Juaa̱ 6:63 - Xo̱jo̱n eén Néná

⁶³ A̱si̱énni̱xtjii̱n xí tsjá kjo̱a̱mindyioo̱n, yojoo̱ jmí ni chjíjiín, én xí je kixiyajnúꞌun, kuí xí a̱siénni̱xtjin, kó kuí xí kjo̱a̱mindyioo̱n.

Juaa̱ 6:63 ပူးပေါင်းရင်းမြစ်များ

Jenesii̱s 2:7

Kó Néná iskjíbé chií chojo, kó kui nii̱ xi katsꞌéndani ngo nda̱, kó askjonomójón ṉtjo̱n nga katsjaá kjo̱a̱mindyion, kó bo̱a̱ tsꞌén nga ngo xota̱ xi tikón kamá ngijee̱.

Xo̱jo̱n Salmoo̱ 119:130

Kjiꞌanga ngo mostro̱ bokoyá, nde niꞌínjín makjiín ngayeje xotaa̱.

Xo̱jo̱n Salmoo̱ 119:50

Ni xi kaseyetjén ji tsjána kjo̱a̱mindyion, kó tsꞌéndájónna nga ndasen botíjña̱ an.

Xo̱jo̱n Salmoo̱ 119:93

Jmí ni̱xtjin xchi̱yana ée̱n, ngatꞌa̱ kuí boá xi tikónni an.

Énkjínkón 4:13

ꞌNiú chjábé jí kjo̱a̱bokoyána, kó ngata̱ ꞌbíjñímasínjín ji, ꞌniú chíi̱n, ngatꞌa̱ kuí boá kui nii̱ xi ku̱i̱ndyinni ji.

Juaa̱ 5:21

Ngatꞌa̱ xikótsꞌèn maá Na̱ꞌmii̱ nga tsꞌénkjaꞌáꞌyaá xota̱ xi je jesón, kó tsjá nginií kjo̱a̱mindyion, ti̱ bo̱a̱ ti̱ tsꞌén ndií Néná, ka̱ma tsja̱á kjo̱a̱mindyion xota̱ xi mejeén kui.

Juaa̱ 6:68

Sꞌe̱ Ximo̱ Peé, bi̱ katsó: –Ndi̱a̱, ꞌyá xí kongínchonjne̱. Xi jí boá xi tjiín eén kjo̱a̱mindyion ngatsjéni̱xtjii̱n.

Ni xi kamá 5:20

–Tangínjnú na̱ngo̱xi̱ jàn, kó tꞌíni̱jmìjnúu̱ xota̱ na̱xi̱ńdaá eén Néná xí tsjá kjo̱a̱mindyioo̱n.

Xota̱ Roma̱ 10:17

Kuíni nga sꞌijinná Néná, kjiꞌanga ndaꞌyá eén, nga ꞌbíni̱jmìná kjo̱a̱a̱ Jesukristoo̱.

Xota̱ Roma̱ 2:25

Nga ja̱koxi̱ tsi kiniꞌínkjatjosén ji kjo̱a̱kitii̱, sirkunsisioo̱n chjírií, ta̱nga tsi kiniꞌínkjatjosénjín ji kjo̱a̱kitii̱ xikónií tsi jmíjiín sirkunsisioo̱n.

Xota̱ Roma̱ 8:2

Ngatꞌa̱ ngije kiniꞌángojo̱ yojoná Kristo̱ Kjisoo̱, A̱si̱énni̱xtjii̱n Néná xi tsjáná kjo̱a̱mindyioo̱n, katsjáná ngo kjo̱a̱kiti xi sa̱ꞌíndéná kjo̱a̱a̱ kjo̱a̱kitii̱ jeé ko̱jo kjo̱a̱bo̱yaa̱.

1 Xota̱ Korinto̱ 15:45

Bi̱ tsꞌén kjitꞌa xo̱jo̱n eén Néná: “Nda̱ xi tjón xi ꞌmí Andaa̱n, kiniꞌánda kó kisꞌijña nga̱sondie.” Ta̱nga kui Anda̱n xi jetꞌaa̱ kui xi Kristoo̱, kuí boá xi A̱siénni̱xtjin xi tsjá kjo̱a̱mindyioo̱n.

Xota̱ Ngalasia̱ 5:25

Kó tsi tindyión ta̱ngatꞌanii̱ A̱si̱énni̱xtjii̱n Néná, chjiéngá ko̱e̱ꞌéndièe̱ A̱si̱énni̱xtjii̱n Néná nga kui xi ko̱tíxománá.

Xota̱ Ngalasia̱ 5:6

Ngatꞌa̱ ndokꞌóchji̱nií Kristo̱ Kjisoo̱, nga ngiti̱ chjíjiín tsi kiniꞌán, ko̱jo tsi kiniꞌánjáa̱n sirkunsisioo̱n yojoná. Kjo̱a̱sꞌijii̱n Néná xí chjínií, ngatꞌaa̱ kjo̱a̱tjoó.

Xota̱ Ngalasia̱ 6:15

Jmí ni chjíjiín tsi kiniꞌánná ko̱jo tsi kiniꞌánjínná sirkunsisioo̱n, ni xi chjínií, kuí boá nga xota̱ tja̱tsi̱e̱ katsꞌénná Néná.

Ndeuteronomio̱ 32:47

Ja̱koxi̱ boá ni xi tꞌíxiánjnúꞌun. Tsi si̱ꞌankjatjosónjnú, achichí kjín nó ka̱majnú ki̱a̱ tꞌanangi xi ngotꞌe̱ je si̱ꞌánjnú nga ku̱i̱xkántjéjnú, kui xi tikón xi ingoboaá ndejèꞌ Jorndaa̱n».

1 Xota̱ Tesalónika̱ 2:13

Kó kuíni nga ji̱n ngatsjéni̱xtjin boeꞌéjne̱ ndokꞌóchjì Néná, ngatꞌa̱ nga kandaꞌyájnú eén Néná xí ikꞌíni̱jmìjne̱, kachjábéjnú jmí tsi xikoó eén xotaa̱, ta̱sá xikoó nga én xí ja̱koxi̱i̱ Néná, kui én xí bosíkjoyajnú jún xi sꞌijinjnú Néná.

1 Timoo̱ 4:8

Ngatꞌa̱ nga niꞌángáa̱ yojona nga chjaxingá, ta̱ chiboa tsi bosikójoná kuí nii̱, ta̱nga nda ngase nga ngo nda̱ nda xi xota̱a̱ Jesukristoo̱ ka̱ma, ngatꞌa̱ ꞌniú bosikójoná kuí nii̱ kui kjo̱a̱mindyion xi̱ꞌbi̱, ko̱jo kjo̱a̱mindyion xi sꞌe̱ ndibaá.

Xota̱ Ebreo̱ 13:9

Ngata̱ ki̱a̱jín mongíntjíngíjnúu̱ ngo kjo̱a̱bokoyá xi kje̱ꞌe tsó, ko̱jo xi yàjín, ngatꞌa̱ ta̱sá nda ngase nga ini̱ma̱ná sa̱kó ngaꞌniuú ngi̱yaa̱ kjo̱a̱ndaa̱ Néná, ta̱bo̱a̱jiín tsi ki̱a̱ kongíntji̱ngí kjo̱a̱botíxomaa̱ nichinie xi jmíni̱xtjin asíko̱jo xota̱ xi ki̱a̱ kijítji̱ngii̱.

Xota̱ Ebreo̱ 4:12

Ngatꞌa̱ eén Néná, tikón, kó tjínrií ngaꞌniú, kó kuí xí yojó ngase ta̱bo̱a̱jiín ngo ki̱cha̱ xi yojó nga jó ngoboaá, kó kui eén ꞌbosꞌien ngaskande nínga ꞌniú na̱nga̱a̱ ini̱ma̱a̱ ko̱jo a̱si̱énni̱xtjii̱n, ko̱jo nínga tjíkjoo̱ ńdaa̱, ko̱jo ngi̱jii̱n ńdaa̱, kó kuí boá xi kotꞌa kjo̱a̱kjíntakoón, ko̱jo ni xi mejeén sa̱ꞌín ngo ini̱ma̱.

Xo̱jo̱o̱n Sandiyaá 1:18

Én xí ja̱koxi̱i̱ boá xi katsꞌénkjién nga katsꞌéntsenná, ngatꞌa̱ bo̱a̱ tsꞌén kamámejeén kui, tsi̱ꞌe̱ nga ñá xí ka̱ma cha̱n xi tjón foaꞌáꞌyá ngi̱jii̱n ngayeje ni xi katsꞌénda.

1 Xo̱jo̱o̱n Peé 1:23

Ngatꞌa̱ jún jè katsen nginíjnú, kó ngotꞌe̱ jmí tsi xota̱ xi fesón xi katsennijnú, eén Néná xí katsꞌéntsen nginíjnú, kui én xí fejiín, ngatꞌa̱ tikón ta̱ kjiꞌánií.

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.

1 Xo̱jo̱o̱n Peé 3:21

Kuí ndáfoaa̱ xi akó tjón tjón xikótsꞌèn tsꞌaxiéꞌájnú ndáfoaa̱, ngatꞌa̱ kjiꞌanga satíndá ngi̱jin ndáfoaa̱, fotjoꞌa ñá ta̱ngatꞌanií nga jaꞌáꞌyaá Jesukristoo̱. Kjo̱a̱botíndaá jmí tsi kui xi tsꞌéntsjie yojoná, ta̱sá tsi̱ꞌe̱ nga ndyi̱mindyisé nga nda kꞌuijñá kjo̱a̱kjíntakónná ngindyi̱ko̱n Néná.