Juaa̱ 5:46 - Xo̱jo̱n eén Néná

⁴⁶ Ngatꞌa̱ tsi kiniꞌánsꞌijinjínjnúu̱ Moisee̱, ti̱ kiniꞌánsꞌijinjínjnú án tsobo̱a̱, ngatꞌa̱ kuí Moisee̱ xi katsꞌénꞌindó xo̱jo̱n kjo̱a̱a̱ an.

Juaa̱ 5:46 ပူးပေါင်းရင်းမြစ်များ

Jenesii̱s 12:3

Xi nda sa̱ꞌínjoo̱, nda ka̱mataꞌin, kó xi ndajín sa̱ꞌínjoo̱, ndajín ka̱mataꞌin kui. ¡Ta̱ngatꞌanii̱ ji nga ka̱machikonñé ngayeje na̱xi̱ńdá xí tjín nga̱sondiee̱!»

Jenesii̱s 18:18

ngatꞌa̱ xota̱ tji̱e̱ tsi̱ꞌe̱ boá xi ka̱ma ngo na̱xi̱ńdá xí ꞌniú je, ko̱jo nga ta̱ngatꞌanii̱ kui nga sa̱ꞌinchikonñé an ngayeje na̱xi̱ńdá xí tjín nga̱sondiee̱.

Jenesii̱s 28:14

¡Xota̱ tji̱e̱e̱ kjín ka̱ma xikó maá xa̱a̱ tꞌanangii̱! Kó kꞌi̱e̱ kꞌuíndo ngayeje kui na̱xi̱ńdaá, kó ngatꞌaa̱ ji ko̱jo xota̱ tji̱e̱ tse̱ boá nga ngayeje xota̱ na̱xi̱ńdá xí tjín nga̱sondiee̱ ka̱machikonñé.

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Jenesii̱s 49:10

Ngatsjéni̱xtjin kꞌuijñá ngi̱ya ndse̱ ji yánísié xi ko̱ti̱xomeni ji, ngaskande tsí nga kjo̱e̱ꞌe kui re xi ja̱koxi̱i̱, kui xi ko̱tíxoma ngayeje nga̱sondiee̱.

Rkaa̱ 24:27

Kó katsóyaà ni xi kjitꞌa xo̱jo̱n eén Néná nga ítsꞌi̱yanii̱ ndeskande kjo̱a̱kiti xi katsꞌénda Moisee̱, sꞌe̱ ngayeje ni xi katsꞌénꞌindó já chji̱ni̱e̱ꞌe̱én Néná xi tsáyà kjo̱a̱a̱ Kjisoo̱.

Juaa̱ 1:45

Kó Ngiripee̱ kasakoo̱ Natanaee̱l, kó bi̱ katsoó: –Jè kasakojne̱ kui nda̱ xi tsíchji̱a̱ Moisee̱ nga katsꞌénꞌindó xo̱jo̱n kjo̱a̱kitii̱, ko̱jo xi tsíchji̱a̱ já chji̱ni̱e̱ꞌe̱én Néná: Kjisoo̱ boá, ndií Kosiee̱, xi chji̱a̱ni Nasaree̱t.

Juaa̱ 5:47

Ta̱nga tsi kiniꞌánsꞌijinjínjnúu̱ ni xi katsꞌénꞌindó Moisee̱ ja̱, kótsꞌèn sꞌi̱jinjnú énna.

Ni xi kamá 26:22

Ta̱nga ta̱ngatꞌanii̱ nga Néná asíko̱jona kuíni nga kixi̱ tikòn an ngotꞌe̱, nga tsꞌénchji̱a̱jo an kjo̱a̱a̱ ndi̱ya̱à Néná ngayeje xota̱, xi xchá xí kjindí, jmíni̱xtjin nga kje̱ꞌe ni xi tsꞌénchji̱a̱jo an kjo̱a̱a̱ ni xi tsíchji̱a̱ já chji̱ni̱e̱ꞌe̱én Néná, ko̱jo Moisee̱ nga tsíchji̱a̱ kjo̱a̱a̱ ni xi ka̱ma:

Xota̱ Roma̱ 10:4

Ngatꞌa̱ nga fetꞌanii̱ kjo̱a̱kitii̱ Kristoo̱ boá, tsi̱ꞌe̱ nga xota̱ kixi̱ ka̱ma ngayeje xi sꞌijii̱n kui.

Xota̱ Ngalasia̱ 2:19

Ta̱nga nga atíxomana kjo̱a̱kitii̱, jè kꞌien an ta̱ngatꞌanii̱ kui kjo̱a̱kitii̱, tsi̱ꞌe̱ nga ta̱ngatꞌanii̱ Néná nga kotíjña̱ an.

Xota̱ Ngalasia̱ 3:10

Ngatꞌa̱ ngayeje xota̱ xi ndyi̱koyaa̱ nga kjo̱tjoꞌa nga ndyi̱tsꞌènkjátjosón ni xi tjítꞌa kjo̱a̱kiti xi tikónnieé, ndajín síndo ngindyi̱ko̱n Néná, ngatꞌa̱ jè kjitꞌa xo̱jo̱n eén Néná nínga bi̱ tsoó: “Ngatꞌíko̱joo̱ ngayeje xota̱ xi sa̱ꞌínkjatjosónjín ngayeje ni xi kjitꞌa xo̱jo̱n kjo̱a̱kitii̱.”

Xota̱ Ngalasia̱ 3:13

Tsi̱ꞌe̱ nga kꞌo̱kaniéjínná kjo̱a̱botíjeé kjo̱a̱kitii̱, Kristoo̱ iskjíbé kui kjo̱a̱botíjé xí chji̱a̱ni kjo̱a̱kitii̱ ta̱ngatꞌanii̱ ñá, ngatꞌa̱ bi̱ tsꞌén kjitꞌa xo̱jo̱n eén Néná: “Ngatꞌíko̱joo̱ ngayeje xota̱ xi tsjiengíboaꞌátꞌa ngo yá.”

Xota̱ Ngalasia̱ 3:24

Xikó tsꞌén ngo moso̱ nga kjíbéngí jákjíndií, bo̱a̱ tsꞌén kjo̱a̱kitii̱ nga fíjo̱ná ngindyi̱ko̱n Kristoo̱, tsi̱ꞌe̱ nga sꞌi̱jinná, kó bo̱a̱ tsꞌén nga kixi̱ ka̱ma ñá ngindyi̱ko̱n Néná.

Ndeuteronomio̱ 18:15

»Kjo̱chó ni̱xtjin nga Néná kjo̱a̱ꞌájin ngo nda̱ ngi̱jii̱n jún xi ka̱ma chji̱ni̱e̱ꞌe̱én xikoó an. Kjiꞌanga kixindyión ki̱a̱ na̱xi̱ Oree̱b, jún bo̱a̱ kiꞌmíjnúꞌun nga kamámejénjínjnú ko̱nda̱ꞌyájnúu̱ nda̱a̱ Néná, ti̱nde kamámejénjínjnú nga xcha̱jnú kui ndiꞌí nínga tsíchji̱a̱ Néná, ngatꞌa̱ kamámejénjínjnú akayajnú. Ja̱ ndakjiꞌi, ja̱ Néná tsja̱ajnú ngo nda̱ chji̱ni̱e̱ꞌén xi je kichjiáꞌájnúu̱, kó ngayeje ni xi ka̱tso̱jnú chjiéngá ko̱nda̱ꞌyáꞌénjnúu̱.