Juaa̱ 3:5 - Xo̱jo̱n eén Néná

⁵ Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi ndáfoajín ko̱jo A̱si̱énni̱xtjii̱n Nénájín stse̱n nginí, ka̱májiín kꞌo̱sꞌien nínga botixómá Néná.

Juaa̱ 3:5 ပူးပေါင်းရင်းမြစ်များ

Matioo̱ 18:3

kó bi̱ katsó: –Ja̱koxi̱ ni xi xiánjnúꞌun nga tsi ko̱sikjojínjnú yojojnú, kó tsi xikójiín jákjíndí ka̱majnú, ku̱i̱tjásꞌi̱e̱njínjnú ndiꞌakꞌajmi nínga botíxomaa̱ Néná.

Matioo̱ 19:24

Ingo ndi̱yà xiyà nginíjnúꞌun nga ta̱sá niꞌínjín kjiꞌi nga ngo cho̱toꞌoyitsꞌe̱n kjo̱a̱ꞌaya ngo ti̱xa̱a̱ ngo ńdo, ta̱bo̱a̱jiín nga ngo nda̱ cho̱n kꞌo̱sꞌien nínga botíxomaa̱ Néná.

Matioo̱ 21:31

ꞌYání nga jó kui ndií xi katsꞌén ni xi katsoó na̱ꞌmii̱. –Xi tjón kanangiyaa̱. Katsó xota̱a̱ Kjisoo̱. Kó Kjisoo̱, bi̱ katsó: –Ja̱koxi̱ ni xi xiánjnúꞌun nga kui já xí foaꞌáꞌyá to̱n xi machjítjé nii̱ ko̱jo ínchjínmasieén, kuí xí tjón kꞌo̱sꞌien nínga botixómá Néná, ta̱bo̱a̱jiín jún.

Matioo̱ 28:19

Kó kuíni nga, tangínjnú kó xota̱ tsa̱ꞌa̱n ti̱ꞌánjnú ngayeje xota̱ na̱xi̱ńdá, tatíndánijnú nga si̱ꞌankaxomájnú jaꞌeén Na̱ꞌmii̱, ko̱jo jaꞌeén ndií, ko̱jo jaꞌeén A̱si̱énni̱xtjii̱n,

Matioo̱ 3:11

An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú.

Matioo̱ 5:20

Ngatꞌa̱ xiyàjnúꞌun nga tsi ku̱i̱tjátjónjínjnúu̱ já chji̱ni̱e̱kjo̱a̱kitii̱ ko̱jo xota̱ fariseoo̱ nga ni xi kixi̱ si̱ꞌánjnú ngindyi̱ko̱n Néná, jmíni̱xtjin ku̱i̱tjásꞌi̱e̱njnú nínga botixómá Néná.

Markoo̱ 10:14

Kó nga kamábe Kjisoo̱ kui nii̱, kamáxtií, kó bi̱ katsó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ nínga botíxomaa̱ Néná kuí xí ka̱ma kꞌo̱sꞌien kui xi xikoó kui jákjíndií.

Markoo̱ 16:16

Xi sꞌi̱jii̱n, kó ko̱tíndá yojoo̱, kuí xi̱ꞌba̱ xi kjo̱tjoꞌaa̱ yojoo̱, ta̱nga xi sꞌi̱jinjiín, kuí xi̱ꞌba̱ xi ka̱majeé.

Markoo̱ 9:47

Kó tsi ndyikin sku̱i̱e̱ ngo ni xi ko̱ngijeé, ꞌna̱xié ji, ta̱sá nda ngase nga ta̱ ngo tsi ndyikin ndyi̱a̱ nga ku̱i̱tjásꞌi̱n nínga botixómá Néná, ta̱bo̱a̱jiín tsi nga jó ndyikin ndyi̱a̱ nga ku̱i̱chíjmijii̱n ndo̱bo̱a̱ṉkꞌi̱e̱e̱n,

Rkaa̱ 13:24

–Ti̱ꞌánjnú ngo kjo̱a̱ꞌniú nga ku̱i̱tjásꞌi̱e̱njnú nga̱ntjo̱a̱ xkjoó, ngatꞌa̱ xiyàjnúꞌun nga achichí má xota̱ xi ka̱mamejeén kꞌo̱sꞌien, kó ka̱májiín.

Rkaa̱ 13:3

Xiyàjnúꞌun nga jmí, ta̱nga tsi si̱ꞌankꞌoyájínjnú yojojnú tsi̱ꞌe̱ nga si̱ꞌankjatjosónjnúu̱ Néná, ti̱ bo̱a̱ ti̱ tsꞌén ko̱yàjnú ngayeje jún.

Rkaa̱ 13:5

Xiyàjnúꞌun nga jmí, ta̱nga tsi si̱ꞌankꞌoyájínjnú yojojnú tsi̱ꞌe̱ nga si̱ꞌankjatjosónjnúu̱ Néná, ti̱ bo̱a̱ ti̱ tsꞌén ko̱yàjnú ngayeje jún.

Juaa̱ 1:13

Kui xota̱ xi katsen ngatꞌaa̱ Néná, jmí tsi bo̱a̱ tsꞌén katsen xikoó xota̱ xi tjiín, ti̱nde jmí tsi xikótsꞌèn mejeén xota̱ xi yojo katsenni.

Juaa̱ 3:3

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi stse̱njín nginí, ka̱májiín sku̱i̱e̱ xikótsꞌèn botixómá Néná.

Juaa̱ 3:4

Sꞌe̱ bi̱ katsó Nikondemoo̱: –Kótsꞌèn ka̱maa̱ stse̱n nginí ngo nda̱ tsi je xchá. A ka̱márií kꞌo̱sꞌien nginí xi ma joó ndi̱yà ndo̱bo̱a̱ndií na̱aa̱n, sꞌe̱ stse̱n nginí.

Ni xi kamá 2:38

Kó Peé, bi̱ katsoó kui jaá: –Ti̱ꞌankꞌoyàjnú yojojnú, kó jaꞌeén Jesukristoo̱ nga niꞌánkjién nga satíndájnú nga ngo nga ngojnú, tsi̱ꞌe̱ nga Néná sa̱ꞌínjetakoón jéjnú, kó bo̱a̱ tsꞌén sa̱kójnú A̱siénni̱xtjin xi Néná tsja̱ajnú.

Ni xi kamá 3:19

Kuíni nga, ti̱ꞌankꞌoyàjnú yojojnú, kó Néná ti̱ꞌansénjnúu̱, tsi̱ꞌe̱ nga kui sa̱ꞌínkjié jéjnú, kó kji̱ndi̱báchonjnú Ndi̱a̱a̱ nga ni̱xtjin xi nda,

Xota̱ Roma̱ 14:17

Ngatꞌa̱ nínga botixómá Néná jmí tsi nichiniee̱ ko̱jo tsi ni ꞌyoó xi ꞌniú chjínií, kjo̱a̱kixi̱i̱, ko̱jo kjo̱a̱xioó, ko̱jo kjo̱a̱tsjaa̱ A̱si̱énni̱xtjii̱n Néná xí chjínií.

Xota̱ Roma̱ 8:2

Ngatꞌa̱ ngije kiniꞌángojo̱ yojoná Kristo̱ Kjisoo̱, A̱si̱énni̱xtjii̱n Néná xi tsjáná kjo̱a̱mindyioo̱n, katsjáná ngo kjo̱a̱kiti xi sa̱ꞌíndéná kjo̱a̱a̱ kjo̱a̱kitii̱ jeé ko̱jo kjo̱a̱bo̱yaa̱.

1 Xota̱ Korinto̱ 15:50

Jún ntsꞌie, xiyàjnúꞌun nga kui yojo xi tikónná ngotꞌe̱ ka̱májín sꞌi̱jña nga ko̱tíxoma Néná, ti̱nde ni xi maa̱ fotsoo̱n, sakójiín ngi̱ndie ngi̱jii̱n ni xi fotsonjiín.

1 Xota̱ Korinto̱ 2:12

Ta̱nga a̱siénni̱xtjin xi katseꞌéná ñá, Néná xí katsjáná, jmí tsi nga̱sondiee̱, tsi̱ꞌe̱ nga xcha̱ ngayeje kjo̱a̱nda xi tsjáná Néná.

1 Xota̱ Korinto̱ 6:11

Kó tjín jún xi kui nii̱ kiniꞌánjnú ngasꞌe̱, ta̱nga ngotꞌe̱ ꞌne̱ je kiniꞌántsjiejónjnú yojojnú, kó je tsjiejnú ko̱jo je xota̱ kixi̱jnú ngindyi̱ko̱n Néná, kó ngaꞌniuú Ndi̱a̱ná Jesukristoo̱ ko̱jo A̱si̱énni̱xtjii̱n Néná xí katsꞌén kui nii̱.

Xota̱ Ngalasia̱ 6:15

Jmí ni chjíjiín tsi kiniꞌánná ko̱jo tsi kiniꞌánjínná sirkunsisioo̱n, ni xi chjínií, kuí boá nga xota̱ tja̱tsi̱e̱ katsꞌénná Néná.

Xota̱ Éfeso̱ 5:26

kui nii̱ xi katsꞌén nga katsꞌéntsi̱ꞌe̱. Eén katsꞌéntsjieni, kó ndáfoa aniéjónni,

1 Xo̱jo̱o̱n Peé 1:2

Xikó tsꞌén índa Néná xí na̱ꞌminá nga kamámejeén jaꞌájinjnú jún, tsi̱ꞌe̱ nga xota̱ na̱xi̱ńdá xí tsi̱ꞌe̱ ka̱majnú. Kó nga ngatꞌaa̱ A̱si̱énni̱xtjii̱n, ko̱jo ngatꞌaa̱ nga kꞌien Jesukristoo̱ nga katsꞌéntsjiejónjnú ngayeje jéjnú, tsi̱ꞌe̱ nga ko̱nda̱ꞌyáꞌénjnú. Ngatama tsie kjo̱a̱nda ko̱jo kjo̱a̱xió xi tsja̱ajnú Néná.

1 Xo̱jo̱o̱n Peé 3:21

Kuí ndáfoaa̱ xi akó tjón tjón xikótsꞌèn tsꞌaxiéꞌájnú ndáfoaa̱, ngatꞌa̱ kjiꞌanga satíndá ngi̱jin ndáfoaa̱, fotjoꞌa ñá ta̱ngatꞌanií nga jaꞌáꞌyaá Jesukristoo̱. Kjo̱a̱botíndaá jmí tsi kui xi tsꞌéntsjie yojoná, ta̱sá tsi̱ꞌe̱ nga ndyi̱mindyisé nga nda kꞌuijñá kjo̱a̱kjíntakónná ngindyi̱ko̱n Néná.

1 Xo̱jo̱o̱n Juaa̱ 2:29

Tsi je yàjnú nga kixi̱ Jesukristoo̱, ja̱ ti̱ chjiéngá xcha̱jnú nga ngayeje xota̱ xi ndyi̱tsꞌèn ni xi kixi̱i̱, kuí boá xi je ndií Néná.

1 Xo̱jo̱o̱n Juaa̱ 5:1

Ngayeje xota̱ xi sꞌijii̱n nga Kjisoo̱ xi Kristoo̱, Néná je katsjaá nga ndií kui ka̱ma. Ngayeje xota̱ xi tjoó Néná xí Na̱ꞌmii̱, ti̱ tjoó ngayeje ndií kui Na̱ꞌmii̱ nga.