Juaa̱ 3:6 - Xo̱jo̱n eén Néná

⁶ Tsi ngo xota̱ xi yojo nga katsen, yojo boá, kó tsi xi ngatꞌaa̱ nga A̱siénni̱xtjin Néná stse̱nní, a̱siénni̱xtjin boá.

Juaa̱ 3:6 ပူးပေါင်းရင်းမြစ်များ

Jenesii̱s 5:3

Andaa̱n kisꞌiee̱ ngo ndí xí xikó má kjiꞌi ko̱jo xikó má tsꞌén tjíjii̱n kui, bo̱a̱ má kisꞌie, kó See̱t ítꞌajaꞌén. Kó kisꞌie ngasee̱ ndí xí xi̱ꞌin ko̱jo ndí xí ínchjín. Úchán ko̱jo kantié noó Andaa̱n nga katsen See̱t, kó ngi jin úchán nó kisꞌijña nga̱sondie.

Jenesii̱s 6:5

Kó xi chjo̱on xí xi̱ꞌin xi kisꞌińdo kui nga̱sondiee̱ saꞌniú sáꞌniú ndajínkjiꞌi ni xi katsꞌén, kó ngatsjéni̱xtjin katsꞌénkjó nga ta̱soboá ni xi ndajín xí sa̱ꞌín. Kó kjiꞌanga Néná kamábe nga ta̱nisién ndajín kjima kui xotaa̱,

Joo̱b 14:4

ꞌYá xí ka̱maa̱ sa̱ꞌíntsjie ni xi ndándií. Ta̱ꞌyajínni.

Joo̱b 25:4

¡Ngindyi̱ko̱n Néná nde ngojín xi ka̱maa̱ ko̱kó nga jmíjéjiín! Nde ngojín xota̱ nga̱sondiee̱ xi tsjie.

Xo̱jo̱n Salmoo̱ 51:10

Ji Ne, ngo ini̱ma̱ xi tsjie ti̱ꞌindení, kó ngo a̱siénni̱xtjin xi kixi̱ tꞌíjñijìnní.

Juaa̱ 1:13

Kui xota̱ xi katsen ngatꞌaa̱ Néná, jmí tsi bo̱a̱ tsꞌén katsen xikoó xota̱ xi tjiín, ti̱nde jmí tsi xikótsꞌèn mejeén xota̱ xi yojo katsenni.

Juaa̱ 3:7

Ngata̱ nda̱jín maá kjo̱a̱a̱ nga bi̱ kixiaan: “Chjiéngá ingo ndi̱yà stse̱n nginíjnú.”

Xota̱ Roma̱ 7:18

Kó jè be an nga ngi̱jinna, ngi̱jin yojona, jmíjiín ni xi nda, ngatꞌa̱ ndatsi mejénna nga ni xi nda sa̱ꞌin an, ta̱nga tsꞌénjín an.

Xota̱ Roma̱ 7:25

Ndokꞌóchjì tsjàa̱ Néná ngatꞌaa̱ Ndi̱a̱ná Jesukristoo̱. Ja̱ kuíni nga ngayeje ko̱n an nga tsꞌensée̱n kjo̱a̱kitii̱ Néná, ta̱nga nga yojo an, mosoo̱ jeé kjima an.

Xota̱ Roma̱ 7:5

Ngatꞌa̱ kjiꞌanga kixindyión nga kiniꞌán ni xi mejeén yojoná, kjiꞌanga ni xi ndajín xi kamámejénná kiniꞌán, kjo̱a̱kitii̱ xí katsꞌén nga ta̱sá má ꞌniú ngase kiniꞌánjé, kó ni xi kijíjo̱na kjo̱a̱bo̱yaa̱ kiniꞌán.

Xota̱ Roma̱ 8:13

Ngatꞌa̱ tsi tindyiónjnú xikótsꞌèn tsꞌénkjó ngo xotaa̱ kui nga̱sondiee̱, ko̱yàjnú. Ta̱nga tsi si̱ꞌankjiénjnú A̱si̱énni̱xtjii̱n tsi̱ꞌe̱ nga ngiti̱ si̱ꞌánjínjnú ni xi ndajiín, ku̱i̱ndyionjnú.

1 Xota̱ Korinto̱ 6:17

Ta̱nga kui xota̱ xi ndyi̱tsꞌèngojo̱ yojoo̱ Ndi̱a̱ná, ta̱ ngo tsi A̱siénni̱xtjin ma nga joó.

2 Xota̱ Korinto̱ 5:17

Kó kuíni nga kui xota̱ xi je katsꞌéngojo̱ yojoo̱ Kristoo̱, ngo xota̱ xi tja̱tsi̱e̱ je kamá, ni xi xchaá jè jaꞌa, kó ni xi tja̱tsi̱e̱e̱ jè jeꞌe.

Xota̱ Ngalasia̱ 5:24

Xota̱ xi je tsi̱ꞌe̱ Kristo̱ Kjisoo̱, jè nijan yítꞌa kro yojoo̱, kui yojo jé xí mejeén sa̱ꞌín ni xi ndajín xi tjín kuí nga̱sondiee̱.

Xota̱ Éfeso̱ 2:3

Ti̱ bo̱a̱ ti̱ tsꞌén kixindyión ngayeje ñá kje̱ꞌe ni̱xtjin, nga ki̱a̱ tsangíntji̱ngíi̱, ko̱jo nga kiniꞌánkjatjosóo̱n kui ni xi kamámejeén yojoná, ko̱jo ni xi kiniꞌánkjó. Kuíni nga Néná kamá atíjéná, xikoó xota̱ xi ngasee̱.

Xota̱ Kolosa̱ 2:11

Kjiꞌanga kisꞌijinjnú Kristoo̱ kiniꞌánjnú ngo sirkunsisio̱n, ta̱nga jmí tsi ngo sirkunsisio̱n xi niꞌaán yojoo̱ xotaa̱ xi kiniꞌánjnú, ngo sirkunsisio̱n xi jaꞌáxín jé xí kiniꞌánjnú, kó Kristoo̱ boá xi bo̱a̱ katsꞌénjo̱jnú.

1 Xo̱jo̱o̱n Juaa̱ 3:9

Ngayeje xota̱ xi Néná je katsjaá nga ndií kui ka̱ma, ngájiín nga tsꞌénjé, ngatꞌa̱ Néná jè íjñajii̱n ngo xojmá, kó kui, ngiti̱ májín tsꞌénjé, ngatꞌa̱ jè ndií Néná má.