Juaa̱ 4:14 - Xo̱jo̱n eén Néná

¹⁴ ta̱nga xi kꞌuí kui ndáfoa xi tsjàa̱, nginijánjín ka̱ma xíndaá, ngatꞌa̱ kui ndáfoa xi tsjàa̱, kuí boá xi ngo ndáńchꞌi̱ xi kjo̱tjoo̱ ndáfoa xi tsjaá kjo̱a̱mindyion ngatsjéni̱xtjii̱n xotaa̱.

Juaa̱ 4:14 ပူးပေါင်းရင်းမြစ်များ

Lebitiko̱ 11:36

Ngayeje xi sa̱ꞌínjo̱ yojo kꞌiee̱n ngo kui cho̱o̱, ngiti̱ tsjiejín ka̱ma. Ta̱kuítsí ndáńchꞌi̱, ko̱jo tsi nínga tjitjó ndáfoa xi niꞌánkjieén xi to̱kó tsjiera ka̱ma.

Matioo̱ 25:46

Kó kui xota̱ xi ndajiín, ka̱majeé nínga jmíni̱xtjin kju̱i̱e̱ jeé, kó xota̱ xi kixi̱i̱ sa̱ko̱ó kjo̱a̱mindyion ngatsjéni̱xtjii̱n.

Matioo̱ 5:6

Achichíra̱tsjaa̱ xota̱ xi bojó, ko̱jo xi xíndaá nga kixi̱ si̱ꞌansee̱n, ngatꞌa̱ kuí xí stsi̱e̱é.

Juaa̱ 10:10

Chejeé kjo̱e̱ꞌe, ta̱ tsi̱ꞌe̱ nga sa̱ꞌínchejé tsí, ko̱jo kjo̱e̱ꞌe nga sa̱ꞌínkꞌién, ko̱jo kjo̱e̱ꞌe tsꞌenkjié, ta̱nga an jéꞌe̱ án tsi̱ꞌe̱ nga kꞌuiéjnú kjo̱a̱mindyion, ko̱jo tsi̱ꞌe̱ nga tsie kꞌuiéjnú.

Juaa̱ 11:26

kó ngayeje xi síndo kó sꞌijii̱n an, ngiti̱ ko̱yàjín, kꞌuíndo ngatsjéni̱xtjin. A sꞌijii̱n kui nii̱.

Juaa̱ 4:10

Sꞌe̱ Kjisoo̱, bi̱ katsó: –Tsi yera ji kjo̱a̱ndaa̱ Néná, ko̱jo tsi yera ji ꞌyání xi bi̱ tjítsoó: “Chií ndáfoa te̱ꞌéní”, jira̱ xi chji̱e̱ꞌèe̱, kó kuí xí tsja̱á ndáfoa xi tsjaá kjo̱a̱mindyion xotaa̱.

Juaa̱ 4:11

Kósꞌe̱ bi̱ katsó kui xota̱chjo̱on: –Ndi̱a̱, ta̱nga nde ni xi ko̱ꞌna̱xiéje̱ ji ndáfoaa̱ jmíjiín, kó achichí na̱nga̱ ndáńchꞌií kó, ñá tikoón ndáfoa xi tsja̱aná kjo̱a̱mindyion.

Juaa̱ 4:13

Sꞌe̱ Kjisoo̱, bi̱ katsó: –Ngayeje xota̱ xi kꞌuí kuí ndáfoa xi̱ꞌbi̱, kamáxíndá nginií,

Juaa̱ 4:36

Kó nda̱ xi kꞌo̱je̱n kui ni xi kamáxchaá, sa̱ko̱ó chjií, kó kjo̱a̱ꞌáꞌyá ni xi kamáxchá kui xi tsjá kjo̱a̱mindyion ngatsjéni̱xtjii̱n, tsi̱ꞌe̱ nga tsja ka̱maa̱ nda̱ xi ítji̱e̱, ko̱jo nda̱ xi jaꞌáꞌyá ni xi kamáxchaá.

Juaa̱ 6:27

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

Juaa̱ 6:35

Sꞌe̱ Kjisoo̱, bi̱ katsó: –Án boá kui pan xi tsjá kjo̱a̱mindyioo̱n, xi kjo̱e̱ꞌe̱kónna ngiti̱ ingojín ni̱xtjin nga ka̱ma bojoó, kó xi sa̱ꞌínsꞌijinna, nginijánjín ka̱ma xíndaá.

Juaa̱ 6:58

Kuí xi̱ꞌbi̱ pan xi jatjajenni ndiꞌakꞌajmi jàn, jmí tsi xikoó xota̱ tji̱e̱ xchájnú nga iskjinie mana̱ xi katsangiyaa̱ Néná, kó jesón ngayejee̱, ta̱nga xi skji̱ni̱e̱ kui paa̱n, kꞌuijñá ngatsjéni̱xtjin.

Juaa̱ 7:37

Kó ni̱xtjin nga kjifetꞌa sꞌué xí ꞌboxié kui xotaa̱, Kjisoo̱ kasasienkixi̱, sꞌe̱ ꞌniú tsíchji̱a̱, nga bi̱ katsó: –Tsi tjín xí xíndaá, ngatjandibakónna tsi̱ꞌe̱ nga ngiti̱ ka̱ma xíndájiín.

Xota̱ Roma̱ 5:21

Ngatꞌa̱ xikótsꞌèn ta̱ngatꞌanii̱ jeé nga atíxoma kjo̱a̱bo̱yaa̱ kó katsꞌénkꞌién xotaa̱, ti̱ bo̱a̱ ti̱ tsꞌén ngatatixómá kjo̱a̱ndaa̱ Néná, tsi̱ꞌe̱ nga kixi̱ ka̱ma xotaa̱ ngi̱yaa̱ kjo̱a̱mindyion ngatsjéni̱xtjii̱n ngatꞌaa̱ Ndi̱a̱ná Jesukristoo̱.

Xota̱ Roma̱ 6:23

Ngatꞌa̱ chjií jeé kjo̱a̱bo̱yaa̱ boá, ta̱nga kjo̱a̱ndaa̱ Néná kjo̱a̱mindyion ngatsjéni̱xtjii̱n boá ngatꞌaa̱ Kristo̱ Kjisoo̱, kui xi Ndi̱a̱ná.

2 Xota̱ Korinto̱ 1:22

Kuí Néná xi je katsꞌénkaꞌaná chi̱bo̱a̱ nga íjñajin ngi̱jin ini̱ma̱ná A̱si̱énni̱xtjii̱n, xikoó ngo ni xi tikónngí tsi̱ꞌe̱ nga xcha̱ nga sa̱ꞌínkjatjosón ni xi jaskan tsja̱aná.

Xota̱ Éfeso̱ 4:30

Ngata̱ niꞌándasénjínjnúu̱ A̱si̱énni̱xtjii̱n Néná, kui xi katseꞌéjnú tsi̱ꞌe̱ nga xcha̱ nga kjo̱tjoꞌajnú ni̱xtjin nga ku̱i̱ndyiondéjnúu̱ jeé ngatsjéni̱xtjin.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.

Ni xi akakoo̱ 7:16

Ngiti̱ jmí kjo̱a̱ni̱ma̱ kjo̱a̱ꞌatiojín nga ka̱ma bojó, ko̱jo nga ka̱ma xíndaá, ti̱nde sa̱ꞌínchjánjiín ndoboaá, ti̱nde sa̱ꞌínniꞌínjiín sibeé,

Ni xi akakoo̱ 7:17

ngatꞌa̱ kui cho̱tsa̱nga̱ kui xi botixómaá, kuí boá xi nda̱ xi koo̱n cho̱tsa̱nga̱a̱ ka̱ma, kó kuí boá xi kjo̱jo nínga tjitjó ndáfoaa̱ kjo̱a̱mindyioo̱n, kó Néná sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n.