi tsa̱ꞌa̱n so̱bo̱a̱, tsi̱ꞌe̱ Na̱ꞌmi xi tikónjinna boá, kuí xí tsꞌén ngayeje nii̱.

Juaa̱ 14:31

tsꞌén án ni xi tsóna Na̱ꞌmina xi katsangiyana, tsi̱ꞌe̱ nga xotaa̱ kui nga̱sondiee̱ sku̱i̱e̱ nga tjóna Na̱ꞌmina. Ti̱sítji̱e̱njnú ꞌne̱, xín tjián.

Juaa̱ 16:3

Kó kui nii̱ sa̱ꞌín ngatꞌa̱ bejínna, kó ti̱ bejín Na̱ꞌmina nga.

Juaa̱ 17:25

Na̱ꞌmi kixi̱, nga ja̱koxi̱ xotaa̱ kui nga̱sondiee̱ kamábejiín jí, ta̱nga beñaá jí, kó kui xotaa̱ be nga ji xi kanangiyení,

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Juaa̱ 3:2

kui nda̱a̱ kijíkatsijee̱n Kjisoo̱ nga jñoó, kó bi̱ katsoó: –Mostro̱, jè yàjne̱ nga Néná katsangiyaa ji nga mostro̱ ji, ngatꞌa̱ jmíjín xi sa̱ꞌín kui chi̱bo̱a̱ ndikón xí niꞌín ji tsi Nénájín tikónjo̱.

Juaa̱ 3:33

Kó kui xota̱ xi tjisꞌíjii̱n, kuí xí be nga tjiín kjo̱a̱kixi̱ Néná.

Juaa̱ 5:32

Kje̱ꞌe xí chistiko̱ kjima kjo̱a̱a̱ ꞌyání án, kó be án nga ja̱koxi̱ ni xi tsáyà kjo̱a̱a̱ an.

Juaa̱ 5:43

Ngajoo̱ Na̱ꞌmina jeꞌe an, kó kiniꞌánjo̱ꞌojínjnúꞌun, ta̱nga tsi kje̱ꞌe xí jeꞌe xki̱ tsi̱ꞌe̱ soboá, kuí xi̱ꞌba̱ xi niꞌánjo̱ꞌójnú.

Juaa̱ 6:42

kó bi̱ katsoó xkjín: –A kuijín xi̱ꞌbi̱ xi Kjisoo̱, ndií Kosiee̱. A yàjín ñá ꞌyání xi na̱ꞌmii̱ ko̱jo na̱aa̱n. Ja̱ kótsꞌèn bo̱a̱ tsóni nga ndiꞌakꞌajmi jàn xò kjindibáni.

Juaa̱ 7:14

Ta̱nga ngije kjochó masiee̱n kui sꞌueé, kijí Kjisoo̱ xtji̱e̱e̱n na̱ngo̱xi̱i̱, kó ki̱a̱ akóyá.

Juaa̱ 8:14

Sꞌe̱ Kjisoo̱, bi̱ katsó: –Ndatsi ti̱ an xi tsꞌen an chistiko̱ yojona kjo̱a̱a̱ an, chjírií ni xi xian an, ngatꞌa̱ be án ñá kjindibáni an, ko̱jo ñání tsꞌénfí an, ta̱nga jún yàjínjnú ñá kjindibá an, kó ñá tsꞌénfí an.

Juaa̱ 8:16

Kó tsi ngo xi xián án tsi nda ko̱jo tsi ndajín tjítsꞌén, kixi̱ ni xi tjítsꞌen an, ngatꞌa̱ jmí tsi tikón so̱bo̱a̱ an, jó májne̱, an ko̱jo Na̱ꞌmina xi katsangiyana.

Juaa̱ 8:19

Sꞌe̱ bi̱ katsó kui jaá: –Ñá tikón Na̱ꞌmíi̱ ꞌne̱. Kó Kjisoo̱, bi̱ katsó: –Nde an yàjínjnúꞌun, ti̱nde Na̱ꞌmina yàjínjnú, tsi yarajnúꞌun katsaki, ti̱ xcha̱ra̱jnú Na̱ꞌmina nga.

Juaa̱ 8:26

Achichí ni xi tikónna xi xiyàjnúꞌun, ko̱jo nga xiyà an tsi nda ko̱jo tsi ndajín ndyi̱niꞌánjnú, ta̱nga kui xi katsangiyana, kuí boá xi ja̱koxi̱i̱, kó án ni xi je tsintꞌie an, kuí ni xi xiáa̱n xotaa̱ kui nga̱sondiee̱.

Juaa̱ 8:42

Sꞌe̱ Kjisoo̱, bi̱ katsó: –Tsi ja̱koxi̱ nga Néná xí na̱ꞌmijnú, tjóra̱ si̱ꞌánjnúꞌun, ngatꞌa̱ Néná boá xi na̱ꞌmina, kó jéꞌe̱ an kꞌi̱e̱e̱, ngatꞌa̱ jéꞌe̱so̱bo̱a̱jín an, na̱ꞌmina boá xi katsangiyana.

Juaa̱ 9:29

Jè yàjne̱ ji̱n nga Néná tsíchji̱a̱jo Moisee̱, ta̱nga kjo̱a̱a̱ kuii̱ yàjínjne̱ ñá kjindibáni.

Ni xi kamá 17:23

Ngatꞌa̱ nga tsꞌénkotsijen an ngi̱ndiejnú nínga niꞌándikónjnú nejnú, tsꞌénbe an ngo ṉchandikón xi bi̱ tsó én xí kjitꞌaa̱: “Tsi̱ꞌe̱ ngo Ne xi nde yàjín.” Ja̱ ndakjíꞌí, kui ni xi yàjínjnú, kó ndyi̱niꞌándikónjnú, kjo̱a̱a̱ kuí boá kui ni xi kjoéꞌe̱kꞌini̱jmìjnúꞌun.

Xota̱ Roma̱ 1:28

Kó nga akó kui xotaa̱ nga kamámejénjiín katsꞌénseén Néná, Néná índomasien tsi̱ꞌe̱ nga kjo̱tsòn kjo̱a̱kjíntakoón, tsi̱ꞌe̱ nga sa̱ꞌín ni xi májín niꞌán.

Xota̱ Roma̱ 3:4

¡Jmí!, Néná ngatsjéni̱xtjin nga ja̱koxi̱ boá ni xi tsó, kó ngayeje xotaa̱ nga ndiso, xikótsꞌèn kjitꞌa xo̱jo̱n eén Néná: Kixi̱ ka̱ma ji kjo̱a̱a̱ ni xi sé jí, kó ji si̱ꞌin ji, kjiꞌanga xchítꞌaa̱ tsi nda ko̱jo tsi ndajín ni xi kiniꞌín ji.

2 Xota̱ Korinto̱ 1:18

Ta̱nga Néná xí chistiko̱ nga ji̱n jmí tsi “jo̱o̱n” sꞌe̱ ti̱ kjiꞌa “jmí” ꞌmíjne̱.

2 Xota̱ Korinto̱ 4:6

Ngatꞌa̱ kuí Néná xí katsjákjo̱a̱ nga nínga jñoó sa̱ꞌíntsijen ndiꞌií, kó ti̱kuíní xi katsꞌéntsijen ndiꞌií ngi̱jin ini̱ma̱ná, kó katsꞌéntsijee̱n tsi̱ꞌe̱ nga ka̱makjínná kjo̱a̱jee̱ Néná xí tjítsꞌén ꞌna̱ kje̱n Jesukristoo̱.

Titoo̱ 1:2

kuíni nga ndyi̱chiyáa̱ kjo̱a̱mindyion ngatsjéni̱xtjii̱n, kui ni xi ndeskande ngindiee̱ nga kamánda nga̱sondiee̱ katsóyàtjón nga tsja̱aná kui Néná xi májiín ꞌbíndisoo̱.

Xota̱ Ebreo̱ 6:18

Kó Néná ndisojín, ngatꞌa̱ jó ni ni nga sasíkjojín kjo̱a̱a̱ ni xi katsóyàtjón nga tsja̱a ko̱jo nga katsjá tsꞌoa. Kó bo̱a̱ tsꞌén kꞌuiéná ngo ngaꞌniú xi ꞌniú, ngatꞌa̱ ñá mejénná nga Néná skónná, kó ꞌniátakón ñá nga ndyi̱chiyá nga kui xi tsja̱aná ni xi katsóyàtjónná.

1 Xo̱jo̱o̱n Juaa̱ 5:10

Xi sꞌijii̱n ndií Néná, ngi̱jin ini̱ma̱a̱ be nga ja̱koxi̱ boá kui nii̱. Xi sꞌijinjiín Néná, ndiso tjítsꞌén Néná, ngatꞌa̱ kji̱e̱ sꞌijinjiín ni xi katsó Néná kjo̱a̱a̱ ndií.