Juaa̱ 5:37 - Xo̱jo̱n eén Néná

³⁷ Ko̱jo Na̱ꞌmina xi katsangiyana xí kjima chistiko̱ kjo̱a̱a̱ an, ndatsi kji̱e̱ ndaꞌyájínjnú nda̱a̱, ko̱jo kji̱e̱ yàjínjnú kókjiꞌi a̱sie̱én,

Juaa̱ 5:37 ပူးပေါင်းရင်းမြစ်များ

Éksondo̱ 20:19

Sꞌe̱ jaskan kui xotaa̱ kijíkoón Moisee̱, nga bi̱ katsoó: —Ta̱sá ndatsi ji xi ko̱ndókjo̱e̱jejne̱. Tꞌíyéjne̱ ni xi chjiéngá si̱ꞌanjne̱, kó ko̱nda̱ꞌyáꞌénjne̱ ji. Ngatꞌa̱ tsi Néná xí ku̱i̱chji̱a̱jojne̱, ko̱yayéjéjne̱ tsobo̱a̱.

Matioo̱ 17:5

Tji̱e̱nga tsꞌénchji̱a̱ ngase Peé, ngo ṉdi̱ ꞌna̱ kitsjien, kó ki̱a̱ kasasien nínga síndo kui jaá, sꞌe̱ ngi̱jin kui ṉdi̱i̱ kandaꞌyá ngo nda̱, xi bi̱ katsó: –Kuí xi̱ꞌbi̱ xi ndí tjóna, tsjátjínna ngatꞌaa̱ kui, ndaꞌyájnúu̱.

Matioo̱ 3:17

Kó kandaꞌyá ngo nda̱ ndiꞌakꞌajmi jàn xi bi̱ katsó: –Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.

Markoo̱ 1:11

Kó kandaꞌyáa̱ ngo nda̱ ndiꞌakꞌajmi jàn xi bi̱ katsó: –Jí xí ndí tjóna ji, ꞌniú tsjátjínna kjo̱a̱a̱ ji.

Rkaa̱ 24:27

Kó katsóyaà ni xi kjitꞌa xo̱jo̱n eén Néná nga ítsꞌi̱yanii̱ ndeskande kjo̱a̱kiti xi katsꞌénda Moisee̱, sꞌe̱ ngayeje ni xi katsꞌénꞌindó já chji̱ni̱e̱ꞌe̱én Néná xi tsáyà kjo̱a̱a̱ Kjisoo̱.

Rkaa̱ 3:22

kó A̱si̱énni̱xtjii̱n Néná nga yojo, ja̱kjiꞌi tójo má kjiꞌi nga kjindibánié Kjisoo̱, kó kandaꞌyá ngo nda̱ ndiꞌakꞌajmi jàn, xi bi̱ katsó: –Jí xí ndí tjóna, ꞌniú tsjátjínna kjo̱a̱a̱ ji.

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 14:9

Sꞌe̱ Kjisoo̱, bi̱ katsó: –Achichí kjín ni̱xtjin je kisꞌijñajinjnúꞌun, kó a kji̱e̱ yejínní Ngiripe̱. Xi je kamábena, ti̱ jè kamábe Na̱ꞌmina nga, kó kótsꞌèn bi̱ se ji: Takejne̱ Na̱ꞌmii̱.

Juaa̱ 15:24

Tsi katsꞌénjín an ngi̱jii̱n kui xotaa̱, ni xi kji̱e̱ ngo xi tsꞌén, jmí jéjínra̱a̱, ta̱nga ngotꞌe̱ jè kamábe kui nii̱, kó ti̱ kuira xí katsꞌénchꞌóna an ko̱jo Na̱ꞌmina.

Juaa̱ 5:32

Kje̱ꞌe xí chistiko̱ kjima kjo̱a̱a̱ ꞌyání án, kó be án nga ja̱koxi̱ ni xi tsáyà kjo̱a̱a̱ an.

Juaa̱ 6:27

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

Juaa̱ 8:18

Án boá xi tsꞌen an chistiko̱ yojona kjo̱a̱a̱ an, ko̱jo Na̱ꞌmina xi katsangiyana ti̱ chji̱a̱ kjo̱a̱a̱ an nga.

Ndeuteronomio̱ 4:12

kó ndeskande ngi̱jii̱n kui ndiꞌií Néná tsíchji̱a̱jojnú. Kó jún jmí tsi ngo a̱si̱én xí kamáyàjnú, ta̱ nda̱a̱ Néná tsí xi kandaꞌyájnú.

1 Timoo̱ 1:17

Kó kui Néná xi nda̱ Re xi kꞌuijñá ngatsjéni̱xtjii̱n, kui xi ko̱yàjín, kui xi yàjín a̱sie̱én, kui xi ta̱ ngo tsí má, kui ngateꞌeé kjo̱a̱yandikón, ko̱jo kjo̱a̱je ngatsjéni̱xtjin. Bo̱a̱ kjiꞌi.

1 Timoo̱ 6:16

Ta̱ kuí tsi xi ꞌméjín, kó ki̱a̱ tikónjin ngo ndiꞌí ꞌna̱ nínga ngojín xota̱ xi ma fochó tiña, kui xi kji̱e̱ ngo xota̱ xi be, ti̱nde májín be, kui tsi̱ꞌe̱ ngatama ngayeje kjo̱a̱yandikón ko̱jo ngaꞌniú, ta̱ kjiꞌání. Bo̱a̱ kjiꞌi.

1 Xo̱jo̱o̱n Juaa̱ 4:12

Kji̱e̱ ngo xi je kamábe kókjiꞌi Néná, ta̱nga tsi ja̱kꞌi̱e̱ ja̱ngaján tjóná xingi̱, kjiꞌá boá nga Néná tikónjinná, kó kjo̱a̱tjoó kjimando̱jo kjin kjin ngi̱jinná.

1 Xo̱jo̱o̱n Juaa̱ 4:20

Tsi tjín xí: “Tjóna Néná” ka̱tso̱, kó tsi chꞌoo̱ xota̱ xi ngasee̱, xota̱ ndiso boá. Ngatꞌa̱ tsi tjójínná xota̱ xi ngasee̱ xi ya kókjiꞌi kje̱n, ja̱ kótsꞌèn ka̱ma tjóná Néná nga yàjín ñá kje̱n kui.

1 Xo̱jo̱o̱n Juaa̱ 5:9

Tsi niꞌánjo̱ꞌó ngo én xí chji̱a̱ ngo xota̱ xi chistiko̱, ja̱ chjí ngasenii̱ ni xi chji̱a̱ Néná, ngatꞌa̱ kuí nii̱ xi tsꞌénchji̱a̱ Néná, nga chistiko̱ kjima nga chji̱a̱ kjo̱a̱a̱ ndií.