Juaa̱ 6:57 - Xo̱jo̱n eén Néná

⁵⁷ Xikó tsꞌén katsangiyana Na̱ꞌmina xi tikoón, kó ta̱ngatꞌanii̱ kui nga tikòn an, ti̱ bo̱a̱ ti̱ tsꞌén xi skji̱ni̱e̱ yojona, kꞌuijñá ta̱ngatꞌanii̱ an.

Juaa̱ 6:57 ပူးပေါင်းရင်းမြစ်များ

Xo̱jo̱n Salmoo̱ 18:46

¡Tsie ngatamaa̱ Néná! ¡Ngatamachikonñé ndi̱jo̱ jena! ¡Nganiꞌántsjaá kui Ne xi tsꞌaxiéꞌána!

Matioo̱ 16:16

Kó Ximo̱ Peé, bi̱ katsoó: –Jí xí Kristoo̱, ndií Néná xí tikoón.

Juaa̱ 14:19

Ngi chiboa ni̱xtjin, kó xotaa̱ kui nga̱sondiee̱, ngiti̱ sku̱i̱e̱jínna, ta̱nga jún xcha̱jnúꞌun, ngatꞌa̱ tikòn án, kó ti̱ ku̱i̱ndyionjnú ndatsa jún nga.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 17:21

tsi̱ꞌe̱ nga ka̱ma ngo, xikoó ji Na̱ꞌmi, nga ngo má ñá ji ko̱jo an, ti̱ bo̱a̱ ti̱ tsꞌén nga ngo ngatama kui xotaa̱ ko̱jo ñá, tsi̱ꞌe̱ nga sꞌi̱jii̱n xotaa̱ kui nga̱sondiee̱ nga ji xi kanangiyení.

Juaa̱ 3:17

Ngatꞌa̱ Néná jmí tsi katsangiya ndií kui nga̱sondiee̱ tsi̱ꞌe̱ nga sa̱ꞌínjeé xotaa̱, katsangiya tsi̱ꞌe̱ nga kui ndií xi kꞌo̱xiéꞌá xotaa̱.

Juaa̱ 5:26

Ngatꞌa̱ Na̱ꞌmii̱ ta̱kó tikón, kó ti̱ bo̱a̱ ti̱ tsꞌén katsjaá kjo̱a̱nda ndií nga ta̱kó tikón.

Juaa̱ 6:29

Sꞌe̱ Kjisoo̱, bi̱ katsó: –Kuí xi̱ꞌbi̱ xi xaá Néná, nga si̱ꞌansꞌijinjnú kui xi katsangiya kui.

Juaa̱ 6:38

ngatꞌa̱ ndiꞌakꞌajmi jàn kjindibáni an, tsi̱ꞌe̱ nga sa̱ꞌin an ni xi mejeén xi katsangiyana, jmí tsi tsi̱ꞌe̱ nga sa̱ꞌin an ni xi mejénna an.

1 Xota̱ Korinto̱ 15:22

Ngatꞌa̱ xikótsꞌèn nga ta̱ngatꞌanii̱ Andaa̱n nga ngayeje xotaa̱ fesón, ti̱ bo̱a̱ ti̱ tsꞌén ta̱ngatꞌanii̱ Kristoo̱ nga ngayeje xotaa̱ kꞌuíndo nginí.

1 Xota̱ Korinto̱ 15:45

Bi̱ tsꞌén kjitꞌa xo̱jo̱n eén Néná: “Nda̱ xi tjón xi ꞌmí Andaa̱n, kiniꞌánda kó kisꞌijña nga̱sondie.” Ta̱nga kui Anda̱n xi jetꞌaa̱ kui xi Kristoo̱, kuí boá xi A̱siénni̱xtjin xi tsjá kjo̱a̱mindyioo̱n.

2 Xota̱ Korinto̱ 13:4

Ngatꞌa̱ ndatsi jmí ngaꞌniú kisꞌiejiín nga kꞌientꞌa kro xikoó ngo xota̱, ta̱nga tikón ngotꞌe̱, ta̱ngatꞌanii̱ ngaꞌniuú Néná. Ngatꞌa̱ ti̱ bo̱a̱ ti̱ tsꞌén ji̱n jmíjínjne̱ ngo ngaꞌniú xikoó kuí nga kꞌientꞌa kroo̱, ta̱nga ta̱ngatꞌanii̱ ngaꞌniuú Néná nga Kristoo̱ tikónjinjne̱ nganda tsa̱jún.

Xota̱ Ngalasia̱ 2:20

Jè kꞌien an ngatꞌa̱ je akjatꞌajo̱na kro Kristoo̱, je ngiti̱ ánjín xi tikón ngase an, Kristoo̱ boá xi tikónjinna, kó bo̱a̱ tsꞌén tikón ngase an nga̱sondiee̱ ta̱ngatꞌanii̱ kjo̱a̱a̱ nga sꞌijinna ndií Néná, kui xi katsꞌéntjóna, ko̱jo katsjá yojoo̱ nga kiniꞌánkꞌién ta̱ngatꞌanii̱ an.

1 Xota̱ Tesalónika̱ 1:9

Ngatꞌa̱ ti̱ kuii̱ kui xotaa̱ xi ndyi̱chji̱a̱ kjo̱a̱a̱ nga jún, nda tsꞌén kiniꞌánsénjne̱ nga jáchochonjne̱ ko̱jo xikótsꞌèn ikꞌíndomasienjnú a̱sie̱én ne xi tsꞌénda xotaa̱, tsi̱ꞌe̱ nga kiniꞌánjo̱ꞌojnú kui Néná xí tikoón, ko̱jo xi ja̱koxi̱i̱,

Xota̱ Ebreo̱ 9:14

Tsi bo̱a̱ kamá, ja̱ tsie ngase ngaꞌniú tjiín jiín Kristoo̱. Kui xi ngatꞌaa̱ A̱siénni̱xtjin xi tikón ngatsjéni̱xtjii̱n nga Kristoo̱ katsjá ti̱ kuii̱ yojoo̱, xikoó ngo chji̱e̱ xi tsjie ngindyi̱ko̱n Néná, kó bo̱a̱ tsꞌén nga jiín Kristoo̱ boá xi tsꞌéntsjie kjo̱a̱kjíntakónná tsi̱ꞌe̱ nga ngiti̱ si̱ꞌánjín ñá ni xi tsꞌenkꞌiénná, kó ta̱sá si̱ꞌantsjàa̱ kui Néná xí tikoón.

1 Xo̱jo̱o̱n Juaa̱ 4:9

Kuí nii̱ xi akó nga Néná tjoó ñá, nga katsangiya ndí ngototoo̱ kui nga̱sondiee̱, tsi̱ꞌe̱ nga ngatꞌaa̱ kui ndií nga kꞌuiéná kjo̱a̱mindyion.