Juaa̱ 6:45 - Xo̱jo̱n eén Néná

⁴⁵ Jè bi̱ tsó ni xi kjitꞌa ngo xo̱jo̱n xi katsꞌénꞌindó já chji̱ni̱e̱ꞌe̱én Néná: “Kó Néná xi ko̱kóyaá ngayeje xotaa̱”, ngayeje xota̱ xi tsintꞌieé Na̱ꞌmina, kó kamaá ni xi akóyaá, kuí boá xi kji̱ndi̱bákónna.

Juaa̱ 6:45 ပူးပေါင်းရင်းမြစ်များ

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Matioo̱ 17:5

Tji̱e̱nga tsꞌénchji̱a̱ ngase Peé, ngo ṉdi̱ ꞌna̱ kitsjien, kó ki̱a̱ kasasien nínga síndo kui jaá, sꞌe̱ ngi̱jin kui ṉdi̱i̱ kandaꞌyá ngo nda̱, xi bi̱ katsó: –Kuí xi̱ꞌbi̱ xi ndí tjóna, tsjátjínna ngatꞌaa̱ kui, ndaꞌyájnúu̱.

Markoo̱ 1:2

Xikó tsꞌén kjitꞌa xo̱jo̱n xi katsꞌénꞌindó nda̱ chji̱ni̱e̱ꞌe̱én Néná xi ꞌmí Isayaa̱, nínga bi̱ tsoó: Kꞌi̱e̱ sangiyatjoón an chji̱ni̱e̱ꞌénna, tsi̱ꞌe̱ nga ku̱i̱ꞌíjñanda ndi̱yàa̱ ngindyikin ji.

Rkaa̱ 1:70

Xikó tsꞌén tsíchji̱a̱tjón Néná nga katsꞌénkíchji̱a̱ já chji̱ni̱e̱ꞌén tsjiee̱ ndeskande koó ngasꞌe̱.

Rkaa̱ 18:31

Sꞌe̱ Kjisoo̱ tsíchji̱a̱jotꞌaxín já xí tiejoó, kó bi̱ katsoó: –Tsitsíjenjnúu̱ nga kꞌi̱e̱ ndyi̱mongínnijíngí xtji̱e̱e̱n na̱xi̱ńdáꞌniú Jerusale̱n, kó kjo̱tjosón ngayeje ni xi je katsꞌénꞌindó já chji̱ni̱e̱ꞌe̱én Néná kjo̱a̱a̱ ndií nda̱ xi̱ꞌii̱n.

Juaa̱ 10:27

Cho̱tsa̱nga̱na ntꞌiérií nda̱na, kó be án kuí, kó fítji̱ngina,

Juaa̱ 6:37

Ngayeje xota̱ xi je jaꞌájin Na̱ꞌmina, kji̱ndi̱bákónna, kó xi kji̱ndi̱bákónna sa̱ꞌinchꞌójín an,

Juaa̱ 6:65

Kó bi̱ katsó Kjisoo̱: –Ja̱ kuíni je bo̱a̱ kixianjnúꞌun nga nde ngojín xi ko̱e̱je̱konna, tsi Na̱ꞌminajín xi tsja̱á kjo̱a̱.

Ni xi kamá 13:40

ꞌNiú nda chónjnú yojojnú, tsi̱ꞌe̱ nga júnjín kꞌo̱kaniéjnú ni xi katsꞌénꞌindó já chji̱ni̱e̱ꞌe̱én Néná, xi bi̱ tsoó:

Ni xi kamá 7:42

Kó Néná íjñámasien kui xotaa̱, kó ta̱sá katsjaákjo̱a̱ nga kui ńño xi tjín nkꞌa jàn katsꞌéndikón, xikótsꞌèn kjitꞌa xo̱jo̱n xi katsꞌénda já chji̱ni̱e̱ꞌe̱én Néná, nínga bi̱ tsoó: Xota̱ Israee̱l, A án xí katseꞌéjnúꞌun kjo̱a̱tjó yichán nó ki̱a̱ nangi kixií.

Xota̱ Éfeso̱ 1:17

tsi̱ꞌe̱ nga kui Néná xí tsi̱ꞌe̱ Ndi̱a̱ná Jesukristoo̱, kui Na̱ꞌmi xi tjiín kjo̱a̱jee̱, ngatsjájnú A̱si̱énni̱xtjii̱n, tsi̱ꞌe̱ nga kꞌuiéjnú kjo̱a̱kjínkoón, ko̱jo nga ko̱kójnú kókón Néná.

Xota̱ Filipo̱ 3:15

Kó kuíni nga ngayeje ñá xi je kamá xí chjiéngá ka̱ma, kuí nii̱ xi chjiéngá kjójintakón. Kó tsi kje̱ꞌe tsꞌén si̱ꞌankjójnú, Néná xí ko̱kójnú nga ndajínkjiꞌi kui nii̱.

1 Xota̱ Tesalónika̱ 4:9

Kó kjo̱a̱a̱ nga kꞌuiéjnú kjo̱a̱tjó xi ꞌbéná xikoó tsi ngo ntsꞌié, nde chjiénjín nga xo̱jo̱n kuitꞌajnúꞌun kui nii̱, ngatꞌa̱ ti̱kuíní Néná xi je akóyájnú nga chjiéngá ja̱kꞌi̱e̱ ja̱ngaján si̱ꞌantjójnú xingi̱jnú.

Xota̱ Ebreo̱ 10:16

Bi̱ katsó Ndi̱a̱ná: Kuí bí kjo̱a̱ꞌbínda xi sa̱ꞌinjo̱ an kui xotaa̱, Ngije kamá kui ni̱xtjii̱n. Ngi̱jii̱n kjo̱a̱kjíntakoón kꞌuijñájin an kjo̱a̱kitina. Kó nga̱són ini̱ma̱a̱ sa̱ꞌinꞌindó an.

1 Xo̱jo̱o̱n Juaa̱ 2:27

Ta̱nga kui A̱si̱énni̱xtjii̱n Néná xi katsjájnú Jesukristoo̱ jè tikónjinjnú, kó nde chjiénjín nga tjín xí ko̱kóyájnú, ngatꞌa̱ kui A̱si̱énni̱xtjii̱n, kuí boá xi bokoyá kjo̱a̱a̱ ngayeje nii̱, kó ja̱koxi̱ boá ni xi bokoyá, jmí tsi kjo̱a̱ndiso. Xikó tsꞌén je akóyájnú kui A̱si̱énni̱xtjii̱n Néná, bo̱a̱ tsꞌén tindyionjinjnúu̱ Jesukristoo̱ ngatsjéni̱xtjin.