Juaa̱ 5:26 - Xo̱jo̱n eén Néná

²⁶ Ngatꞌa̱ Na̱ꞌmii̱ ta̱kó tikón, kó ti̱ bo̱a̱ ti̱ tsꞌén katsjaá kjo̱a̱nda ndií nga ta̱kó tikón.

Juaa̱ 5:26 ပူးပေါင်းရင်းမြစ်များ

Xo̱jo̱n Salmoo̱ 36:9

Ngatꞌa̱ jí boá xi tikoón ndáńchꞌi̱ nínga tikón kjo̱a̱mindyioo̱n, kó kjo̱a̱a̱ kui ndiꞌí xí tikoón nga ka̱maxcha̱nijne̱ ndiꞌií.

Xo̱jo̱n Salmoo̱ 90:2

Ndeskande ngindiee̱ nga kiniꞌínde ji na̱xi̱i̱, ko̱jo ngindiee̱ nga katseꞌée̱ ndiꞌí tꞌanangii̱, ko̱jo nga̱sondiee̱, ndeskande koó ngasꞌe̱, ko̱jo ngatsjéni̱xtjin nga jí boá xi ji ji.

Éksondo̱ 3:14

Kósꞌe̱ Néná bi̱ katsoó Moisee̱: —Bo̱a̱ tꞌíi̱n nga Án boá kui Ne xi tikón ngatsjéni̱xtjii̱n, kó Án boá xi ꞌmína AN XI AA̱N, bo̱a̱ tꞌíi̱n ngayejee̱ nga Án boá xi Nee̱ Abraa̱n, Nee̱ Isaa̱ ko̱jo Nee̱ Jakoo̱b, kui xi xota̱ xi xchájnú. »Kuíni nga tꞌen ji nangi Ejipto̱, kó tꞌítikí jí ngayeje xota̱ ngito̱ko̱o̱ xota̱ Israee̱l, kó bo̱a̱ tꞌíi̱n nga an, Nee̱ kui xotaa̱, ki̱a̱ jatjokjaà ji, kó nga jè kamábe an kjo̱a̱ni̱ma̱ xi ndyi̱foaꞌatio ki̱a̱ nangi Ejipto̱.

Juaa̱ 1:4

Kuí xí tikoón kjo̱a̱mindyioo̱n, kó kui kjo̱a̱mindyioo̱n, kuí xí ndiꞌí kamaá xota̱a̱,

Juaa̱ 10:18

Nde ngojín xi ka̱maa̱ sa̱ꞌínkꞌiénna, ngatꞌa̱ ngayejení ko̱n an nga sa̱ꞌinkꞌasꞌien an yojona. Tjínna ngaꞌniú tsi̱ꞌe̱ nga sa̱ꞌinkꞌasꞌien an yojona, kó ti̱ tjínna ngaꞌniú tsi̱ꞌe̱ nga kjo̱a̱ꞌáꞌyá nginína. Kuí bí kjo̱a̱botíxoma xi katsjána Na̱ꞌmina.

Juaa̱ 11:25

Sꞌe̱ Kjisoo̱, bi̱ katsó: –Án boá xi tsꞌenkjaꞌáꞌyáa̱ xota̱ xi je jesoón, ko̱jo án boá xi tsꞌénkꞌíndo ngiñá an, kó xi sꞌi̱jii̱n an, ndatsi ko̱yà, kꞌuijñá nginí,

Juaa̱ 11:26

kó ngayeje xi síndo kó sꞌijii̱n an, ngiti̱ ko̱yàjín, kꞌuíndo ngatsjéni̱xtjin. A sꞌijii̱n kui nii̱.

Juaa̱ 14:19

Ngi chiboa ni̱xtjin, kó xotaa̱ kui nga̱sondiee̱, ngiti̱ sku̱i̱e̱jínna, ta̱nga jún xcha̱jnúꞌun, ngatꞌa̱ tikòn án, kó ti̱ ku̱i̱ndyionjnú ndatsa jún nga.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 4:10

Sꞌe̱ Kjisoo̱, bi̱ katsó: –Tsi yera ji kjo̱a̱ndaa̱ Néná, ko̱jo tsi yera ji ꞌyání xi bi̱ tjítsoó: “Chií ndáfoa te̱ꞌéní”, jira̱ xi chji̱e̱ꞌèe̱, kó kuí xí tsja̱á ndáfoa xi tsjaá kjo̱a̱mindyion xotaa̱.

Juaa̱ 6:57

Xikó tsꞌén katsangiyana Na̱ꞌmina xi tikoón, kó ta̱ngatꞌanii̱ kui nga tikòn an, ti̱ bo̱a̱ ti̱ tsꞌén xi skji̱ni̱e̱ yojona, kꞌuijñá ta̱ngatꞌanii̱ an.

Juaa̱ 8:51

Ja̱koxi̱, ja̱koxi̱ ni xi xiánjnúꞌun, nga xi sa̱ꞌínkjatjosón énna, jmíni̱xtjin sku̱i̱e̱ kjo̱a̱bo̱yaa̱.

Ni xi kamá 17:25

ti̱nde tsja xotaa̱ chjiénjiín nga sa̱ꞌínseén, xikoó tsi ngo ni chjieén, ngatꞌa̱ kuí xí Néná xi tsjáná ngayeje kjo̱a̱mindyion, ko̱jo tjo̱ xi ndyi̱jnájén, ko̱jo ngayeje nii̱.

1 Xota̱ Korinto̱ 15:45

Bi̱ tsꞌén kjitꞌa xo̱jo̱n eén Néná: “Nda̱ xi tjón xi ꞌmí Andaa̱n, kiniꞌánda kó kisꞌijña nga̱sondie.” Ta̱nga kui Anda̱n xi jetꞌaa̱ kui xi Kristoo̱, kuí boá xi A̱siénni̱xtjin xi tsjá kjo̱a̱mindyioo̱n.

1 Timoo̱ 1:17

Kó kui Néná xi nda̱ Re xi kꞌuijñá ngatsjéni̱xtjii̱n, kui xi ko̱yàjín, kui xi yàjín a̱sie̱én, kui xi ta̱ ngo tsí má, kui ngateꞌeé kjo̱a̱yandikón, ko̱jo kjo̱a̱je ngatsjéni̱xtjin. Bo̱a̱ kjiꞌi.

1 Timoo̱ 6:16

Ta̱ kuí tsi xi ꞌméjín, kó ki̱a̱ tikónjin ngo ndiꞌí ꞌna̱ nínga ngojín xota̱ xi ma fochó tiña, kui xi kji̱e̱ ngo xota̱ xi be, ti̱nde májín be, kui tsi̱ꞌe̱ ngatama ngayeje kjo̱a̱yandikón ko̱jo ngaꞌniú, ta̱ kjiꞌání. Bo̱a̱ kjiꞌi.

Xota̱ Ebreo̱ 1:2

Kó ngotꞌe̱ ꞌne̱, kui ni̱xtjin xi kjifetꞌaa̱, Néná katsangiya ndií, kó kuí xí katsꞌénkjién nga tsíchji̱a̱joná, kó kuí boá xi katsꞌénkꞌasꞌiee̱n ngayeje nii̱, ko̱jo ta̱ngatꞌanii̱ kui nga Néná katsꞌénda ngayeje nga̱sondiee̱ ko̱jo ndiꞌakꞌajmii̱.

Ni xi akakoo̱ 21:6

Kó bi̱ katsóna: –Jè kamá ngayeje nii̱. Án boá xi alfaa̱ ko̱jo xi omengaa̱, xi tjón ko̱jo xi fetꞌaa̱. Kó xi xíndaá, án xí ta̱ tsjañáa̱ nga kꞌuí ndáfoaa̱ kjo̱a̱mindyioo̱n.

Ni xi akakoo̱ 22:1

Kó akóna ngo ndejèꞌ xi tsjie, kui xi tjiín ndáfoaa̱ kjo̱a̱mindyioo̱n xi tikón ꞌna̱ ꞌna̱ xikoó ngo chi̱tsen, kó ki̱a̱ jatjoni nínga tikón kui Néná xí botixómaá ko̱jo cho̱tsa̱nga̱a̱.

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.

Ni xi akakoo̱ 7:17

ngatꞌa̱ kui cho̱tsa̱nga̱ kui xi botixómaá, kuí boá xi nda̱ xi koo̱n cho̱tsa̱nga̱a̱ ka̱ma, kó kuí boá xi kjo̱jo nínga tjitjó ndáfoaa̱ kjo̱a̱mindyioo̱n, kó Néná sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n.