Juaa̱ 4:24 - Xo̱jo̱n eén Néná

²⁴ A̱siénni̱xtjin boá Néná, kó xi sa̱ꞌíndikón, chjiéngá a̱siénni̱xtjin ko̱jo nga ja̱koxi̱ nga sa̱ꞌíndikón.

Juaa̱ 4:24 ပူးပေါင်းရင်းမြစ်များ

Xo̱jo̱n Salmoo̱ 145:18

Ngatsjéni̱xtjin nga tiña tindyintꞌée̱ kui xota̱ xi nga ja̱koxi̱ nga ji ndyi̱chji̱a̱a̱.

Xo̱jo̱n Salmoo̱ 50:23

Kui xi tsja̱ana ngo kjo̱a̱tjó xi niꞌánkꞌasꞌien nga boeꞌé ndokꞌóchjì, kuí boá xi tsꞌéndíkónna, kó kui xi kixi̱ ku̱i̱ꞌíndonda ndi̱yà xí tsoꞌbá, kuí boá xi kokóo̱ kjo̱a̱ꞌnaxiéꞌána».

Xo̱jo̱n Salmoo̱ 51:17

Kjo̱a̱tjó xi tsja maa̱ Néná kuí boá ngo a̱siénni̱xtjin xi ni̱ma̱kjo̱a̱ tikón. Ji Ne, niꞌínchꞌíjín ji ngo ini̱ma̱ xi je katsꞌénkꞌoyá yojoo̱ ko̱jo xi ni̱ma̱kjo̱a̱ tikón.

Xo̱jo̱n Salmoo̱ 66:18

Tsi ndajínkjiꞌi ni xi kisꞌijñajii̱n ini̱ma̱na, nde tsintꞌiéjínrana Néná,

Juaa̱ 4:23

ta̱nga sꞌe̱ ndibá ngo chi̱bo̱a̱, kó ngotꞌe̱ boá, kjiꞌanga xota̱ xi ja̱koxi̱ nga tsꞌéndíkoón, sa̱ꞌíndikón Néná xí Na̱ꞌmii̱, nga a̱siénni̱xtjin ko̱jo nga ja̱koxi̱, ngatꞌa̱ Na̱ꞌmii̱ kui xota̱ xi ndyi̱tsꞌèndíkoón tsꞌénmongase nga si̱ꞌandikón.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

2 Xota̱ Korinto̱ 3:17

Ngatꞌa̱ Ndi̱a̱ná kuí boá xi A̱si̱énni̱xtjii̱n, kó nínga tikón A̱si̱énni̱xtjii̱n Ndi̱a̱ná, tjín kjo̱a̱ndé.

Xota̱ Filipo̱ 3:3

Ngatꞌa̱ sirkunsisio̱n xi ndaa̱, kuí xí kichꞌiá ñá xi yandikón Néná xikótsꞌèn bokoyáná A̱si̱énni̱xtjii̱n, kó kjimaꞌniátakón ñá ni xi katsꞌén Kristo̱ Kjisoo̱, jmí tsi ni xi kiniꞌaán yojoná.

1 Timoo̱ 1:17

Kó kui Néná xi nda̱ Re xi kꞌuijñá ngatsjéni̱xtjii̱n, kui xi ko̱yàjín, kui xi yàjín a̱sie̱én, kui xi ta̱ ngo tsí má, kui ngateꞌeé kjo̱a̱yandikón, ko̱jo kjo̱a̱je ngatsjéni̱xtjin. Bo̱a̱ kjiꞌi.