Juaa̱ 5:18 - Xo̱jo̱n eén Néná

¹⁸ Kó kuíni nga ꞌniú tsangasee̱ já ngito̱ko̱o̱ xota̱ jundíoo̱, nga kamámejeén sa̱ꞌínkꞌién Kjisoo̱, ngatꞌa̱ kamábendikónjín ni̱xtjin ndikoón, kó íni̱jmì nga Néná xí Na̱ꞌmii̱ kui, kó nga ti̱ Néná kuí katsó.

Juaa̱ 5:18 ပူးပေါင်းရင်းမြစ်များ

Matioo̱ 12:5

Axa̱, a kji̱e̱ niꞌányàjínjnú xo̱jo̱n kjo̱a̱kitii̱, kjo̱a̱a̱ kótsꞌèn nga ni̱xtjin ndikón nga já chináꞌmii̱ tsꞌénxá ngi̱ya na̱ngo̱xi̱i̱, kó jmí jéjiín.

Juaa̱ 1:19

Kó kuí ni xi̱ꞌbi̱ xi katsóyà Juaa̱, xikoó ngo chistiko̱, kjiꞌanga já ngito̱ko̱o̱ já jundío̱ xi síndo na̱xi̱ńdáꞌniú Jerusale̱n katsangiya chináꞌmi ko̱jo já lebita̱, tsi̱ꞌe̱ nga bi̱ tsꞌén asíyaá: “ꞌYání jí.”

Juaa̱ 10:30

Na̱ꞌmina ko̱jo an ta̱ ngo tsí májne̱.

Juaa̱ 10:33

Sꞌe̱ bi̱ katsó xota̱ jundíoo̱: –Kjoyàjínjne̱ ndi̱jo̱ kjo̱a̱a̱ ngo ni xi nda xi kiniꞌín ji, kjoyàjne̱ ndi̱jo̱ kjo̱a̱a̱ nga chꞌo tꞌísée̱ Néná, ngatꞌa̱ xota̱ jí, kó Néná tꞌísée̱ yojòo̱.

Juaa̱ 14:23

Sꞌe̱ Kjisoo̱, bi̱ katsó: –Xi tjoó an, sa̱ꞌínkjatjosón kjo̱a̱botíxomana, kó Na̱ꞌmina tjó sa̱ꞌín, kó kji̱ndibáchonjne̱, kó ngo ngi̱ndie nijan ku̱i̱ndyionjo̱jne̱.

Juaa̱ 14:9

Sꞌe̱ Kjisoo̱, bi̱ katsó: –Achichí kjín ni̱xtjin je kisꞌijñajinjnúꞌun, kó a kji̱e̱ yejínní Ngiripe̱. Xi je kamábena, ti̱ jè kamábe Na̱ꞌmina nga, kó kótsꞌèn bi̱ se ji: Takejne̱ Na̱ꞌmii̱.

Juaa̱ 19:7

Kó xota̱ jundíoo̱, bi̱ katsó: –Ji̱n tikónjne̱ ngo kjo̱a̱kiti, kó kui kjo̱a̱kitii̱ tsó nga chjiéngá ko̱yà, ngatꞌa̱ ndií Néná katsoó yojoo̱.

Juaa̱ 5:15

Kijí kui nda̱a̱, kó katsóyaà xota̱ jundíoo̱ nga Kjisoo̱ boá xi katsꞌéndaya.

Juaa̱ 5:16

Kó ta̱ngatꞌanii̱ kui nii̱ nga xota̱ jundíoo̱ tsangatji̱ngii̱ Kjisoo̱, kó kamámejeén katsꞌénkꞌién, ngatꞌa̱ ni̱xtjin ndikón nga katsꞌén kui nii̱.

Juaa̱ 5:17

Kó Kjisoo̱, bi̱ katsoó: –Na̱ꞌmina ngaskande ngotꞌe̱ tsꞌénxá, kó ko̱jo an tsꞌenxá án nga.

Juaa̱ 5:23

tsi̱ꞌe̱ nga ngayeje xota̱ sku̱i̱e̱ndikón ndií xikótsꞌèn bendikón Na̱ꞌmii̱. Xi bendikónjín ndií, bendikónjín Na̱ꞌmi xi katsangiya kui nga.

Juaa̱ 7:1

Ngije kamá kui nii̱, Kjisoo̱ kistsoꞌbá nangi Ngalilea̱, ngatꞌa̱ kamámejénjiín kijí xtji̱e̱e̱n nangi Jundea̱, ngatꞌa̱ já ngito̱ko̱o̱ xota̱ jundíoo̱ kamámejeén katsꞌénkꞌién.

Juaa̱ 7:19

A mí tsi Moisee̱ katsjájnú kjo̱a̱kitii̱. Ta̱nga nde ngojín jún xi niꞌánkjatjosónjnú. Ja̱, kó míkjo̱a̱a̱ nga mejénjnú si̱ꞌankꞌiénjnúꞌun.

Juaa̱ 8:54

Sꞌe̱ Kjisoo̱, bi̱ katsó: –Tsi ti̱ an tsjàa̱ kjo̱a̱je yojona, jmí ni chjíjiín ni xi tsꞌen an, ta̱nga Na̱ꞌmina boá xi tsjána kjo̱a̱je, kó kuí boá kui xi jún Nejne̱ ndyi̱ꞌmìjnúu̱,

Juaa̱ 8:58

Sꞌe̱ bi̱ ka̱tso̱ Kjisoo̱: –Ja̱koxi̱, ja̱koxi̱ ni xi xiánjnúꞌun, ngindiee̱ nga stse̱n Abraa̱n, ja̱bo̱a̱ jè tikòn an.

Xota̱ Filipo̱ 2:6

Kó ndatsi Néná boá kui, ta̱nga jmí tsi iskjíbé tsján tsján kui nii̱.

Ni xi akakoo̱ 22:1

Kó akóna ngo ndejèꞌ xi tsjie, kui xi tjiín ndáfoaa̱ kjo̱a̱mindyioo̱n xi tikón ꞌna̱ ꞌna̱ xikoó ngo chi̱tsen, kó ki̱a̱ jatjoni nínga tikón kui Néná xí botixómaá ko̱jo cho̱tsa̱nga̱a̱.

Ni xi akakoo̱ 22:3

Kó nginijánjín kꞌuié ki̱a̱a̱ ngo xi chꞌo ka̱tso̱o̱ Néná. Kó Néná xí botixómaá ko̱jo cho̱tsa̱nga̱a̱ ki̱a̱ kꞌuijñá na̱xi̱ńdaá, kó mosoo̱ ki̱a̱ sa̱ꞌínseén,