Juaa̱ 5:22 - Xo̱jo̱n eén Néná

²² Ngatꞌa̱ Na̱ꞌmii̱jín xi tsáyà tsi nda ko̱jo tsi ndajín ndyi̱tsꞌèn xotaa̱, ndií boá xi katsjaá nga kui xi ka̱tso̱yà tsi nda ko̱jo tsi ndajín ndyi̱tsꞌèn xotaa̱,

Juaa̱ 5:22 ပူးပေါင်းရင်းမြစ်များ

Xo̱jo̱n Salmoo̱ 96:13

Nga sie ngindyi̱ko̱n Néná, ngatꞌa̱ jè ndibá, ngatꞌa̱ jè ndibákatíjeé xota̱a̱ kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó kjo̱a̱ꞌniátakoón sa̱ꞌínkjién nga ko̱tíjeé xota̱ na̱xi̱ńdaá.

Xo̱jo̱n Salmoo̱ 98:9

Ngatꞌa̱ Néná ndibákatíjeé kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó ndse̱je̱n tsꞌén ko̱tíjeé ngayeje xota̱ na̱xi̱ńdaá.

Eklesiastee̱ 11:9

Tsjangatꞌieé ngotꞌe̱ nga xo̱ngò jí, kó tsjangatamaa̱ ini̱ma̱a̱ kui ni̱xtjii̱n. Ki̱a̱ tꞌentji̱ngi ji ni xi be ndyikin, ko̱jo ni xi mejeén ini̱ma̱a̱, ta̱nga ngata̱ niꞌínchíyéjín ji nga kjo̱a̱a̱ ngayeje kui nii̱, nga Néná boá xi ku̱i̱ꞌaa̱ xki̱.

Eklesiastee̱ 12:14

Ngatꞌa̱ Néná boá xi ku̱i̱ꞌaná xki̱ kjo̱a̱a̱ ngayeje nii̱, ko̱jo ngayeje ni xi tjiꞌmaá, tsi nda ko̱jo tsi ndajín.

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Matioo̱ 16:27

Ngatꞌa̱ ndií nda̱ xi̱ꞌii̱n, kji̱ndi̱bá nga kji̱ndi̱bájo̱ kjo̱a̱jee̱ Na̱ꞌmii̱ ko̱jo ndítsjiee̱, kó kjiꞌá boá nga tsja̱á nga ngo nga ngo xotaa̱ ta̱ xikó kjiꞌi ni xi katsꞌén.

Matioo̱ 28:18

Kó Kjisoo̱ kijíkóntiñaa̱, sꞌe̱ bi̱ katsoó: –Jè katseꞌéna xá nga kotixomáa̱ ngayeje ni xi tjín ndiꞌakꞌajmi jàn ko̱jo ni xi tjín tꞌanangii̱.

Juaa̱ 17:2

xikótsꞌèn katseꞌéní xá nga án kotixomáa̱ xotaa̱, ko̱jo tsi̱ꞌe̱ nga an tsjàa̱ kjo̱a̱mindyion ngatsjéni̱xtjii̱n ngayeje xota̱ xi ji katseꞌée̱.

Juaa̱ 3:35

Néná xí Na̱ꞌmii̱ tjoó ndií, kó ngayeje nii̱ ngi̱ya tsja íjñá.

Juaa̱ 5:27

Kó ti̱ katsjaá xá, tsi̱ꞌe̱ nga ka̱ma ka̱tso̱yà tsi nda ko̱jo tsi ndajín ndyi̱tsꞌèn xotaa̱, ngatꞌa̱ kuí boá xi ndií nda̱ xi̱ꞌii̱n.

Juaa̱ 9:39

Sꞌe̱ Kjisoo̱, bi̱ katsó: –Jéꞌe̱ án kui nga̱sondiee̱ tsi̱ꞌe̱ nga xcha̱ jeé xotaa̱ kui nga̱sondiee̱, tsi̱ꞌe̱ nga xi ti̱ka̱a̱ ka̱matsijee̱n, kó xi tsijee̱n ka̱mati̱ka̱.

Ni xi kamá 10:42

Kó kuí xí atíxomajne̱ tsi̱ꞌe̱ nga kꞌuiníjmi̱jne̱ xota̱ na̱xi̱ńdaá nga kuí Néná xi katsjaá xá Kjisoo̱ nga kui xi nendiꞌamasiee̱n xota̱ xi síndo, ko̱jo xi je jesón ka̱ma.

Ni xi kamá 17:31

ngatꞌa̱ nga Néná jè jaꞌájin ngo ni̱xtjin nga kixi̱ tsꞌén ko̱tíjeé xotaa̱ kui nga̱sondiee̱, kó jè jaꞌájin ngo nda̱ xi sa̱ꞌín kui nii̱, kó jè íjñá chi̱bo̱a̱ná ngayeje ñá, kjiꞌanga katsꞌénkjaꞌáꞌyaá ngi̱jii̱n xota̱ xi je jesoón.

Xota̱ Roma̱ 2:16

Bo̱a̱ ka̱ma ni̱xtjin nga Néná tsja̱axaá Jesukristoo̱ nga kui xi ka̱tso̱yà tsi nda ko̱jo tsi ndajínkjiꞌi ngayeje ni xi ꞌma xi síndoo̱ xotaa̱, xikó tsó éntjatsi̱e̱e̱ Néná xi tsꞌénꞌbini̱jmìjnúꞌun.

2 Xota̱ Korinto̱ 5:10

Ngatꞌa̱ chjiéngá ngayeje ñá ki̱a̱ konginkíndyiá ngindyi̱ko̱n Kristoo̱, tsi̱ꞌe̱ nga sku̱i̱e̱ ni xi kiniꞌán, kó nga ngo nga ngo ñá sa̱kóná ni xi tsoboáná, tsi nda ko̱jo tsi ndajín kjiꞌi ni xi kiniꞌán, tji̱e̱nga kixindyión ngi̱jii̱n kui yojoo̱.

2 Timoo̱ 4:1

Ngindyi̱ko̱n Néná, ko̱jo ngindyi̱ko̱n Ndi̱a̱ná Jesukristoo̱, kui xi ka̱tso̱yà tsi nda ko̱jo tsi ndajín katsꞌén xota̱ xi síndoo̱, ko̱jo xi je jesoón, ni̱xtjin nga ko̱kó yojoo̱, kjiꞌanga ko̱tíxoma, ꞌniú míꞌaá ji,

1 Xo̱jo̱o̱n Peé 4:5

ta̱nga kui xotaa̱, chjiéngá ki̱a̱ kjo̱chó tsjaá xki̱ kui xi je tikónndaa̱ nga ka̱tso̱yà tsi nda ko̱jo tsi ndajín katsꞌén xota̱ xi síndo ko̱jo xi je jesoón.