Juaa̱ 4:23 - Xo̱jo̱n eén Néná

²³ ta̱nga sꞌe̱ ndibá ngo chi̱bo̱a̱, kó ngotꞌe̱ boá, kjiꞌanga xota̱ xi ja̱koxi̱ nga tsꞌéndíkoón, sa̱ꞌíndikón Néná xí Na̱ꞌmii̱, nga a̱siénni̱xtjin ko̱jo nga ja̱koxi̱, ngatꞌa̱ Na̱ꞌmii̱ kui xota̱ xi ndyi̱tsꞌèndíkoón tsꞌénmongase nga si̱ꞌandikón.

Juaa̱ 4:23 ပူးပေါင်းရင်းမြစ်များ

Xo̱jo̱n Salmoo̱ 147:11

Ni xi tsꞌénchjínií Néná, kuí boá nga xota̱ nga̱sondiee̱ ntꞌiéꞌeén, ko̱jo nga ma maꞌniátakón kjo̱a̱tjoó.

Xo̱jo̱n Salmoo̱ 17:1

Ji Ne, ndaꞌyé ji ngo kjo̱a̱ xi kixi̱, kó ti̱ꞌinsénní kjiꞌanga ni̱ma̱ xiaán, ndaꞌyé ji nga kuichjiaá, ngatꞌa̱ jmí kjo̱a̱ndiso fotjojiín ndso̱ꞌba án.

Xo̱jo̱n Salmoo̱ 32:2

Achichíra̱tsjaa̱ kui nda̱ xi Néná jmí jé tsꞌénkáꞌájín, ko̱jo xi ngi̱jin ini̱ma̱a̱ jmí kjo̱a̱ndisojiín.

Xo̱jo̱n Salmoo̱ 51:6

Ja̱koxi̱ boá nga mejeén xchi̱e̱ ji ni xi tjiꞌmaá, kuíni nga ꞌma ꞌma te̱ꞌéní kjo̱a̱kjínkóo̱n.

Énkjínkón 15:8

Chꞌórií Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, ta̱nga achichí tsjá maá nga ntꞌieé, kjiꞌanga xota̱ xi kixi̱i̱ chji̱a̱a̱ Néná.

Én xí nda xi ꞌniú tsjatsó ngasee̱ 2:14

Ji ndí tójo xi tjóna, ji xi ki̱a̱ tindyinꞌmí ji ki̱a̱ ti̱xa̱a̱ ndi̱jo̱ yiꞌii̱, ki̱a̱ ngi̱ndyioó ndi̱jo̱ xi síndo nínga nkꞌaa̱, takéní kje̱n ji, te̱ꞌéndiè ji nga kuintꞌièe̱ nda̱a̱. ¡Achichí ixi ndaꞌyaá nda̱a̱! ¡Achichí tsjákjiꞌi kje̱n ji!

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Juaa̱ 12:23

Sꞌe̱ Kjisoo̱, bi̱ katsó: –Jè jachó chi̱bo̱a̱ nga ko̱e̱ꞌeé kjo̱a̱je ndií nda̱ xi̱ꞌii̱n.

Juaa̱ 16:2

Ku̱i̱yotjíngíjnú ndiꞌa nínga ndokjo̱a̱ eén Néná, kó ngaskande kjo̱chó chi̱bo̱a̱ nga tjín xí sa̱ꞌínkꞌiénjnú, kó sa̱ꞌínkjó nga xaá Néná xí tjítsꞌén.

Juaa̱ 16:32

Jè jachó chi̱bo̱a̱, nga stso̱jo̱boájnú nga ngo nga ngojnú, kó kꞌuijñá so̱bo̱a̱jnúꞌun, ta̱nga tikón so̱bo̱a̱jín an, ngatꞌa̱ Na̱ꞌmina tikónjo̱na.

Juaa̱ 4:21

Sꞌe̱ Kjisoo̱, bi̱ katsó: –Xota̱chjo̱on, sꞌijin ngatamaa̱ nga je ma kjachó chi̱bo̱a̱ nga je ngiti̱ jmíjín xi chjiéngá kji̱ndi̱bá kui tji̱ngi̱i̱, ko̱jo tsi chjiéngá ko̱e̱je̱ na̱xi̱ńdáꞌniú Jerusale̱n, tsi̱ꞌe̱ nga sa̱ꞌíndikón Na̱ꞌmii̱.

Juaa̱ 5:25

Ja̱koxi̱, ja̱koxi̱ ni xi xiánjnúꞌun: Nga jè jachó chi̱bo̱a̱ nga ngayeje xota̱ xi je jesoón ku̱i̱ntꞌiè eén ndií Néná, kó xi ku̱i̱ntꞌiè, kꞌuíndo nginí.

Juaa̱ 5:28

Ngata̱ fíndikónjínjnú kjo̱a̱a̱ kui nii̱, ngatꞌa̱ sꞌe̱ kjo̱chó chi̱bo̱a̱ nga ngayeje xota̱ xi je jesoón ku̱i̱ntꞌiè nda̱a̱,

Xota̱ Roma̱ 1:9

Néná kui xi ngayeje ini̱ma̱na nga tjítsꞌen an xaá nga tsꞌénꞌbini̱jmì án éntjatsi̱e̱e̱ ndií, be nga ngatsjéni̱xtjin tsꞌénchji̱a̱tjejnúꞌun, kjiꞌanga chjiáa̱ kui.

Xota̱ Roma̱ 8:15

Ngatꞌa̱ jmí tsi a̱siénni̱xtjin xi moso̱ tsꞌénná xi katseꞌéjnú tsi̱ꞌe̱ nga ko̱ndoko̱n nginíjnú, ngo a̱siénni̱xtjin xi ndií Néná tsꞌénná xí katseꞌéjnú, kuíni nga bi̱ ꞌmí: “¡Abba! ¡Na̱ꞌmi!”

Xota̱ Roma̱ 8:26

Ti̱ bo̱a̱ ti̱ tsꞌén A̱si̱énni̱xtjii̱n bosikójoná ngatꞌa̱ inda tindyión. Xikoó nga yà jàn mí ni xi kꞌuín nga ko̱ndókjoáa̱ Néná, kó ti̱kuíní A̱si̱énni̱xtjii̱n xi chji̱a̱tjená. A̱si̱énni̱xtjii̱n foeꞌetsiéꞌoón nga chji̱a̱a̱ Néná, kó májín ndaꞌyaá nga én kuí nii̱.

Xota̱ Ngalasia̱ 4:6

Ngatꞌa̱ nga jè ndií Néná kamá ñá, Néná katsangiya ngi̱jin ini̱ma̱ná A̱si̱énni̱xtjii̱n ndií, kuí xí bi̱ tsó nga chji̱a̱: “¡Abba, Na̱ꞌmi!”

Xota̱ Éfeso̱ 6:18

Ngatsjéni̱xtjin ndókjo̱a̱jnúu̱ Néná, kó te̱ꞌéndièjnúu̱ nga A̱si̱énni̱xtjii̱n xi ko̱síko̱jójnú nga ko̱ndókjo̱a̱jnú, ti̱ndyiondajnú kó ngata̱ niꞌánkjiejínjnú takónjnú, kó chji̱a̱ꞌatjejnú ngayeje xota̱ tsjiee̱ Néná.

Xota̱ Filipo̱ 3:3

Ngatꞌa̱ sirkunsisio̱n xi ndaa̱, kuí xí kichꞌiá ñá xi yandikón Néná xikótsꞌèn bokoyáná A̱si̱énni̱xtjii̱n, kó kjimaꞌniátakón ñá ni xi katsꞌén Kristo̱ Kjisoo̱, jmí tsi ni xi kiniꞌaán yojoná.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.