Juaa̱ 4:48 - Xo̱jo̱n eén Néná

⁴⁸ Kósꞌe̱ Kjisoo̱, bi̱ katsó: –Nde sꞌi̱jinjínjnú jún tsi xcha̱jínjnú ngo chi̱bo̱a̱ ko̱jo tsi ngo kjo̱a̱ndikón.

Juaa̱ 4:48 ပူးပေါင်းရင်းမြစ်များ

Xki̱ 14:11

kó bi̱ katsoó Moisee̱: —Ngaskande kjiꞌání nga kui xota̱ na̱xi̱ńdaá sꞌi̱jii̱n nga ndikónjín an, ko̱jo nga jmíjínna ngaꞌniú. Achichí kjo̱a̱ndikón je katsꞌen an ngindyi̱ko̱n, kó a ta̱kó kji̱e̱ sꞌijinjiín an.

Matioo̱ 16:1

Kó já fariseoo̱ ko̱jo já sanduseoo̱ jachókoón Kjisoo̱ tsi̱ꞌe̱ nga skótꞌayákón, kó tsíꞌaá ngo chi̱bo̱a̱a̱ ndiꞌakꞌajmii̱.

Matioo̱ 24:24

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná.

Matioo̱ 27:42

–Tsꞌaxiéꞌá kje̱ꞌe xota̱, ta̱nga májiín ꞌboxiéꞌá soboá yojoo̱, tsi kjeén nga kui xi nda̱ Ree̱ Israee̱l, ngatjatjajen kroo̱ ngotꞌe̱ má, ki̱a̱ ka̱maa̱ nga sꞌi̱jinjne̱ kui.

Markoo̱ 13:22

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón, ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ kꞌo̱ṉcha̱jo xota̱ xi je jaꞌájin Néná.

Rkaa̱ 10:18

Kó Kjisoo̱, bi̱ katsó: –An kamábe an nga xindajín Satanaa̱ tsꞌákani ndiꞌakꞌajmi jàn xikó maá nga foaꞌatꞌe.

Rkaa̱ 16:31

Ta̱nga bi̱ katsó Abraa̱n: “Tsi ntꞌiéjiín kjo̱a̱kiti xi ítꞌa Moisee̱, ko̱jo ni xi katsꞌénꞌindó já chji̱ni̱e̱ꞌe̱én Néná, ti̱ bo̱a̱ ti̱ tsꞌén nde sꞌi̱jinjiín nga tjín xota̱ xi je kꞌien xi kjo̱a̱ꞌáꞌyaá.”

Juaa̱ 12:37

Ta̱nga ndatsi kjín kjo̱a̱ndikón katsꞌén Kjisoo̱ ngindyi̱ko̱n kui xotaa̱, ta̱kó kisꞌijinjiín,

Juaa̱ 15:24

Tsi katsꞌénjín an ngi̱jii̱n kui xotaa̱, ni xi kji̱e̱ ngo xi tsꞌén, jmí jéjínra̱a̱, ta̱nga ngotꞌe̱ jè kamábe kui nii̱, kó ti̱ kuira xí katsꞌénchꞌóna an ko̱jo Na̱ꞌmina.

Juaa̱ 2:18

Kó xota̱ jundíoo̱, bi̱ katsó nga tsíchji̱a̱: –Mí chi̱bo̱a̱ xi tiꞌbíjñíjne̱ nga kui nii̱ tiniꞌín ji.

Juaa̱ 20:29

Sꞌe̱ Kjisoo̱, bi̱ katsó: –A ngatꞌa̱ kamáyèní Toma̱, a kuíni nga kisꞌijinnii̱. Achichíra̱tsjaa̱ xota̱ xi kamábejínna, kó kisꞌijii̱n.

Juaa̱ 4:49

Ta̱nga kui nda̱ xi tsꞌénxájo̱ nda ree̱, bi̱ katsó: –Ndi̱a̱, ndibé chií ji ndiꞌana, ngindiee̱ nga ko̱yà ndína.

Ni xi kamá 14:3

Kuíni nga, achichí tsie kamaá kui ngi̱ndiee̱, kó ꞌniú kamáꞌniátakón Ndi̱a̱ná nga íni̱jmi̱ì xotaa̱ kjo̱a̱a̱ kjo̱a̱tjoó Néná. Kó Ndi̱a̱ná akó nga ja̱koxi̱ kui nii̱ nga katsjaá ngaꞌniú, tsi̱ꞌe̱ nga sa̱ꞌín chi̱bo̱a̱ ko̱jo kjo̱a̱ndikón.

Ni xi kamá 15:12

Kó ngayeje xotaa̱ nga xió kisꞌińdo, tji̱e̱nga tsintꞌieé Bernabee̱ ko̱jo Pabloo̱ nga íni̱jmì kjo̱a̱a̱ ngayeje chi̱bo̱a̱ ko̱jo kjo̱a̱ndikón xí katsꞌén Néná ngi̱ya tsja kui jaá ngi̱jii̱n xota̱ xi jundío̱jiín.

Ni xi kamá 2:19

Kó nkꞌaa̱ ndiꞌakꞌajmii̱ koko an kjo̱a̱ndikón, kó koko an chi̱bo̱a̱ ngindie tꞌanangii̱, kó jín, ko̱jo ndiꞌí, ko̱jo ṉdi̱ kꞌuié.

Ni xi kamá 2:22

Jún bo̱a̱ já xí chji̱a̱ni Israee̱l, ndaꞌyájnú kui én xí xian an: Kjisoo̱ nda̱ xi chji̱a̱ni na̱xi̱ńdáꞌniú Nasaree̱t, ngo nda̱ xi Néná akójnú nga kisꞌiee̱ ngaꞌniú, ko̱jo nga tsie kjo̱a̱ndikón xí katsꞌén ngi̱ya tsja nga kisꞌijñajo̱jnú, xikótsꞌèn ti̱ juún je yàjnú,

Ni xi kamá 2:43

Kó ngayeje xotaa̱ kijíndikoón kjo̱a̱a̱ kjo̱a̱ndikón, ko̱jo chi̱bo̱a̱ xi katsꞌén Néná ngi̱ya tsja já apostroo̱.

Ni xi kamá 4:30

Tjienníjne̱ ndse̱, tsi̱ꞌe̱ nga ngaꞌniúu̱ ka̱mandayani xota̱ xi oo̱n, kó nga jaꞌeén Kjisoo̱, ndí xi tsjièe̱, ka̱makjién nga ka̱ma chi̱bo̱a̱ ko̱jo kjo̱a̱ndikón.

Ni xi kamá 5:12

Kó kui já apostroo̱ achichí kjín chi̱bo̱a̱, ko̱jo kjo̱a̱ndikón xí katsꞌén ngi̱jii̱n xota̱ na̱xi̱ńdaá, kó ngayeje xotaa̱ ki̱a̱ kamátikó xtín nínga tikón ngi̱ndie xi ꞌmí Pórtikoo̱ Salomoo̱.

Ni xi kamá 6:8

Kó Ixtibaa̱, ngo nda̱ xi kisꞌiee̱ kjo̱a̱nda ko̱jo ngaꞌniuú Néná, tsie kjo̱a̱ndikón ko̱jo chi̱bo̱a̱ xi katsꞌén ngi̱jii̱n xota̱ na̱xi̱ńdaá.

Ni xi kamá 7:36

Kó kuí Moisee̱ xi tsꞌaxié kui xotaa̱ ki̱a̱ nangi Ejipto̱, ngije katsꞌén kjo̱a̱ndikón kuí nangi jàn, ki̱a̱ Ndáchíkón Inií, ko̱jo ki̱a̱ nangi kixií yichán nó.

Xota̱ Roma̱ 15:19

Kristoo̱ katsꞌénkjién ngaꞌniú, ko̱jo chi̱bo̱a̱, ko̱jo kjín kjo̱a̱ndikón, ko̱jo ngaꞌniuú A̱si̱énni̱xtjii̱n Néná, kó kuíni nga bo̱a̱ tsꞌén tsꞌénchji̱a̱ an éntjatsi̱e̱e̱ Néná xi ꞌboxiéꞌáná kui xi tsi̱ꞌe̱ Kristoo̱, xi yaꞌanii̱ ndeskande na̱xi̱ńdáꞌniú Jerusale̱n, ngaskande nangi Ilíriko̱.

1 Xota̱ Korinto̱ 1:22

Ngatꞌa̱ xota̱ jundíoo̱ kjo̱a̱ndikón míꞌá tsi̱ꞌe̱ nga sku̱i̱e̱ ngaꞌniuú Néná, kó xota̱ ngriengoo̱ kjo̱a̱kjínkón mongase,

2 Xota̱ Korinto̱ 12:12

Kisꞌiena kjo̱a̱chiyákón nga katsꞌenxájinjnúꞌun, kó kjo̱a̱ndikoón, ko̱jo chi̱bo̱a̱a̱, ko̱jo ni xi katsꞌen an nga katsꞌenkjién án ngaꞌniuú Néná, kuí nii̱ xi bokó nga ja̱koxi̱ nga nda̱ apostroo̱ Néná boá an.

2 Xota̱ Tesalónika̱ 2:9

Kui xota̱ nga̱sondie xi tsi̱ꞌe̱ jeé, xindajín Satanaa̱ boá xi ko̱síko̱jo nga kji̱ndi̱bá, kó achichí ngaꞌniú kꞌuieé, kó sa̱ꞌín chi̱bo̱a̱ ko̱jo kjo̱a̱ndikón xí ndiso.

Xota̱ Ebreo̱ 2:4

Kó Néná ti̱ akóná nga ja̱koxi̱ kuí nii̱ kjiꞌanga katsꞌén chi̱bo̱a̱, ko̱jo ni xi ꞌbíndíkón, ko̱jo kjo̱a̱ndikón, kó katsꞌénkjaꞌasónná kjo̱a̱ndaa̱ A̱si̱énni̱xtjii̱n xikótsꞌèn kamámejeén kui.