Juaa̱ 6:39 - Xo̱jo̱n eén Néná

³⁹ Kó kuí nii̱ xi mejeén Na̱ꞌmina xi katsangiyana: Nga ngayeje ni xi tsja̱ana, ngojín ni xi sa̱ꞌinchaja an, nga ta̱sá sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Juaa̱ 6:39 ပူးပေါင်းရင်းမြစ်များ

Matioo̱ 10:15

Kó ja̱koxi̱ ni xi xiánjnúꞌun nga kui na̱xi̱ńdaá ni̱xtjin nga ka̱majeé xotaa̱, jé xí sa̱ko̱ó ta̱nisién tsie ngase ta̱bo̱a̱jiín jé xí sa̱ko̱ó na̱xi̱ńdáꞌniú Sondoma̱ ko̱jo na̱xi̱ńdáꞌniú Ngomorra̱.

Matioo̱ 18:14

Ti̱ bo̱a̱ ti̱ tsꞌén, Na̱ꞌmijnú xi tikón ndiꞌakꞌajmi jàn, mejénjiín nga ngo kui ndií xcha̱ja.

Rkaa̱ 12:32

Ngata̱ ndakonjínmájnú, jún ndí cho̱tsa̱nga̱ xi tsa̱ꞌa̱n xi chiboa májnú, ngatꞌa̱ Na̱ꞌmijnú, ta̱ngatꞌaa̱ kjo̱a̱ndaa̱, je bo̱a̱ katsó nga tsja̱ajnú ngi̱ndie nínga botixómá.

Juaa̱ 12:48

Xi sa̱ꞌínchꞌóna, kó sa̱ꞌínjo̱ꞌojín énna, jè tikoón xi ko̱tíjeé, én xí je tsíchji̱a̱ an, kuí xí ko̱tíjeé nga kjo̱chó ni̱xtjin nga kju̱i̱e̱tꞌaa̱.

Juaa̱ 17:12

Nga kisꞌijñajo̱ an kui xotaa̱ kꞌi̱e̱ kui nga̱sondiee̱, askóo̱n ngi̱yaa̱ ngaꞌniuú jaꞌée̱n, kui xota̱ xi ji katseꞌéní, kó askóo̱n, kó nde ngojín xi kichajá, ta̱kuítsí ndí kichajaá, tsi̱ꞌe̱ nga kjo̱tjosón ni xi tjítꞌa xo̱jo̱n ée̱n.

Juaa̱ 17:2

xikótsꞌèn katseꞌéní xá nga án kotixomáa̱ xotaa̱, ko̱jo tsi̱ꞌe̱ nga an tsjàa̱ kjo̱a̱mindyion ngatsjéni̱xtjii̱n ngayeje xota̱ xi ji katseꞌée̱.

Juaa̱ 17:24

Na̱ꞌmi, kui xota̱ xi je katseꞌéní, mejénna nga nínga tikòn an, nga ti̱ ki̱a̱ kꞌuíndojo̱na nga, tsi̱ꞌe̱ nga sku̱i̱e̱ ngayeje kjo̱a̱je xi katseꞌéní, ngatꞌa̱ kiniꞌíntjéní ndeskande koó nga ítjatsꞌennii̱ kui nga̱sondiee̱.

Juaa̱ 17:6

Jè akòo̱ xotaa̱ ꞌyání jí, kui xota̱ xi katseꞌéní xí tjín nga̱sondiee̱, tse̱ kamá, kó an katseꞌéní, kó jè ndyi̱tsꞌènkjátjosón ée̱n.

Juaa̱ 17:9

An ꞌniú tsꞌénmíꞌá an kjo̱a̱a̱ kui xotaa̱, jmí tsi kjo̱a̱a̱ xotaa̱ kui nga̱sondiee̱, tsꞌénmíꞌáñaá kjo̱a̱a̱ xota̱ xi katseꞌéní, ngatꞌa̱ jí tse̱,

Juaa̱ 18:9

Kui nii̱ kamá tsi̱ꞌe̱ nga kjo̱tjosón ni xi tsíchji̱a̱ Kjisoo̱ nga bi̱ katsó: “Xota̱ xi katseꞌéní nde ngojín xi katsꞌenchaja an.”

Juaa̱ 5:28

Ngata̱ fíndikónjínjnú kjo̱a̱a̱ kui nii̱, ngatꞌa̱ sꞌe̱ kjo̱chó chi̱bo̱a̱ nga ngayeje xota̱ xi je jesoón ku̱i̱ntꞌiè nda̱a̱,

Juaa̱ 6:37

Ngayeje xota̱ xi je jaꞌájin Na̱ꞌmina, kji̱ndi̱bákónna, kó xi kji̱ndi̱bákónna sa̱ꞌinchꞌójín an,

Juaa̱ 6:40

Ngatꞌa̱ kuí nii̱ xi mejeén na̱ꞌmina: Nga ngayeje xota̱ xi be ndií, kó xi sꞌijii̱n, sa̱ko̱ó kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌa kui nga̱sondiee̱.

Juaa̱ 6:44

Nde ngojín xota̱ xi ka̱maa̱ kjo̱e̱ꞌe̱kónna, tsi kuijín Na̱ꞌmi xi jeꞌejo̱na xi kjo̱e̱ꞌéjo̱, kó an sa̱ꞌinkjaꞌáꞌyáa̱ kui xotaa̱, nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Juaa̱ 6:54

Xi skji̱ni̱e̱ yojona, ko̱jo xi kꞌuí jínna, tjiín kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ ni̱xtjin nga kju̱i̱e̱tꞌaa̱ kui nga̱sondiee̱.

Xota̱ Roma̱ 8:11

Kó tsi kui A̱siénni̱xtjin xi katsꞌénkjaꞌáꞌyaá Kjisoo̱ ngi̱jii̱n xota̱ xi je jesoón xi tikónjinjnú, ja̱ kui xi katsꞌénkjaꞌáꞌyaá Kristo̱ Kjisoo̱ ngi̱jii̱n xota̱ xi jesoón ngatsꞌénkꞌíjñá nginíjnú ngindyi̱ko̱n Néná. Néná boá xi sa̱ꞌín kui nii̱ ta̱ngatꞌanii̱ A̱siénni̱xtjin xi tikónjinjnú.

1 Xota̱ Korinto̱ 6:14

Néná katsꞌénkjién ngaꞌniuú nga katsꞌénkjaꞌáꞌyaá Ndi̱a̱ná kó ti̱ bo̱a̱ ti̱ tsꞌén sa̱ꞌínkjaꞌáꞌyáná ñá nga.

2 Timoo̱ 2:19

Ta̱nga ta̱kó ꞌniú tikón eén Néná, kó tikón xikoó ngo xó xí ꞌbítjatsꞌennii̱ ngo ndiꞌa, nínga bi̱ tsꞌén kjitꞌa: “Ndi̱a̱ná be kuí xota̱ xi je tsi̱ꞌe̱”, ko̱jo: “Ngayeje xota̱ xi míꞌátjéni nga tsꞌénkáxoma jaꞌeén Néná, ngatꞌíndomasien ngayeje ni xi ndajiín.”

Xo̱jo̱o̱n Sandiyaá 5:15

Kjo̱a̱ndokjo̱a̱tjé xi tjiín kjo̱a̱sꞌijii̱n boá xi sa̱ꞌíndaya xi oo̱n, kó Ndi̱a̱ná sa̱ꞌínkjastjíe̱n, kó tsi katsꞌénjé, si̱ꞌanjetakoón jeé.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

Xo̱jo̱o̱n Jundaa̱ 1:1

Án xí ꞌmína Jundaa̱, mosoo̱ Jesukristoo̱ ko̱jo ntsꞌi̱e̱ Sandiyaá, tsꞌentindejnúꞌun ngayejejnú jún xota̱ xi Néná xí Na̱ꞌmii̱ tjoó, ko̱jo xi je tsíchji̱a̱a̱, kui xota̱ xi Jesukristoo̱ tsꞌénkoón.