Juaa̱ 5:30 - Xo̱jo̱n eén Néná

³⁰ Ka̱májínna sa̱ꞌin an ngo ni an so̱bo̱a̱, xikótsꞌèn ntꞌie an, bo̱a̱ tsꞌén xiya an tsi nda ko̱jo tsi ndajín ndyi̱tsꞌèn xotaa̱, kó kixi̱ tsꞌénkotsijée̱n tsi nda ko̱jo tsi ndajín ndyi̱tsꞌèn xotaa̱, ngatꞌa̱ jmí tsi ni xi mejénna an xi mongase an, ni xi mejeén xi katsangiyana xí mongase an.

Juaa̱ 5:30 ပူးပေါင်းရင်းမြစ်များ

Jenesii̱s 18:25

¡Jí boá ngo Ne xi kotsijee̱n tsi nda ko̱jo tsi ndajín ndyi̱tsꞌèn ngayeje xota̱ nga̱sondiee̱! ¡Kó jí ka̱májín nijan si̱ꞌinkꞌin ji xota̱ xi ndajín ndyi̱tsꞌe̱én ko̱jo xota̱ xi nda ndyi̱tsꞌe̱én! ¡Jí boá ngo Ne xi ndse̱je̱n tsꞌenseén ngayeje xotaa̱!

Xo̱jo̱n Salmoo̱ 96:13

Nga sie ngindyi̱ko̱n Néná, ngatꞌa̱ jè ndibá, ngatꞌa̱ jè ndibákatíjeé xota̱a̱ kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó kjo̱a̱ꞌniátakoón sa̱ꞌínkjién nga ko̱tíjeé xota̱ na̱xi̱ńdaá.

Matioo̱ 26:39

Kó Kjisoo̱ ngi̱chí kijíboaꞌá, asiéntikoó kó yejénxtien kje̱n ngaskande nga kisitꞌaa̱ tꞌanangii̱, sꞌe̱ tsíchji̱a̱a̱ Néná, nga bi̱ katsó: –Na̱ꞌmi, tsi ka̱ma, chje̱ꞌéxín boeꞌéní kuí kjo̱a̱ni̱ma̱a̱, ta̱nga jmí tsi ni xi xian an ni xi ngatama, ta̱sá ngatama ni xi mejeén ji.

Juaa̱ 14:10

A sꞌijinjiín nga Na̱ꞌmii̱ tikónjìi̱n, kó nga Na̱ꞌmii̱ tikónjinna an. Kó én xí chjiá an jmí tsi én xi tsa̱ꞌa̱n so̱bo̱a̱, tsi̱ꞌe̱ Na̱ꞌmi xi tikónjinna boá, kuí xí tsꞌén ngayeje nii̱.

Juaa̱ 17:4

An jè ako an kjo̱a̱jèe̱ kꞌi̱e̱ tꞌanangii̱, kó jè katsꞌenkjatjosón an ni xi katseꞌéní nga sa̱ꞌin an.

Juaa̱ 18:11

Sꞌe̱ Kjisoo̱, bi̱ katsoó Peé: –Nangísꞌín nginí ki̱cha̱ndojóo̱ tji̱xinkícha̱a̱. Tsi Na̱ꞌmii̱ xi tsꞌéntsjána kui kjo̱a̱ni̱ma̱a̱, a chjiénjín nga kjo̱a̱ꞌatio an.

Juaa̱ 4:34

Ta̱nga Kjisoo̱, bi̱ katsó: –Ni chiniena, kuí boá nga chjiéngá sa̱ꞌinkjatjosón an ni xi mejeén xi katsangiyana, kó nga ka̱mando̱jo ni xi mejeén sa̱ꞌín kuí.

Juaa̱ 5:19

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Ta̱ jmíjín ni xi ka̱maa̱ sa̱ꞌín soboá ndií Néná, ta̱kuítsí ni xi tsꞌén, ni xi be nga tsꞌén Na̱ꞌmii̱, ngatꞌa̱ ngayeje ni xi tsꞌén Na̱ꞌmii̱, ti̱kuíní ni xi tsꞌén ndií.

Juaa̱ 6:38

ngatꞌa̱ ndiꞌakꞌajmi jàn kjindibáni an, tsi̱ꞌe̱ nga sa̱ꞌin an ni xi mejeén xi katsangiyana, jmí tsi tsi̱ꞌe̱ nga sa̱ꞌin an ni xi mejénna an.

Juaa̱ 8:28

Kó kuíni nga Kjisoo̱, bi̱ katsoó: –Kjiꞌa ngije chjanínkꞌájnú ndií nda̱ xi̱ꞌii̱n, kjiꞌa xcha̱jnú nga an, kó nga ni xi akóyána Na̱ꞌmina xí chjiá an, jmí tsi ni xi an so̱bo̱a̱ mejénna tsꞌen an.

Juaa̱ 8:42

Sꞌe̱ Kjisoo̱, bi̱ katsó: –Tsi ja̱koxi̱ nga Néná xí na̱ꞌmijnú, tjóra̱ si̱ꞌánjnúꞌun, ngatꞌa̱ Néná boá xi na̱ꞌmina, kó jéꞌe̱ an kꞌi̱e̱e̱, ngatꞌa̱ jéꞌe̱so̱bo̱a̱jín an, na̱ꞌmina boá xi katsangiyana.

Juaa̱ 8:50

Ta̱nga jmí tsi kjo̱a̱je tsa̱ꞌa̱n xi mongase an. Tikón ki ngo xi mongase kui nii̱, kó kuí boá xi ka̱tso̱yà tsi nda ko̱jo tsi ndajín ndyi̱tsꞌèn xotaa̱.

Xota̱ Roma̱ 15:3

Ngatꞌa̱ Kristoo̱ jmí tsi ni xi tsjaa̱ kui xi tsangase, ta̱sá bo̱a̱ kiniꞌánjo̱ xikótsꞌèn kjitꞌa xo̱jo̱n eén Néná: “Én chꞌo tsó xi katsoó jí xotaa̱, an kasatiena.”

Xota̱ Roma̱ 2:2

Ta̱nga jè yàjne̱ nga Néná kixi̱ tsꞌén ko̱tíjeé xota̱ xi bo̱a̱ ndyi̱tsꞌe̱én.

Xota̱ Roma̱ 2:5

Ta̱nga ta̱ngatꞌanii̱ kjo̱a̱kitikjo̱a̱a̱ ko̱jo nga ini̱màa̱ mejénjiín sa̱ꞌínkꞌoyà, kuíni nga tiꞌbítikíi̱ kjo̱a̱xchán yojòo̱, ni̱xtjin nga Néná sa̱ꞌínxchán ko̱jo nga ko̱kó nga kixi̱ tsꞌén ko̱tíjé,