Juaa̱ 6:62 - Xo̱jo̱n eén Néná

⁶² Ja̱, kó ka̱majnú tsi xcha̱jnú nga ndií nda̱ xi̱ꞌii̱n ko̱e̱je̱nijíngí nginí nínga ja̱bo̱a̱ tikón.

Juaa̱ 6:62 ပူးပေါင်းရင်းမြစ်များ

Matioo̱ 8:20

Sꞌe̱ Kjisoo̱, bi̱ katsoó: –Xańñaá ti̱xa̱ tjiín nínga ꞌbíndoyá, kó ni̱siee̱ ndo̱bo̱a̱ tjiín nínga ꞌbíndo, ta̱nga ndií nda̱ xi̱ꞌii̱n jmíjiín ngo ngi̱ndie nínga sa̱ꞌínkjaꞌyá.

Markoo̱ 16:19

Kó bo̱a̱ tsꞌén Ndi̱a̱ Kjisoo̱ ngije tsíchji̱a̱jo xota̱a̱, kachjaninkꞌa nga kijí ndiꞌakꞌajmi jàn, kó tsja fojnií Néná kisꞌijñatꞌa.

Rkaa̱ 24:51

Kó tji̱e̱nga katsꞌénchikonñé, kijíboaꞌátꞌaxiín, kó Kjisoo̱ kachjaninkꞌa ndiꞌakꞌajmi jàn.

Juaa̱ 16:28

Na̱ꞌmina xí katsangiyana, kó jéꞌe̱ an kui nga̱sondiee̱, kó kꞌuijñá ngiñá an kui nga̱sondiee̱, kó kjuínkón ngiñáa̱ Na̱ꞌmina.

Juaa̱ 17:11

Kó jè ngiti̱ kuijín nga̱sondiee̱ tikòn an, ta̱nga kui xotaa̱, ta̱kó ki̱a̱ síndo, kó án ki̱a̱ tsꞌénfikoo̱n ji. Na̱ꞌmi tsjie, xota̱ xi katseꞌéní, chíi̱n nga ti̱ꞌinkjìn jí ngaꞌniuú jaꞌée̱n, tsi̱ꞌe̱ nga ngo ka̱ma kui, xikótsꞌèn ngo má ñá.

Juaa̱ 3:13

Kó nde kji̱e̱ ngo xi fí ndiꞌakꞌajmi jàn, ta̱kuítsí xi jatjajenni ndiꞌakꞌajmi jàn, kuí xí ndií nda̱ xi̱ꞌii̱n, xi tikón ndiꞌakꞌajmi jàn.

Juaa̱ 6:27

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

Juaa̱ 6:42

kó bi̱ katsoó xkjín: –A kuijín xi̱ꞌbi̱ xi Kjisoo̱, ndií Kosiee̱. A yàjín ñá ꞌyání xi na̱ꞌmii̱ ko̱jo na̱aa̱n. Ja̱ kótsꞌèn bo̱a̱ tsóni nga ndiꞌakꞌajmi jàn xò kjindibáni.

Juaa̱ 6:53

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Tsi xi̱ni̱e̱jínjnú yojoo̱ ndií nda̱ xi̱ꞌii̱n, kó tsi sꞌi̱o̱jínjnú jiín, jmíjínjnú kjo̱a̱mindyioo̱n.

Ni xi kamá 1:9

Kó ngije katsó kui nii̱, kamábe ngayeje kui já apostroo̱, kótsꞌèn kachjaninkꞌa Kjisoo̱, kó ngo ṉdi̱ yíꞌmá, kó ngiti̱ kamábejín ngase kui jaá.

1 Xo̱jo̱o̱n Peé 3:22

Jesukristoo̱ kijínijíngí ndiꞌakꞌajmi jàn, kó ki̱a̱ tikón nga fojnií Néná, kó kuí boá xi tsꞌénbotixómaá ndítsjiee̱, ko̱jo a̱siénni̱xtjin xi tjiín xá ko̱jo ngaꞌniuú.