Juaa̱ 5:7 - Xo̱jo̱n eén Néná

⁷ Nda̱ xi ni̱ma̱ see̱, bi̱ katsoó Ndi̱a̱a̱: –Jmíjínna xi sa̱ngínjinna ti̱xa̱ xi ndyi̱a̱ ndáfoaa̱ ngije matíyaá, ngatꞌa̱ tji̱e̱nga tsꞌénfí an, kje̱ꞌe xí tsꞌénna.

Juaa̱ 5:7 ပူးပေါင်းရင်းမြစ်များ

Xo̱jo̱n Salmoo̱ 142:4

Nda má tsitsíjin ji nga fojnína: ¡ta̱ꞌyajín xi tsꞌensénna! ¡Ta̱ꞌyajín xi kónna! ¡Ta̱ꞌyajín xi ndasen maa̱ an!

Xo̱jo̱n Salmoo̱ 72:12

Ngatꞌa̱ kui boá xi kꞌo̱xiéꞌá xota̱ xi ni chjieén xi ku̱i̱ꞌa nga ko̱síko̱joo̱, ko̱jo kꞌo̱xiéꞌá xota̱ ni̱ma̱ xi jmíjiín xi ko̱síko̱jo.

Juaa̱ 5:2

Ki̱a̱ na̱xi̱ńdáꞌniú Jerusale̱n, tiñaa̱ ngo ngi̱ndie xi ꞌmí nga̱ntjo̱a̱a̱ cho̱tsa̱nga̱, kisꞌijña ngo ti̱xa̱ je xi ndyi̱a̱ ndáfoa xi ꞌmí Betesnda̱ nga én ebreo̱, xi ún ngi̱ndie tji̱nkꞌi̱én kisꞌiee̱.

Juaa̱ 5:3

Ngindie tji̱nkꞌi̱e̱én kui ngi̱ndiee̱, achichí má xota̱ xi oo̱n kisꞌińdo, xi ti̱ka̱, ko̱jo xi fí ni̱ma̱ tꞌa, ko̱jo xi ni̱ma̱ se, xi askoyaá nga ka̱matíyaá ndáfoaa̱,

Juaa̱ 5:4

ngatꞌa̱ ta̱ kjiꞌa xóní nga ngo xò ndítsjiee̱ Néná jatjajen nínga tikón kui ti̱xa̱ xi ndyi̱a̱ ndáfoaa̱, sꞌe̱ tsꞌéntíyà xoò ndáfoaa̱, kó ta̱ xota̱ xi tjón sa̱ngínjin xò yojoo̱ kui ti̱xa̱a̱, mandaya xò, ta̱jñà chiꞌinní xi tjiín.

Juaa̱ 5:6

Nga kamábe Kjisoo̱ nga kjiꞌijña ko̱jo nga kjín nónií nga oo̱n, bi̱ katsoó: –A mejeén nga ka̱mandaya ji.

Xota̱ Roma̱ 5:6

Kjiꞌanga ñá xí xota̱ jé kamájínná kaꞌnaxiéꞌá so̱bo̱a̱ yojoná, Kristoo̱ kꞌien ta̱ngatꞌanii̱ ñá, kuí má ni̱xtjin xi jaꞌájin Néná.

1 Xota̱ Korinto̱ 9:24

A yàjínjnú nga kjiꞌanga kjín xota̱ ndyi̱monga ndse̱je̱n, ta̱ ngo tsí xí boeꞌeé ni xi niꞌaán. Ja̱ ti̱yójnú ki̱a̱ ka̱maa̱ nga sa̱kójnú kui ni xi niꞌaán.

Ndeuteronomio̱ 32:36

»Kjiꞌanga je ngiti̱ jmíjínná ngaꞌniú, Néná boá xi kꞌo̱xiéꞌáná, ngije sku̱i̱e̱ná nga je mejeén tjiniꞌánchajaná, ni̱ma̱ ka̱maa̱ ñá,