Juaa̱ 4:10 - Xo̱jo̱n eén Néná

¹⁰ Sꞌe̱ Kjisoo̱, bi̱ katsó: –Tsi yera ji kjo̱a̱ndaa̱ Néná, ko̱jo tsi yera ji ꞌyání xi bi̱ tjítsoó: “Chií ndáfoa te̱ꞌéní”, jira̱ xi chji̱e̱ꞌèe̱, kó kuí xí tsja̱á ndáfoa xi tsjaá kjo̱a̱mindyion xotaa̱.

Juaa̱ 4:10 ပူးပေါင်းရင်းမြစ်များ

Xo̱jo̱n Salmoo̱ 10:17

Ji Ne, jí boá xi kandaꞌyée̱ ni xi mejeén xota̱ xi ni̱ma̱kjo̱a̱a̱. Jí boá xi boeꞌé ngaꞌníi̱ ini̱ma̱a̱, kó niꞌínsée̱n nga chji̱a̱a̱,

Xo̱jo̱n Salmoo̱ 46:4

Tikón ngo ndejèꞌ xi ndáfoaa̱ tsꞌéntsjaá na̱xi̱ńdáꞌniuú Néná, nínga tikón ndiꞌandikoón, nínga tikón Néná xí tsi̱ꞌe̱ nkꞌajmii̱.

Én xí nda xi ꞌniú tsjatsó ngasee̱ 4:15

Jí boá xi xikoó ngo ndáńchꞌi̱ xi tikón nínga tjín ni tjieé, ¡jí boá xi xikoó ngo ndáńchꞌi̱ nínga tjo ndáfoa xi ndibajénni na̱xi̱ Líbanoo̱!

Rkaa̱ 11:13

Ngatꞌa̱ ndatsi jún ndajínjnú xota̱, májnú boeꞌéjnúu̱ ngo ni xi nda ndíjnú, ¡akja̱ꞌmíra̱ nga Na̱ꞌmijnú xi tikón ndiꞌakꞌajmi jàn tsja̱ajiín A̱si̱énni̱xtjii̱n tsi tjín xí ku̱i̱ꞌaa̱!

Juaa̱ 16:3

Kó kui nii̱ sa̱ꞌín ngatꞌa̱ bejínna, kó ti̱ bejín Na̱ꞌmina nga.

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Juaa̱ 3:16

Ngatꞌa̱ Néná achichí tjó kamaá xotaa̱ kui nga̱sondiee̱, nga katsjá ndí ngototoo̱, tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Juaa̱ 4:14

ta̱nga xi kꞌuí kui ndáfoa xi tsjàa̱, nginijánjín ka̱ma xíndaá, ngatꞌa̱ kui ndáfoa xi tsjàa̱, kuí boá xi ngo ndáńchꞌi̱ xi kjo̱tjoo̱ ndáfoa xi tsjaá kjo̱a̱mindyion ngatsjéni̱xtjii̱n xotaa̱.

Juaa̱ 6:35

Sꞌe̱ Kjisoo̱, bi̱ katsó: –Án boá kui pan xi tsjá kjo̱a̱mindyioo̱n, xi kjo̱e̱ꞌe̱kónna ngiti̱ ingojín ni̱xtjin nga ka̱ma bojoó, kó xi sa̱ꞌínsꞌijinna, nginijánjín ka̱ma xíndaá.

Juaa̱ 6:51

Án boá kui pan xi tikón xi jatjajenni ndiꞌakꞌajmi jàn, tsi tjín xí skji̱ni̱e̱ kui paa̱n, kꞌuijñá ngatsjéni̱xtjin, kó kui pan xi tsjàa̱ yojona boá, kui xi tsja an kjo̱a̱nda tsi̱ꞌe̱ kjo̱a̱mindyioo̱n kui nga̱sondiee̱.

Ni xi kamá 9:11

Kó Ndi̱a̱a̱, bi̱ katsoó: –Ti̱sítji̱n ji, kó tꞌen ji kui ndi̱yàtié xi ꞌmí Ndi̱yà Kixi̱i̱, kó ki̱a̱ ndiꞌaa̱ Jundaa̱ tasíyé ji nda̱ xi ꞌmí Sauloo̱ xi kjindibáni na̱xi̱ńdáꞌniú Tarso̱, ngatꞌa̱ kui nda̱a̱ Néná tsꞌénchji̱a̱a̱ ki̱a̱a̱,

Xota̱ Roma̱ 8:32

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

1 Xota̱ Korinto̱ 1:30

Néná xí katsꞌéngojo̱jnú Kristo̱ Kjisoo̱, kó ñá xi je kiniꞌángojo̱ yojoná makjínná ni xi tsi̱ꞌe̱, kó Néná xí katsꞌénná nga xota̱ kjínkón boá ñá, nga kixi̱ tindyión ngindyi̱ko̱n kui, nga xota̱ tsjie, ko̱jo nga xota̱ xi je kamáchjítjé jéná ñá,

1 Xota̱ Korinto̱ 10:4

ko̱jo ta̱ ngo tsí ni ꞌyó xi katsꞌe xi Néná katsjaá. Ngatꞌa̱ kuí xí katsꞌe kui ndáfoa xi jatjoo̱ kui ndi̱jo̱je xi Néná katsjaá, kó kui ndi̱jo̱o̱ kuí xí Kristoo̱, xi kistsoꞌbátji̱ngii̱.

2 Xota̱ Korinto̱ 9:15

¡Ndokꞌóchji̱ì Néná kjo̱a̱a̱ ni xi tsjáná! ¡Nde jmíjínná ngo én kó kꞌuíi̱n kjo̱a̱nda je xi ta̱ katsjá tsíná!

Xota̱ Éfeso̱ 2:8

Ngatꞌa̱ ta̱ngatꞌanii̱ kjo̱a̱ndaa̱ Néná nga jún je jatjoꞌajnú ngatꞌa̱ kisꞌijinjnú, kó kui nii̱ jmí tsi ngo ni xi jún kasako so̱bo̱a̱jnú, kjo̱a̱nda xi tsi̱ꞌe̱ Néná boá.

Xota̱ Ebreo̱ 6:4

Xota̱ xi je kiniꞌántsijee̱n, ko̱jo xi je askotꞌa kjo̱a̱ndaa̱ Néná, ko̱jo xi je katseꞌeé A̱si̱énni̱xtjii̱n Néná,

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.

Ni xi akakoo̱ 21:6

Kó bi̱ katsóna: –Jè kamá ngayeje nii̱. Án boá xi alfaa̱ ko̱jo xi omengaa̱, xi tjón ko̱jo xi fetꞌaa̱. Kó xi xíndaá, án xí ta̱ tsjañáa̱ nga kꞌuí ndáfoaa̱ kjo̱a̱mindyioo̱n.

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.

Ni xi akakoo̱ 7:17

ngatꞌa̱ kui cho̱tsa̱nga̱ kui xi botixómaá, kuí boá xi nda̱ xi koo̱n cho̱tsa̱nga̱a̱ ka̱ma, kó kuí boá xi kjo̱jo nínga tjitjó ndáfoaa̱ kjo̱a̱mindyioo̱n, kó Néná sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n.