Juaa̱ 5:19 - Xo̱jo̱n eén Néná

¹⁹ Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Ta̱ jmíjín ni xi ka̱maa̱ sa̱ꞌín soboá ndií Néná, ta̱kuítsí ni xi tsꞌén, ni xi be nga tsꞌén Na̱ꞌmii̱, ngatꞌa̱ ngayeje ni xi tsꞌén Na̱ꞌmii̱, ti̱kuíní ni xi tsꞌén ndií.

Juaa̱ 5:19 ပူးပေါင်းရင်းမြစ်များ

Jenesii̱s 1:1

Ni̱xtjin nga Néná ítsꞌi̱yanii̱ nga katsꞌénda nkꞌa jàn ko̱jo nga̱sondiee̱,

Jenesii̱s 1:26

Kó nga kamábe Néná nga tsjakon kamá kui nii̱, bi̱ katsó: «Si̱ꞌanda xotaa̱ ꞌne̱, xikó má kjiꞌi a̱si̱énná, ko̱jo xikó má kón ñá, bo̱a̱ má tsꞌén si̱ꞌanda. Kó kuí ngatatixómaá cho̱ xi tjín ngi̱jin ndáchíkoón, ko̱jo ni̱sie xi tjín nkꞌa jàn, ko̱jo ngayeje cho̱ xi tjín tꞌanangii̱, ko̱jo ngayeje cho̱ xi ꞌbifé yojoo̱, ko̱jo ngayeje ndí cho̱ xi ꞌniú xi̱xi̱i̱».

Xo̱jo̱n Salmoo̱ 138:3

Ji tsíchji̱a̱a̱, kó kiniꞌínsénní, kó katseꞌé nginí ngaꞌniú.

Xo̱jo̱n Salmoo̱ 27:14

Kuíni nga chiyékjo̱e̱e̱ Néná. «¡Ti̱ꞌingaꞌní jí, kó te̱ꞌéngaꞌníi̱ ini̱ma̱a̱! ¡Jo̱o̱n, chiyékjo̱e̱e̱ Néná!»

Xo̱jo̱n Salmoo̱ 50:6

Nkꞌajmii̱ ka̱tso̱yà kjo̱a̱kixi̱i̱ Néná, ngatꞌa̱ Néná boá xi Ne ndiꞌamasiee̱n.

Éksondo̱ 4:11

Kó Néná bi̱ katsoó: —Ndaꞌyéní Moisee̱, ¡Án boá xi sa̱ꞌinkíchji̱a̱a̱ ko̱jo tsi sa̱ꞌinkíchji̱a̱jaán! ¡Án boá xi sa̱ꞌin an nga ko̱nda̱ꞌyé ji, ko̱jo tsi ko̱nda̱ꞌyéjín ji! ¡Án boá xi sa̱ꞌintsijeen ko̱jo tsi ka̱matsijenjiín!

Énkjínkón 2:6

Ngatꞌa̱ Néná boá xi tsjá kjo̱a̱kjínkoón, kó kjo̱a̱kjíntakoón, ko̱jo kjo̱a̱chji̱ni̱e̱e̱ tsꞌoa boá xi fotjonii̱.

Matioo̱ 26:39

Kó Kjisoo̱ ngi̱chí kijíboaꞌá, asiéntikoó kó yejénxtien kje̱n ngaskande nga kisitꞌaa̱ tꞌanangii̱, sꞌe̱ tsíchji̱a̱a̱ Néná, nga bi̱ katsó: –Na̱ꞌmi, tsi ka̱ma, chje̱ꞌéxín boeꞌéní kuí kjo̱a̱ni̱ma̱a̱, ta̱nga jmí tsi ni xi xian an ni xi ngatama, ta̱sá ngatama ni xi mejeén ji.

Rkaa̱ 21:15

ngatꞌa̱ ti̱ ánní xi tsja an én ko̱jo kjo̱a̱kjínkón, kó kui eén nde ngojín kondra̱jnú xi sa̱ꞌiín.

Juaa̱ 10:18

Nde ngojín xi ka̱maa̱ sa̱ꞌínkꞌiénna, ngatꞌa̱ ngayejení ko̱n an nga sa̱ꞌinkꞌasꞌien an yojona. Tjínna ngaꞌniú tsi̱ꞌe̱ nga sa̱ꞌinkꞌasꞌien an yojona, kó ti̱ tjínna ngaꞌniú tsi̱ꞌe̱ nga kjo̱a̱ꞌáꞌyá nginína. Kuí bí kjo̱a̱botíxoma xi katsjána Na̱ꞌmina.

Juaa̱ 12:49

Ngatꞌa̱ jmí tsi ta̱xkiya tsíchji̱a̱ an, Na̱ꞌmina xí katsangiyana, kuí xí katsjána kui kjo̱a̱botíxoma xi tsꞌénchji̱a̱ an ko̱jo xi sꞌe̱ kuichjiá an.

Juaa̱ 12:50

Kó be án nga kjo̱a̱botíxomaa̱ kui, kuí boá xi kjo̱a̱mindyion ngatsjéni̱xtjii̱n. Kó kuíni nga ngayeje ni xi xian an, tsꞌénxiya án xikó katsóna Na̱ꞌmina.

Juaa̱ 14:10

A sꞌijinjiín nga Na̱ꞌmii̱ tikónjìi̱n, kó nga Na̱ꞌmii̱ tikónjinna an. Kó én xí chjiá an jmí tsi én xi tsa̱ꞌa̱n so̱bo̱a̱, tsi̱ꞌe̱ Na̱ꞌmi xi tikónjinna boá, kuí xí tsꞌén ngayeje nii̱.

Juaa̱ 2:19

Sꞌe̱ Kjisoo̱, bi̱ katsó: –Ti̱ꞌankjatsónjnú kui na̱ngo̱xi̱i̱, kó xi ma ján ni̱xtjin sa̱ꞌinda ngiñá an.

Juaa̱ 3:3

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi stse̱njín nginí, ka̱májiín sku̱i̱e̱ xikótsꞌèn botixómá Néná.

Juaa̱ 5:21

Ngatꞌa̱ xikótsꞌèn maá Na̱ꞌmii̱ nga tsꞌénkjaꞌáꞌyaá xota̱ xi je jesón, kó tsjá nginií kjo̱a̱mindyion, ti̱ bo̱a̱ ti̱ tsꞌén ndií Néná, ka̱ma tsja̱á kjo̱a̱mindyion xota̱ xi mejeén kui.

Juaa̱ 6:38

ngatꞌa̱ ndiꞌakꞌajmi jàn kjindibáni an, tsi̱ꞌe̱ nga sa̱ꞌin an ni xi mejeén xi katsangiyana, jmí tsi tsi̱ꞌe̱ nga sa̱ꞌin an ni xi mejénna an.

Juaa̱ 8:28

Kó kuíni nga Kjisoo̱, bi̱ katsoó: –Kjiꞌa ngije chjanínkꞌájnú ndií nda̱ xi̱ꞌii̱n, kjiꞌa xcha̱jnú nga an, kó nga ni xi akóyána Na̱ꞌmina xí chjiá an, jmí tsi ni xi an so̱bo̱a̱ mejénna tsꞌen an.

Juaa̱ 9:4

Chjiéngá si̱ꞌán xaá xi katsangiyana, tji̱e̱nga ni̱xtjin, ngatꞌa̱ ngije ka̱majñoó, ngiti̱ jmíjín xi ka̱ma sa̱ꞌínxá.

Ni xi kamá 2:24

kui xi Néná katsꞌénkjaꞌáꞌyaá, nga jaꞌáxiín ngi̱ya tsja kjo̱a̱bo̱yaa̱, ngatꞌa̱ kjo̱a̱bo̱yaa̱ kamájiín nga kui íjñaꞌniú.

Xota̱ Roma̱ 6:4

Ngatꞌa̱ jè xikoó tsi akjanijínná ko̱jo Kristoo̱ nga akatíndáná, tsi̱ꞌe̱ nga xikótsꞌèn Kristoo̱ jaꞌáꞌyaá ngi̱jii̱n xota̱ xi jesoón ta̱ngatꞌanii̱ nga Na̱ꞌmii̱ akó kjo̱a̱jee̱, ti̱ bo̱a̱ ti̱ tsꞌén ñá ngo kjo̱a̱mindyion tja̱tsi̱e̱ ngatꞌiéná.

Xota̱ Roma̱ 8:11

Kó tsi kui A̱siénni̱xtjin xi katsꞌénkjaꞌáꞌyaá Kjisoo̱ ngi̱jii̱n xota̱ xi je jesoón xi tikónjinjnú, ja̱ kui xi katsꞌénkjaꞌáꞌyaá Kristo̱ Kjisoo̱ ngi̱jii̱n xota̱ xi jesoón ngatsꞌénkꞌíjñá nginíjnú ngindyi̱ko̱n Néná. Néná boá xi sa̱ꞌín kui nii̱ ta̱ngatꞌanii̱ A̱siénni̱xtjin xi tikónjinjnú.

1 Xota̱ Korinto̱ 15:12

Ta̱nga tsi tjíꞌbíni̱jmì kjo̱a̱a̱ nga jaꞌáꞌyaá Kristoo̱ ngi̱jii̱n xota̱ xi je jesoón, kótsꞌèn nga tjín jún xi bo̱a̱ ndyi̱ꞌmìjnú nga xota̱ xi je jesoón ngiti̱ foaꞌáꞌyájiín.

2 Xota̱ Korinto̱ 4:14

Ngatꞌa̱ jè ya ñá nga Néná boá xi katsꞌénkjaꞌáꞌyaá Ndi̱a̱ná Kjisoo̱, kó ti̱ bo̱a̱ ti̱ tsꞌén sa̱ꞌínkjaꞌáꞌyáná ñá nga, kó nijan kjo̱joná ngindyi̱ko̱n kui.

2 Xota̱ Korinto̱ 5:10

Ngatꞌa̱ chjiéngá ngayeje ñá ki̱a̱ konginkíndyiá ngindyi̱ko̱n Kristoo̱, tsi̱ꞌe̱ nga sku̱i̱e̱ ni xi kiniꞌán, kó nga ngo nga ngo ñá sa̱kóná ni xi tsoboáná, tsi nda ko̱jo tsi ndajín kjiꞌi ni xi kiniꞌán, tji̱e̱nga kixindyión ngi̱jii̱n kui yojoo̱.

Xota̱ Éfeso̱ 2:5

kó ndatsi je akayà ngi̱jii̱n jéná, nijan katsjáná kjo̱a̱mindyion ko̱jo Kristoo̱. Ta̱ngatꞌaa̱ kjo̱a̱ndaa̱ Néná nga jún je ta̱ jatjoꞌa kjo̱a̱nda tsíjnú.

Xota̱ Éfeso̱ 3:16

Míꞌáa̱ Néná tsi̱ꞌe̱ nga xikó kjiꞌi kjo̱a̱cho̱o̱n kjo̱a̱jee̱ nga tsja ngaꞌniuú ini̱ma̱jnú nga sa̱ꞌínkjién A̱si̱énni̱xtjii̱n.

Xota̱ Filipo̱ 3:21

Kó kuí boá xi ko̱síkjoyá yojo ni̱ma̱kjo̱a̱ná, tsi̱ꞌe̱ nga xikoó yojoo̱ kjo̱a̱jee̱ kui ka̱ma, kui nii̱ xi sa̱ꞌín nga sa̱ꞌínkjién ngaꞌniú xí tjiín nga botixómaá ngayeje nii̱.

Xota̱ Filipo̱ 4:13

Kristoo̱ xí tsjangaꞌniúna, tsi̱ꞌe̱ nga xchíkjo̱a̱na ta̱jmì niní.

Xota̱ Kolosa̱ 1:11

Ngasakó ngasejnú ngaꞌniú, xikó kjiꞌi kui ngaꞌniú xí tjiín kui Néná xí tjiín kjo̱a̱jee̱, tsi̱ꞌe̱ nga xchíkjo̱a̱jnú ta̱jmì niní, kó ngatꞌiéjnú kjo̱a̱chiyákjo̱a̱.

Xota̱ Kolosa̱ 1:16

Ngatꞌa̱ ta̱ngatꞌanii̱ kui nga Néná katsꞌénda ngayeje ni xi tjín ndiꞌakꞌajmii̱ ko̱jo nga̱sondiee̱, ni xi ya ko̱jo ni xi yàjín xikoó xi ngito̱ko̱, ko̱jo xi tjiín xaá, ko̱jo xi tjiín ngaꞌniú, ko̱jo xi botixómá. Ngayeje nii̱ xi kamánda ngatꞌaa̱ kui, kó kuí xí tsi̱ꞌe̱ ka̱ma.

1 Xota̱ Tesalónika̱ 4:14

Ngatꞌa̱ tsi sꞌijinná nga Kjisoo̱ kꞌien kó jaꞌáꞌyaá, ti̱ bo̱a̱ ti̱ tsꞌén chjiéngá sꞌi̱jinná nga Néná sa̱ꞌínkjaꞌaá kui xota̱ xi jesón nga sꞌijii̱n Kjisoo̱.

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.

Ni xi akakoo̱ 2:23

kó sa̱ꞌínkꞌién an ndií, kó ngayeje xota̱ na̱ngo̱xi̱i̱ sku̱i̱e̱ nga an be án kókjiꞌi ngi̱jii̱n kjo̱a̱kjíntakoón, ko̱jo ngi̱jin ini̱ma̱a̱ xotaa̱, kó nga ngo nga ngo xotaa̱ tsjàa̱ ta̱ xikó kjíꞌí ni xi katsꞌén.