Juaa̱ 6:38 - Xo̱jo̱n eén Néná

³⁸ ngatꞌa̱ ndiꞌakꞌajmi jàn kjindibáni an, tsi̱ꞌe̱ nga sa̱ꞌin an ni xi mejeén xi katsangiyana, jmí tsi tsi̱ꞌe̱ nga sa̱ꞌin an ni xi mejénna an.

Juaa̱ 6:38 ပူးပေါင်းရင်းမြစ်များ

Matioo̱ 20:28

xikó maá nga ndií nda̱ xi̱ꞌii̱n, jmí tsi jeꞌe kui nga̱sondiee̱ tsi̱ꞌe̱ nga si̱ꞌansee̱n, ta̱sá jeꞌe tsi̱ꞌe̱ nga kui xi sa̱ꞌínseén xotaa̱, ko̱jo tsi̱ꞌe̱ nga tsja̱á yojoo̱ tsi̱ꞌe̱ nga ku̱i̱ꞌíchjítáꞌín kjín xota̱.

Juaa̱ 3:13

Kó nde kji̱e̱ ngo xi fí ndiꞌakꞌajmi jàn, ta̱kuítsí xi jatjajenni ndiꞌakꞌajmi jàn, kuí xí ndií nda̱ xi̱ꞌii̱n, xi tikón ndiꞌakꞌajmi jàn.

Juaa̱ 3:17

Ngatꞌa̱ Néná jmí tsi katsangiya ndií kui nga̱sondiee̱ tsi̱ꞌe̱ nga sa̱ꞌínjeé xotaa̱, katsangiya tsi̱ꞌe̱ nga kui ndií xi kꞌo̱xiéꞌá xotaa̱.

Juaa̱ 3:31

Kui xi kjindibáni nkꞌa jàn, kuí xí je ngase ta̱bo̱a̱jínnii̱ ta̱ꞌya xota̱ní, kó kui xi nga̱sondiee̱ nangii̱, kuí xí xota̱ nga̱sondie, kó ni xi tsi̱ꞌe̱ nga̱sondiee̱ xí chji̱a̱. Ta̱nga kui xi ndiꞌakꞌajmi jàn kjindibáni, je ngase ta̱bo̱a̱jínnii̱ ta̱ꞌya xota̱ní,

Juaa̱ 4:34

Ta̱nga Kjisoo̱, bi̱ katsó: –Ni chiniena, kuí boá nga chjiéngá sa̱ꞌinkjatjosón an ni xi mejeén xi katsangiyana, kó nga ka̱mando̱jo ni xi mejeén sa̱ꞌín kuí.

Juaa̱ 5:19

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Ta̱ jmíjín ni xi ka̱maa̱ sa̱ꞌín soboá ndií Néná, ta̱kuítsí ni xi tsꞌén, ni xi be nga tsꞌén Na̱ꞌmii̱, ngatꞌa̱ ngayeje ni xi tsꞌén Na̱ꞌmii̱, ti̱kuíní ni xi tsꞌén ndií.

Juaa̱ 5:30

Ka̱májínna sa̱ꞌin an ngo ni an so̱bo̱a̱, xikótsꞌèn ntꞌie an, bo̱a̱ tsꞌén xiya an tsi nda ko̱jo tsi ndajín ndyi̱tsꞌèn xotaa̱, kó kixi̱ tsꞌénkotsijée̱n tsi nda ko̱jo tsi ndajín ndyi̱tsꞌèn xotaa̱, ngatꞌa̱ jmí tsi ni xi mejénna an xi mongase an, ni xi mejeén xi katsangiyana xí mongase an.

Juaa̱ 6:29

Sꞌe̱ Kjisoo̱, bi̱ katsó: –Kuí xi̱ꞌbi̱ xi xaá Néná, nga si̱ꞌansꞌijinjnú kui xi katsangiya kui.

Juaa̱ 6:33

Ngatꞌa̱ paa̱n Néná, kuí boá xi kjindibáni ndiꞌakꞌajmii̱, kó kuí xí tsjaá kjo̱a̱mindyion xotaa̱ kui nga̱sondiee̱.

Juaa̱ 6:42

kó bi̱ katsoó xkjín: –A kuijín xi̱ꞌbi̱ xi Kjisoo̱, ndií Kosiee̱. A yàjín ñá ꞌyání xi na̱ꞌmii̱ ko̱jo na̱aa̱n. Ja̱ kótsꞌèn bo̱a̱ tsóni nga ndiꞌakꞌajmi jàn xò kjindibáni.

Juaa̱ 6:57

Xikó tsꞌén katsangiyana Na̱ꞌmina xi tikoón, kó ta̱ngatꞌanii̱ kui nga tikòn an, ti̱ bo̱a̱ ti̱ tsꞌén xi skji̱ni̱e̱ yojona, kꞌuijñá ta̱ngatꞌanii̱ an.

Xota̱ Roma̱ 15:3

Ngatꞌa̱ Kristoo̱ jmí tsi ni xi tsjaa̱ kui xi tsangase, ta̱sá bo̱a̱ kiniꞌánjo̱ xikótsꞌèn kjitꞌa xo̱jo̱n eén Néná: “Én chꞌo tsó xi katsoó jí xotaa̱, an kasatiena.”

Xota̱ Éfeso̱ 4:9

Kó mí ni xi mejeén tsó nga “kijínijíngí nkꞌa jàn”. Kuíni nga bo̱a̱ tsó, kjo̱a̱a̱ nga tjón jatjajen nínga na̱nga̱a̱ tꞌanangii̱.

Xota̱ Ebreo̱ 5:8

Kó ndatsi ndií Néná kuí, tsie kjo̱a̱ni̱ma̱ jaꞌatio nga kamaá kandaꞌyáꞌén.