Juaa̱ 6:46 - Xo̱jo̱n eén Néná

⁴⁶ Kji̱e̱ ngo xota̱ xi be kókjiꞌi Na̱ꞌmii̱, ta̱kuítsí xi katsangiya Néná xí be kókjiꞌi Na̱ꞌmii̱.

Juaa̱ 6:46 ပူးပေါင်းရင်းမြစ်များ

Éksondo̱ 24:10

Kó ki̱a̱a̱ ngayeje kui xota̱ Israee̱l kamábe Néná, kó iskjiniejo̱ nichinie, kó katsꞌejo̱ ni ꞌyó, ta̱nga Néná jmí ni katsꞌénjo̱jín. Ngindie se Néná kisꞌijña ngo ni xi achichí ꞌna̱ kamá xikó maá nkꞌajmii̱, ¡ngaskande bo̱a̱ má kisꞌie xikoó ngo tꞌanangi xi ndi̱jo̱ aso xi chi̱tsen kamándani!

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Rkaa̱ 10:22

Ngayeje nii̱ Na̱ꞌmina xí katsꞌénkꞌasꞌienna, kó ta̱ꞌyajín xi be ꞌyání xi ndií, ta̱kuítsí Na̱ꞌmii̱, kó ta̱ꞌyajín xi be ꞌyání xi Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 14:7

Tsi kamáyàjnúꞌun, ti̱ kamáyàra̱jnú Na̱ꞌmina. Kó ndeskande ngotꞌe̱ ꞌne̱ je yàjnú kuí, ngatꞌa̱ jè ndyi̱tsitsijenjnúu̱.

Juaa̱ 15:24

Tsi katsꞌénjín an ngi̱jii̱n kui xotaa̱, ni xi kji̱e̱ ngo xi tsꞌén, jmí jéjínra̱a̱, ta̱nga ngotꞌe̱ jè kamábe kui nii̱, kó ti̱ kuira xí katsꞌénchꞌóna an ko̱jo Na̱ꞌmina.

Juaa̱ 5:37

Ko̱jo Na̱ꞌmina xi katsangiyana xí kjima chistiko̱ kjo̱a̱a̱ an, ndatsi kji̱e̱ ndaꞌyájínjnú nda̱a̱, ko̱jo kji̱e̱ yàjínjnú kókjiꞌi a̱sie̱én,

Juaa̱ 7:29

Ta̱nga be án ꞌyání kui, ngatꞌa̱ ki̱a̱ kjindibáni an nínga tikón kuí, kó kuí xí katsangiyana.

Juaa̱ 8:19

Sꞌe̱ bi̱ katsó kui jaá: –Ñá tikón Na̱ꞌmíi̱ ꞌne̱. Kó Kjisoo̱, bi̱ katsó: –Nde an yàjínjnúꞌun, ti̱nde Na̱ꞌmina yàjínjnú, tsi yarajnúꞌun katsaki, ti̱ xcha̱ra̱jnú Na̱ꞌmina nga.

Juaa̱ 8:55

kó nga ja̱koxi̱ yàjínjnú kuí, ta̱nga an be án kuí. Kó tsi bejín an kui xian án, tsꞌénꞌbindiso án xikoó jún, ta̱nga be án kuí, kó tsꞌenkjatjosón án eén.

Xota̱ Kolosa̱ 1:15

Kjiꞌanga ndyi̱yà kókón Kristoo̱, ja̱ Néná xi májín yaa̱ xí ndyi̱yà kókón. Kristoo̱ boá xi ndií Néná xi tjón tikón ngindiee̱ nga kiniꞌánda ngayeje ni xi kiniꞌándaa̱.

1 Timoo̱ 6:16

Ta̱ kuí tsi xi ꞌméjín, kó ki̱a̱ tikónjin ngo ndiꞌí ꞌna̱ nínga ngojín xota̱ xi ma fochó tiña, kui xi kji̱e̱ ngo xota̱ xi be, ti̱nde májín be, kui tsi̱ꞌe̱ ngatama ngayeje kjo̱a̱yandikón ko̱jo ngaꞌniú, ta̱ kjiꞌání. Bo̱a̱ kjiꞌi.

1 Xo̱jo̱o̱n Juaa̱ 4:12

Kji̱e̱ ngo xi je kamábe kókjiꞌi Néná, ta̱nga tsi ja̱kꞌi̱e̱ ja̱ngaján tjóná xingi̱, kjiꞌá boá nga Néná tikónjinná, kó kjo̱a̱tjoó kjimando̱jo kjin kjin ngi̱jinná.