Juaa̱ 6:40 - Xo̱jo̱n eén Néná

⁴⁰ Ngatꞌa̱ kuí nii̱ xi mejeén na̱ꞌmina: Nga ngayeje xota̱ xi be ndií, kó xi sꞌijii̱n, sa̱ko̱ó kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌa kui nga̱sondiee̱.

Juaa̱ 6:40 ပူးပေါင်းရင်းမြစ်များ

Xki̱ 21:9

Kó bo̱a̱ kamá. Moisee̱ katsꞌénda ngo ye̱ xi ki̱cha̱ bronse̱, kó ngo yá ndojó ítokó. Kó kjiꞌanga ngo xota̱ xi ye̱ iskjiniee̱, kui xi bo̱a̱ kamaá askotsijee̱n kui ye̱ xi ki̱cha̱ bronsee̱, kó jmí ni kamájiín ngijee̱.

Matioo̱ 10:15

Kó ja̱koxi̱ ni xi xiánjnúꞌun nga kui na̱xi̱ńdaá ni̱xtjin nga ka̱majeé xotaa̱, jé xí sa̱ko̱ó ta̱nisién tsie ngase ta̱bo̱a̱jiín jé xí sa̱ko̱ó na̱xi̱ńdáꞌniú Sondoma̱ ko̱jo na̱xi̱ńdáꞌniú Ngomorra̱.

Matioo̱ 25:46

Kó kui xota̱ xi ndajiín, ka̱majeé nínga jmíni̱xtjin kju̱i̱e̱ jeé, kó xota̱ xi kixi̱i̱ sa̱ko̱ó kjo̱a̱mindyion ngatsjéni̱xtjii̱n.

Markoo̱ 16:16

Xi sꞌi̱jii̱n, kó ko̱tíndá yojoo̱, kuí xi̱ꞌba̱ xi kjo̱tjoꞌaa̱ yojoo̱, ta̱nga xi sꞌi̱jinjiín, kuí xi̱ꞌba̱ xi ka̱majeé.

Rkaa̱ 2:30

Ngatꞌa̱ jè kamábe an kjo̱a̱ꞌnaxiéꞌáa̱,

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 10:28

kó an tsjàa̱ kjo̱a̱mindyion ngatsjéni̱xtjii̱n, kó nginijánjín ko̱yà, kó nde ngojín xi kjo̱a̱ꞌáxínna ngi̱ya ndsa̱ án.

Juaa̱ 11:24

Sꞌe̱ na̱ Martaa̱, bi̱ katsó: –Jè be an nga kjo̱a̱ꞌáꞌyá nginií kjiꞌanga kjo̱a̱ꞌáꞌyaá xota̱ xi je jesoón, ni̱xtjin xi fetꞌaa̱.

Juaa̱ 11:25

Sꞌe̱ Kjisoo̱, bi̱ katsó: –Án boá xi tsꞌenkjaꞌáꞌyáa̱ xota̱ xi je jesoón, ko̱jo án boá xi tsꞌénkꞌíndo ngiñá an, kó xi sꞌi̱jii̱n an, ndatsi ko̱yà, kꞌuijñá nginí,

Juaa̱ 12:45

kó xi bena, be xí katsangiyana.

Juaa̱ 12:50

Kó be án nga kjo̱a̱botíxomaa̱ kui, kuí boá xi kjo̱a̱mindyion ngatsjéni̱xtjii̱n. Kó kuíni nga ngayeje ni xi xian an, tsꞌénxiya án xikó katsóna Na̱ꞌmina.

Juaa̱ 14:17

Kuí boá A̱siénni̱xtjin xi ko̱kóyá ja̱koxi̱i̱, kui xi ka̱májín sa̱ko̱ó xotaa̱ kui nga̱sondiee̱, ngatꞌa̱ bejín, ta̱nga jún jè yàjnú, ngatꞌa̱ ki̱a̱ tikónjinjnú, kó ki̱a̱ kꞌuijñájo̱jnú.

Juaa̱ 14:19

Ngi chiboa ni̱xtjin, kó xotaa̱ kui nga̱sondiee̱, ngiti̱ sku̱i̱e̱jínna, ta̱nga jún xcha̱jnúꞌun, ngatꞌa̱ tikòn án, kó ti̱ ku̱i̱ndyionjnú ndatsa jún nga.

Juaa̱ 17:2

xikótsꞌèn katseꞌéní xá nga án kotixomáa̱ xotaa̱, ko̱jo tsi̱ꞌe̱ nga an tsjàa̱ kjo̱a̱mindyion ngatsjéni̱xtjii̱n ngayeje xota̱ xi ji katseꞌée̱.

Juaa̱ 3:36

Xi sꞌijii̱n ndií Néná, tjiín kjo̱a̱mindyion ngatsjéni̱xtjii̱n, ta̱nga xi sꞌijinjiín sa̱kójiín kjo̱a̱mindyioo̱n, ta̱sá kjo̱a̱xcha̱án Néná sa̱ko̱ó.

Juaa̱ 4:14

ta̱nga xi kꞌuí kui ndáfoa xi tsjàa̱, nginijánjín ka̱ma xíndaá, ngatꞌa̱ kui ndáfoa xi tsjàa̱, kuí boá xi ngo ndáńchꞌi̱ xi kjo̱tjoo̱ ndáfoa xi tsjaá kjo̱a̱mindyion ngatsjéni̱xtjii̱n xotaa̱.

Juaa̱ 5:24

Ja̱koxi̱, ja̱koxi̱ ni xi xiánjnúꞌun: Xi ku̱i̱ntꞌiè énna, kó sꞌijii̱n xi katsangiyana, kꞌuieé kjo̱a̱mindyion ngatsjéni̱xtjii̱n, kó ka̱majéjiín, ngatꞌa̱ xín je katsꞌénkjaꞌa kjo̱a̱bo̱yaa̱, kó je katseꞌeé kjo̱a̱mindyioo̱n.

Juaa̱ 6:27

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

Juaa̱ 6:39

Kó kuí nii̱ xi mejeén Na̱ꞌmina xi katsangiyana: Nga ngayeje ni xi tsja̱ana, ngojín ni xi sa̱ꞌinchaja an, nga ta̱sá sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Juaa̱ 6:44

Nde ngojín xota̱ xi ka̱maa̱ kjo̱e̱ꞌe̱kónna, tsi kuijín Na̱ꞌmi xi jeꞌejo̱na xi kjo̱e̱ꞌéjo̱, kó an sa̱ꞌinkjaꞌáꞌyáa̱ kui xotaa̱, nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Juaa̱ 6:54

Xi skji̱ni̱e̱ yojona, ko̱jo xi kꞌuí jínna, tjiín kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ ni̱xtjin nga kju̱i̱e̱tꞌaa̱ kui nga̱sondiee̱.

Juaa̱ 8:56

Abraa̱n, xota̱ tji̱e̱ xchájnú achichí tsjá kamaá nga katsꞌénkjó nga sku̱i̱e̱ ni̱xtjin nga kjoéꞌe̱ an kui nga̱sondiee̱, kamábe, kó tsja kamaá.

Xota̱ Roma̱ 5:21

Ngatꞌa̱ xikótsꞌèn ta̱ngatꞌanii̱ jeé nga atíxoma kjo̱a̱bo̱yaa̱ kó katsꞌénkꞌién xotaa̱, ti̱ bo̱a̱ ti̱ tsꞌén ngatatixómá kjo̱a̱ndaa̱ Néná, tsi̱ꞌe̱ nga kixi̱ ka̱ma xotaa̱ ngi̱yaa̱ kjo̱a̱mindyion ngatsjéni̱xtjii̱n ngatꞌaa̱ Ndi̱a̱ná Jesukristoo̱.

Xota̱ Roma̱ 6:23

Ngatꞌa̱ chjií jeé kjo̱a̱bo̱yaa̱ boá, ta̱nga kjo̱a̱ndaa̱ Néná kjo̱a̱mindyion ngatsjéni̱xtjii̱n boá ngatꞌaa̱ Kristo̱ Kjisoo̱, kui xi Ndi̱a̱ná.

2 Xota̱ Korinto̱ 4:6

Ngatꞌa̱ kuí Néná xí katsjákjo̱a̱ nga nínga jñoó sa̱ꞌíntsijen ndiꞌií, kó ti̱kuíní xi katsꞌéntsijen ndiꞌií ngi̱jin ini̱ma̱ná, kó katsꞌéntsijee̱n tsi̱ꞌe̱ nga ka̱makjínná kjo̱a̱jee̱ Néná xí tjítsꞌén ꞌna̱ kje̱n Jesukristoo̱.

Xota̱ Ebreo̱ 11:1

Kjiꞌanga sꞌijinná Néná, ya nga ja̱koxi̱ boá nga sa̱kóná ni xi ndyi̱chiyáa̱, ko̱jo nga je kamákjínná nga tjín ni xi ndyi̱yà, ndatsi ndyikón nde májín be.

Xota̱ Ebreo̱ 11:27

Ta̱ngatꞌanii̱ kjo̱a̱sꞌijii̱n Moisee̱ kuíni nga jatjoni nangi Ejipto̱, kó katsakjónjín nga katsꞌénxchán nda̱ ree̱, kó bo̱a̱ katsꞌén nga ꞌniú kisꞌijña xikó maá tsi askotsijee̱n kui Néná xi májín yaa̱.

1 Xo̱jo̱o̱n Peé 1:8

Jesukristoo̱ xí ndyi̱niꞌántjójnú ndatsi kamáyàjínjnú kó kisꞌie kje̱n, kó tjisꞌíjinjnú ndatsi ngotꞌe̱ yàjínjnú kje̱n, achichí kjo̱a̱tsja xi ꞌniú jè tjínjnú, kó ngaskande nde yàjín kótsꞌèn kꞌuiyá kuí nii̱,

1 Xo̱jo̱o̱n Juaa̱ 2:25

Kjo̱a̱mindyion ngatsjéni̱xtjii̱n boá xi katsóyàtjónná Jesukristoo̱ nga tsja̱aná.

Xo̱jo̱o̱n Jundaa̱ 1:21

Ti̱ndyiajinjnú kjo̱a̱tjoó Néná, kó chiyájnúu̱ ni̱xtjin nga Ndi̱a̱ná Jesukristoo̱ kꞌuieé kjo̱a̱ni̱ma̱takón nga tsja̱aná kjo̱a̱mindyion ngatsjéni̱xtjii̱n.