Juaa̱ 7:19 - Xo̱jo̱n eén Néná

¹⁹ A mí tsi Moisee̱ katsjájnú kjo̱a̱kitii̱. Ta̱nga nde ngojín jún xi niꞌánkjatjosónjnú. Ja̱, kó míkjo̱a̱a̱ nga mejénjnú si̱ꞌankꞌiénjnúꞌun.

Juaa̱ 7:19 ပူးပေါင်းရင်းမြစ်များ

Matioo̱ 12:14

Kó ngije jataxie já fariseoo̱, ítsꞌi̱yanii̱ nga índa kótsꞌèn sa̱ꞌínkꞌién Kjisoo̱.

Matioo̱ 21:38

Ta̱nga kui já xí ndyi̱tsꞌènxájin kui ngi̱ndiee̱, nga kamábe ndií ndi̱a̱a̱ kui ngi̱ndiee̱, bi̱ katsoó xkjín: «Kuí xi̱ꞌbi̱ xi tsi̱ꞌe̱ ka̱ma ngayeje kui ngi̱ndiee̱, ta̱sá si̱ꞌankꞌién, ki̱a̱ ka̱maa̱ nga tsa̱ñá ka̱ma ngayeje kui nii̱.»

Markoo̱ 11:18

Kó tsintꞌieé já chji̱ni̱e̱kjo̱a̱kitii̱, ko̱jo já ngito̱ko̱o̱ chináꞌmii̱, kó tsangasee̱ kótsꞌèn sa̱ꞌínkꞌién Kjisoo̱, ngatꞌa̱ katsakjónní kjo̱a̱a̱ nga ngayeje xota̱ na̱xi̱ńdaá kijíndikoón ni xi akóyá.

Markoo̱ 3:4

Kó bi̱ katsó nga asíyaá xota̱ xi ngasee̱: –Mí ni xi tsjandiè kjo̱a̱kitii̱ nga ma niꞌán nga ni̱xtjin ndikón: A ni xi nda, axa̱ ni xi ndajín. A ko̱ꞌna̱xiéꞌá, axa̱ si̱ꞌankꞌién ngo xota̱. Ta̱nga tsíchji̱a̱jín kui jaá.

Markoo̱ 3:6

Kó ngije jataxie já fariseoo̱, ítsꞌi̱yanii̱ nga índajo̱ xota̱ xi majo̱ nda̱ re Erondee̱ kótsꞌèn sa̱ꞌínkꞌién Kjisoo̱.

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Juaa̱ 10:39

Kui xotaa̱ ti̱ kamámejeén nginií nga katsoboá Kjisoo̱, ta̱nga nde kamábejín kótsꞌèn jatjoni ngi̱ya tsja.

Juaa̱ 11:53

Kó kuíni nga ndeskande koó kjiꞌa índa kui jaá nga sa̱ꞌínkꞌién.

Juaa̱ 5:16

Kó ta̱ngatꞌanii̱ kui nii̱ nga xota̱ jundíoo̱ tsangatji̱ngii̱ Kjisoo̱, kó kamámejeén katsꞌénkꞌién, ngatꞌa̱ ni̱xtjin ndikón nga katsꞌén kui nii̱.

Juaa̱ 5:18

Kó kuíni nga ꞌniú tsangasee̱ já ngito̱ko̱o̱ xota̱ jundíoo̱, nga kamámejeén sa̱ꞌínkꞌién Kjisoo̱, ngatꞌa̱ kamábendikónjín ni̱xtjin ndikoón, kó íni̱jmì nga Néná xí Na̱ꞌmii̱ kui, kó nga ti̱ Néná kuí katsó.

Juaa̱ 5:45

Ngata̱ niꞌánkjójínjnú nga an xi kongítaꞌínjnúꞌun ngindyi̱ko̱n Na̱ꞌmina, kjo̱a̱kiti xi katsꞌénda Moisee̱ boá xi ko̱óngítaꞌínjnú, kuí xí ndyi̱chiyákjo̱a̱jnú.

Juaa̱ 7:1

Ngije kamá kui nii̱, Kjisoo̱ kistsoꞌbá nangi Ngalilea̱, ngatꞌa̱ kamámejénjiín kijí xtji̱e̱e̱n nangi Jundea̱, ngatꞌa̱ já ngito̱ko̱o̱ xota̱ jundíoo̱ kamámejeén katsꞌénkꞌién.

Juaa̱ 7:25

Tjín xota̱ xi chji̱a̱ni na̱xi̱ńdáꞌniú Jerusale̱n, xi bi̱ katsó: –A kuijín nda̱a̱ xi tjimíndyisé tsi̱ꞌe̱ nga si̱ꞌankꞌien.

Ni xi kamá 7:38

Kó kuí bí Moisee̱ xi kamátikójo̱ xotaa̱ ko̱jo xota̱ tji̱e̱ xcháná ki̱a̱ nangi kixií, kó katsóyaà én xí katsó ndítsjiee̱ Néná nga tsíchji̱a̱jo ki̱a̱ ngi̱jii̱n tji̱ngi̱ Sinaii̱. Kó kui én xí tsja̱aná, eén kjo̱a̱mindyioo̱n boá.

Xota̱ Ngalasia̱ 3:19

Kósꞌe̱, kó mí chjínií kjo̱a̱kitii̱. Jeꞌe tsi̱ꞌe̱ nga sku̱i̱e̱ xotaa̱ nga jé boá xi ndyi̱tsꞌèn, kó ta̱ kjiꞌa tsi ka̱machjínií kui kjo̱a̱kitii̱, ngaskande nga kjindibá kui xota̱ tji̱e̱e̱ Abraa̱n xi Néná katsóyàtjoón nga kjo̱e̱ꞌe, kui xi Kristoo̱. Néná katsangiya ndítsjiee̱ nga katsjaá Moisee̱ kjo̱a̱kitii̱, kó Moisee̱ xí katsjaá xotaa̱ kui kjo̱a̱kitii̱.

Xota̱ Ngalasia̱ 6:13

Ngatꞌa̱ nde kui xota̱ xi tsꞌeén sirkunsisio̱n yojoo̱, ndyi̱tsꞌènkjátjosónjín kjo̱a̱kitii̱, ta̱nga mejeén nga jún si̱ꞌánjnúu̱ sirkunsisio̱n yojojnú, tsi̱ꞌe̱ nga je kꞌo̱xié yojoo̱ nga ku̱i̱chji̱a̱, nga ta̱ngatꞌanii̱ kui nga je tikónjnú kui chi̱bo̱a̱a̱.

Ndeuteronomio̱ 33:4

»An, Moisee̱ katsjajnúꞌun kjo̱a̱kitii̱ Néná, kó kuí boá kui nii̱ xi ꞌniú chjí ngasenii̱ májnú jún.